میارجل ءِ یک شریں تامُری روایتے پہ بلوچستان ءِ کتاب دوستانی واست ءَ / چہ کلیدر ءِ بلوچی رَجانک ءَ کہ

چہ میارجل ءِ رسانکدر ءِ بُنجاھی ھال ءِ نیمگ ءَ : نمیرانیں واھدبکش بلوچ بادپا کہ یکے چہ بلوچستان ءِ ادیبان اِنت ءُ بلوچی زبان ءِ دیمروی ءِ واست ءَ بازیں دلسیاھی ئِے کَش اِتگ ، واجہ واھدبکش بلوچ بادپا ءَ بلوچی زبان ءَ مزنیں ارزشتے ءُ بِستارے داتگ  ءُ مھمود دولت آبادی ءِ کلیدر ءِ گدار ئِے پہ بلوچی ءَ ترینتگ ۔

واجہ بادپا ءَ پہ جنکانی وانینگ ءُ دیمروی ءِ واست ءَ ھاسیں ارزشت ءُ بستارے کردی دروشم ءَ پِیش کتگ ءُ جنکانی وانگ سک باز اَلّمی ءُ ھژدری زانتگ ئِے ءُ وتی زمانگ ءِ توک ءَ ماں بلوچی زبان ءِ جھدکارانی پِڑ ءَ یکے چہ پیشوکاں بوتگ ءُ کلیدر ئِے رجانک کُتگ ، بلے وتی جند کلیدر ءِ دیمدرائی ءَ گون نہ اَت ءُ یک سالے پیش نادراھی ءَ سوب ءَ بیران بیت ءُ نام ءُ یات ئِے مدام پہ بلوچ راجدپتر ءَ پَشت کپت ۔

آ گمواریں پِتے اَت پہ ورنا ءُ جواناں ، پہ بلوچی زبان ءُ ادب ءِ واست ءَ سِیت مندیں مرد ءُ استادے اَت ; ترانگے کہ چہ آئی ءَ درستانی زبانانی سر ءَ اِنت آ اِیش اِنت کہ آموزش ءُ پرورش ءِ زمہ وار یک وانگ جاھے ءَ کہ چار نودربر ئِے بہ اَنت بند اَنت ئِے ءُ آئی ءَ اِے نیت ءُ لِیکہ ھست اَت اگاں اِے وانگ جاہ چُٹّی ءُ تاتیل بہ بیت نودربر چہ وانگ ءُ درس ءَ پشت کپ اَنت ءُ دور مان اَنت ، وھدے کہ کار ءَ پہ ھمے ھاتر ءَ یلو دنت گڑا بلوچی زبان ءِ ھِزمت ءَ گیشتر گلائش بیت ءُ پارسی ءِ مستریں گدار ءَ پہ بلوچی ءَ رجانک کنت ۔