ھورگواری ءِ گرانیں تاوان پہ بُنکی جاھاں / چھبار ءُ دشتیاری ءِ لھتیں کلگی راہ اَنگت ءَ گٹ اَنت
میارجل بنجاہ ءِ ھالرسانی ھال ءِ پد ءَ : بشی ھور ءُ گوات چہ ھِند ءِ سانوڑ ءَ جوڑ ءُ چست بوتگ ھمے رد ءَ ترندیں ھَور ماں ھِند ءِ دریا ءُ پاکستان ءَ گْواران ءُ پُشتبند ءَ ماں بلوچستان ءَ ھاس زرباری ءُ بُنجاھی دمگاں گور جنت.
بشانی مولمی سمین ھر سال ءَ گرماگ ءِ موسم ءَ یک وش ءُ دلکشیں مولمے پہ بلوچستان ءِ گرمیں ھوا ءَ ھاس چھبار ' دشتیاری ' کنرک ' گِھ ءُ سرباز ءِ شھرستاناں سوگات کنت ھنچو کہ اے سارتیں سمین جان ءُ ارواہ ءَ نوکی یے بکش اِیت ' بش گوں ترندیں سرگواری ءَ ماں کمکیں وھدے ءَ ھور گوں گّوات ءُ دمگ ءَ ماں بلوچستان ءِ زرباری شھرستاناں ھاس چھبار 'دشتیاری ' کنرک ' سرباز ' گھ ءُ پھرہ ءَ گور جنت.
چیزے روچ پیش ءَ موسم زانتی ءَ چاراِتگ ءُ گْوشتگ کہ ھور ءُ گواتے ماں بلوچستان ءِ درستیں ھند ءُ دمگاں کیت ءُ ھُژاری داتگ کہ چارشمبے ءِ روچ ءَ ماں اے دمگاں ھور ءُ گوات کیت ءُ سر بیت.گڑا شپ ءِ گڈی اَداراں اے ھور گوات آتک ءُ بلوچستان ءَ سر بوت ءُ بازیں تاوانے پہ بُنکی جاھاں بزاں ' بَرک ' بازیں کلگی راہ ءُ ۔۔۔۔۔دات ئِے ۔
گیشتریں ھَور ماں چھبار ءِ شھر ءَکساس 34 میلیمتر ءَ بوتگ ءُ اے دگہ شھراں چو کہ گنداوگ 'راسک ءُ دشتیاری ءَ بازیں کلگی راہ ھار ھیروپ ءَ گٹ کتگ اَنت ءُ پیشن ءِ سیمسری شھر ءَ ھم اے توپان ءَ بازیں تاوانے پہ شھرءِ برکانی بُنکی جاھاں داتگ.
کارمرز کنوکانی هیال