پلیس ءِ جھگیری 2 انتزامی کارندہ ھانی بیرانی ءَ بنپور زمین ءِ اروش ءِ سروھد چہ بے پجاریں مردمان ءِ ءَ منّ ات

ھلاکہ ءِ پلیس ءِ ھالانی رد ءَ، 1405 ءِ دوشمبہ مھر ماہ ءِ 13می روچ ءَ اے اروش، بمپور زمین ءِ نوکجو کلگ ءِ پانگس ءُرکارندہ ھان ءِ گردوکیں گل ءُ ٹولی ءِ سر ءَ آرگ بوتگ، سلاہ بڈیں مردمانی تیر شانی ءِ رد ءَ " استوار 2 امیر ھسین کاسمی ءُ گروھبان یک نظام دست گشاد بیران ءُ ید دگہ کارندہ ئے ٹپی بوتگ. پلیس ءِ گشتانک ءِ رد ءَ اے گردوکیں گل ءِ کارندہ ھاں پہ ھند ءُ کلگ ءِ پھازگ ءِ ھاتر ءَ چار ءُ ٹپاس ءِ گشت ءُ گول ءَ گلائیش ات انت. اے تپاک ءِ رند اوں اروش کارانی شوھازگ ءُ دستیگ کنگ ءِ کار ءُ باراں بندات ءُ داں انیگ ءَ برجاہ انت.پلیس ءِ جارانک ءِ پیش تر ءَ ھندی ھالرسانی بنجاھان، انتزامی بنجل ءِ ۲ ھایلوکس موٹلان ءَ نشانگ بیگ ءِ ھال ءَ شنگ ءُ تالان بوتگ ات. ھالانی رد ءَ یکے چہ اے موٹلاں تیرشانی ءِ درگت ءَ نشانگ بوتگ، گوھداریں مردماں اے موٹل ءِ سجھیں سواریں مردمانی بیرانی ءِ ڈاہ ءَ داتگ ات بلے ھور گوں اے ھال ءِ، اے موٹل ءِ سواریں کارندہ ھانی شمار یا کہ بیرانیں مردمانی کچ داں آ وھد ءَ گیش ءُ گیوار نہ بوتگ ات. انچوش ھال رس اتگ ات کہ دومی موٹل اروش کاران ءِ تیرشانی ءِ درگت ءَ چپی بوتگ ءُ لیٹ وارتگ. پلیس ءِ جارانک داں انی ءَ گیشتریں سرپدی یے اے موںل ءُ آئی ءِ سواریں کارندہ ھانی بارو ءَ شنگ ءُ شلنگ نہ کرتگ. سلاہ بندیں مردمان ءِ پجار ءُ آھانی مول ءُ مکسد دنیگت ءَ پدر نہ انت. رجانکار : میرجلال.