کرونا ءِ واکسیناسیون ءِ گُڈّی جاورھال ماں دشتیاری ءَ/ کماشانی دَزبندی ءُ لوٹ چہ مردماں پہ واکسن جنَ

میارجَلّ ھالرسانی بُنجاہ ءِ گزارش ءِ رِد ءَ؛ شھرستان دشتیاری ءِ واکسیناسیون ءِ بُنجاہ پہ مردمانی ھزمت رسانی ءَ جاڑیگ ءُ تیار اَنت. بُرز چہ پنجاہ سال ءِ واکسیناسیون ءِ کار ماں شھرستان دشتیاری ءَ بنگیج بوتگ ءُ وش بھتی اِنت کہ شھرستان دشتیاری ءِ مردم پہ ٹُکّا ءِ جنائینگ ءَ ماں نگور ءِ بھداشت ءِ بُنجاہ ءُ آتْراپ ءَ وت ءَ سر کنگ ءَ اَنت. 

شاہ بکش بشکار شھرستان دشتیاری ءِ کماش ءَ ماں گپّ ءُ تْران ءِ تہ ءَ گوں میارجلّ ءَ گُشت : اَگاں دْرستیں مردم بھر بہ زور اَنت ءُ واکسینہ بہ بنت کرونا ءِ نادْراھی ھَلّ اِیت ءُ ھلاس بیت اَرزانیں دَرورے پیش بہ کناں اَنّوں ھدا ءِ شُگر اِنت کہ بازیں درمانی کمک کاراں ٹُکّا جتگ ءُ ھالاں کہ چاریں وش بھتی ءِ گپ اِنت کہ چہ کرونا ءَ ایمن اَنت ءُ منی دَزبندی چہ مردماں ھمیش اِنت کہ اَلّمی ءَ بھداشتی بُنجاھاں بہ رو اَنت ءُ پہ وتی جند ءُ لوگمان ءُ راجمان ءِ دْراھی ءُ سلامتی ءَ ٹُکّا بہ جن اَنت تاں کرونا زوتّ تِر آسر بہ بیت. 

دگہ یکّے چہ شھرستان دشتیاری ءِ کماشاں دَرّائینت : بلکیں ماں مجازی جھان ءَ بہ گْوش اَنت کہ کسے کہ ٹُکّا بہ جنت آئی ءِ ھال بدتر بیت اِنّاں اِے رنگ ءَ نہ اِنت؛ منی وتی جِند ءَ واکسن جتگ ءُ ھالوں وشّ اِنت ءُ من وتی ھم سِنداں گُشاں کہ واکسن بہ جن اَنت تاں ایمن بہ بنت.

رجانک : جنید بلوچ