پنّوچ ءِ دمگ چہ مکران ءِ تیاب دپ ءِ دیمروی مراگشانی بنمال ءِ ونڈّ اں زبھر انت

پنوچ ءِ دمگ دار ءَ گُوَشت ; اے دمگ پرچا چہ مکّران ءِ تیاپ دپ ءِ دیمروی ءِ مراگشانی بنمال ، مان آپی ءُ راھی پڑاں زبھر ءُ مئے ھند ءِ چوشیں کار اں ، نگیگی ءِ آماچ انت ، بلے ما گِندگ ءَ ایں کہ مئے ھمساھگیں آپسران ءَ چہ اے بنمالاں ، لَکّانی لَکّ ءِ کَچ ءَ ونڈ ءُ بھر دیگ بوتگ . 

واجہ محمد یونس ھکّانی ءَ گُوَشت ; پنوچ ءِ دمگ ءَ چہ مکُّران ءِ تیاب دپانی دیمروی مراگشانی بنمالاں ، ونڈّ ءُ بھرے دیگ نہ بوتگ ، لھتے سال انت کہ اے دمگ ، چہ گِہ ءَ آپسر اں جتا ءُ گِستا کنگ بوتگ ءُ ما وتی چَمّاں گوں گندگ ءَ ایں بنت کہ مئے ھمساھگیں ھندے انت چہ مکّران ءِ تیاب دپانی دیمروی ءِ مراگشاں سوب گِرَگ انت ، پمیشکا ما را امیت انت کہ پنوچ ءِ دمگ ءَ ھم چہ دیمروی ءِ مراگشانی بنمال ، ونڈ ءُ بھرے بہ رس ایت ءُ ما اے بنگپ ءِ بارو ءَ وتی جھدان ءَ برجم داشتگ ءُ پیلو کن ایں .

پنوچ ءَ دمگ دار ءَ گوشت ; اے دمگ ءِ جھمنندیں مردمانی کَچّ ، ۶۲۰۰۰ کس انت کہ ماں ۱۴۹ کلّگ ءُ ھاری ءَ ھنکین انت . چہ اِشاں ۹۴ کلگ بے آپ ءُ ۸۸ کلگ اوں چہ ھادی ءِ تَھرانی ساچشت کاری اں زبھر انت . چہ دمگ ءِ راھاں ۵۷۷ کیلومتر ءِ کساس ءَ ھاکی ءُ سِکی راہ ، ۷۳ کلگ ، تیزیں دامگ ءُ ۴۳ کلّگ اوں لیب ءُ گوازی پٹ ءُ میدان سوز ساچی ءُ ھمے رد ءَ ، اے دمگ ءِ دوئیں پنوچ ءُ کُتیچ ءِ شھرانی دگ ءُ کوچگاں ، مہ سیہ دون ءَ مونٹ ءُ مھتاج انت . 

واجہ ھکّانی ءَ گوشت کہ پہ دمگ ءِ آباتی ءِ بارو ءَ ، ۱۸۹ ملیارد تومن ءِ کَچّ ءَ بنمال گیش ءُ گیوار بوتگ . ھمینچوکیں بنمال ءِ دو سریں ھسابے ءَ ھم ماں گوستگیں سال ءِ آھری ۳ ماھاں پہ اے دمگ ءَ گیش کنگ بوتگ انت ءُ ما ، دمگ ءِ بودناکی ءُ آباتی ءِ پڑانی بنمال ءِ گیش کنگ ءِ بارو ءَ ، چہ ھلاکہ دار ءِ آباتیانی زمہ واریں جھگیر ءَ ، پہ اے دلگوش گور دیگ ءِ ھاتر ءَ منتواریں . 

پنوچ ءِ دمگ دار ءَ گیش کت کہ ما ھرچ ۱۵ روچ ءِ سر ءَ یک رندے ءَ پہ دمگ ءِ دیمروی انی گیش ءُ گیوار بوتگیں بنمالانی ھاتر ءَ نند ءُ نیادے کن ایں دانکہ چہ وتی مول ءُ مرادانی بود ءُ دیمروی ءَ ماں درھیں پڑاں دلجم بہ بَہ ایں .

واجہ ھکانی وتی گپانی رندگیری ءَ گوشت کہ ھرچ دمگ ءِ آباتی مراگشانی رد ءُ بند کنوکی گَلّ ءِ کِرد ، ھما دمگ ءِ دیمروی ءُ بود ءِ ملپت ءُ رھبند انت ءُ اے تک ءُ پھنات ءَ ، زمہ واریں اُگدہ دارنی کِرد ءِ آسرال ، چہ آھانی گیش ءُ گیوار کتگیں بنمال ءَ پَدّر بیت چمشکا ما را امیت انت کہ چوشیں زمہ وارار اں وتی درھیں وس ءُ درشانیں لیکہ ان ءَ ، داں انیگیں سال ءِ اردی بھشت ماہ ءِ گُڈّی ایں روچاں ، پہ ھند ءُ دمگ ءِ دیمروی ءِ چِست ءُ ایراں کارمرز بہ کن انت / رجانک : میرجلال .