پہ بلوچ ءِ گونڈلے ءِ کُشگ ءُ چُنت جست چہ نیروی اِنتزامی ءَ !
میارجل ءِ ھالرسانی بنجاہ : چہ ماموران ءِ امنیتی ءِ تیر اندازی ءِ سوب ءَ ماں مھمدان ءَ یک کسانیں گونڈلے کشگ بیتگ ۔ دولتی رسانکدراں اِے ھال داتگ کہ نیروی انتزامی ءِ سپاھیگاں پہ اِیشی ءِ نیت ءَ کہ اِے ماشین ءَ مواد بار اِنت تیر اندازی اِش کُتگ ،گڈ چہ چُنت ادار ءَ کہ اِے ھال کہ ماں رسانکدر ءَ شِنگ بیتگ نیرو انتزامی ءَ ھم وتی جار تہ ءَ اِے جُھد کتگ کہ اِے ھبر ءَ یک وڑے پہ لس مھلوک ءِ واست ءَ بہ مَنّارین اِیت ۔ بلے چوکہ گندگ بیگ اِنت پہ اِے پیش آتک ءَ لھتیں گپ ءُ دانک جیڑگی اَنت :
الپ : ماں اِے سالاں کہ بازیں بے گناھیں مردم کہ نیروری انتزامی ءِ مامور ءُ سپاھیگانی تیرانی دیمپان بوتگ اَنت کہ پہ بژن گْوش اِیں شرّیں ھِساب ءُ شُمارے نہ اِنت ءُ گوں ملک ءِ دگہ جاھانی ھساب ءُ شمار ءَ ھم کَچ ءُ ھم دپ کنگی نہ بنت ۔
ب : ھژدری ءُ زروری جُست اِیش اِنت کہ نیروی انتزامی ءَ پہ اِے بے گناھیں مردمانی کشگ ءِ کم بیگ ءِ ھساب ءُ شمار ءِ ھاتر ءَ چے کُتگ ؟
ج :لس مھلوک چہ کُشگ بیتگیں مردمانی سرنبشت ءَ سھیگ نہ اَنت! مول ءُ مراد اِیش اِنت کہ مردم ءَ گُشگ نہ بیگ اِنت کہ نکس ءُ زیانے کہ آتکگ چہ کنگ بیت اِنت ءُ پہ زیان واری ءَ چِے دیگ بیت اِنت ؟ ءُ ھمے وڑ ءَ کسانے کہ ردی اِش کُتگ چونیں ھالے آیانی سر ءَ آرگ بوتگ ؟
د : آیا بلوچستان ءِ مردمانی ھک تچکیں ھالرسانی __جوانیں پسو دیگ نہ اِنت _ ھست یا نیست ؟
کارمرز کنوکانی هیال