میارجل ءِ روایت ماں چھبار ءِ شھر ءَ چہ کوسر ءِ ھاکی میدان ءَ کہ اود ءَ رمزان ءِ ماہ ءِ پادبولی گوازی

چہ میارجل ءِ ھالکاری بُنجاہ ءِ ھال ءَ : جام رمزان ءِ دوازھمی دورہ ءِ پینال ماں چھبار ءِ شھر ءَ کوسر ءِ میتگ ءَ دو تیم ءِ میانجی ءَ برجم دارگ بوت ءُ اِے یک پیمے ءَ اَت کہ چھبار ءِ شھر ءِ وردشکار پہ چھبار ءِ جاگاہ ءُ سرانہ ءِ بھر ءَ کہ چہ کشور ءِ درستیں جاھاں پد منتگ ءُ کمتر اِنت گِلو ءُ زنگ ءُ زاری اِش کُت ءُ اِیشی ءَ باید بہ مَنّ اِیں کہ چھبار وردشی استاندارد ھساب ءَ کمے چہ ھِچ ءَ بُرز تر اِنت ۔

یکے چہ پینال ءِ تیم ءِ گوازی کنوکاں  دیم پہ زمہ واراں گْوشت : گھتر اِنت یک پگرے پہ مئے ھاکی ئیں زمین ءِ واست ءَ بہ کن اِت کہ ماں اِے زمین ءِ تہ ءَ کپگ برابر اِنت گوں ھر وڑیں نادراھیانی گرگ ءَ ، گوں اِے جَھل ءُ کَمّیں وردشی بھر (سرانہ) ءَ گھتر اِنت لوگاں بہ نند اِین ءُ کوالی بہ جن اِیں ، لوگ ءِ نندگ گھتر اِنت چہ ایشی ءَ کہ بیا اِیں چُشیں جاھاں لیب ءُ گوازی بہ کن اِیں ھر چنت کہ مئے مھر پہ وردش ءَ چشیں موکل ءُ  اجازتے مارا نہ دنت انت ۔

چہ اِے ھال ءِ سوب ءَ : سرجمیں شھر ءِ ھور بیگ گوں چھبار ءِ بندن آزات ءَ ،پیش چہ اِیشی ءَ سالانی سال شھرداری ءَ وتی زاتی زمہ واری پہ وردشی بھر ءِ گیش کنگ ءَ پیلو نہ کتگ ، ءُ بندن آزات ءِ زمہ واراں بدتر چہ شھرداری ءَ پہ وردشی بھر ءِ دیم ءَ برگ ءِ واست ءَ ماں چھبار ءِ شھر ءِ واست ءَ نہ کتگ ءُ شرمسار اَنت.