میارجلّ ءِ روایت چہ کشاورزی ءِ دَرپینک ءُ نزوریاں ماں راسک پارود ءِ بھرگ ءَ /سارت جاھے ءِ جوڑ کنگ کش

میارجلّ ھالرسانی بُنجاہ ءِ گزارش ءِ رِد ءَ؛ گوریچّان، رودرآتک ءُ روایرشُت ءُ بلوچستان ءِ بُنجاہ، اُستوایی ءُ گرمسیری نیبگانی بُندری ردوم جاہ اِنت ءُ اِے دمگانی گیشتریں مردم مال چارینی ءُ کشاورزی ءَ دلگوش اَنت؛ ماں کشاورزی ءِ بھر ءَ گوں کارمان ءِ رُدوم ءَ، بلوچستان ءِ کشاورزاں مشکلانی سبب ءَ  تنیگا نہ توان اِتگ مکانیزمی رنگ ءَ کشاورزی ءِ کار ءَ دیم ءَ بہ بر اَنت ءُ ماں بلوچستان ءِ تھر تھریں کشاورزی بُنجاھاں ھما پیم ءَ ربیدگی رنگ ءَ کشاورزی کن اَنت.

پہ گیشتریں زانگ ءِ ھاتر ءَ پارود ءِ کشاورزانی مُچّی ءَ شُتیں جاھے کہ 200 کشاورزیں مردم تچک ءَ کشاورزی ءِ کار ءَ گُلائیش اَنت؛ پارود ءِ بھرگ  شھرستان راسک ءِ وش آب ءُ ھوائیں دمگ ماں بلوچستان ءِ زِربار رودرآتک ءَ اِنت ءُ ماں اے دمگ ءَ بْرنج ھم کِشَگ بیت.

لھتے چہ پارودی کشاورزاں ھم کشاورزی بھر ءِ بُن جتی  مشکلانی بارہ ءَ گوں میارجلّ ءِ ھالکار ءَ گپ جَت کہ شمئے چمّانی دیم ءَ گْوز اَنت.