میارجلّ ءِ روایت چہ دگّے ءَ کہ باز بر ءَ کُربانی گپتگ ئِے/ نوبندیان - چھبار ءِ دَگّ ءَ نہ راہ چیدگ ھست

میارجلّ ھالرسانی بُنجاہ ءِ گزارش ءِ رِد ءَ؛ چھبار - نوبندیان ءِ دگّی تراپیک ءَ رانندھانی توار ھم درکتگ. میارجل ءِ ھالکار ءَ اّے دگّ ءِ بابت ءَ میدانی گزارشے گپتگ کہ تراپیک ءَ مردمانی ھوش ءُ اِنان پُل اِتگ.

نوبندیان داں چھبار ءِ دگّ بے راہ چیدگ ءُ کِشک کَشّی ءَ، پُھلانی بے پَلّی، ءُ ماں شپ ءَ پکّائیں دید ءِ نہ بیگ ءَ، تاں اَنّیگ ءَ مزنیں ءُ ترسناکیں ناگتال ءُ سرکپتانی سوَب بوتگ.چَندے چہ دمگ ءِ رانندھاں چرے دگّ ءَ وشّیں دلے نیست ءُ مزنیں ماشینانی روآ ءَ تُرس گیشتر کتگ؛ مزنیں ماشین چہ جکیگْور ءَ سیمان لَڈّ اَنت ءُ گوں گُراباں ماں چین ءَ بر اَنت.

چہ چھبار داں نوبندیان ءِ کِشک ءِ یک رانندھے ءَ گُشت : بژن اِنت کہ دَگّ اَلکاپیں جاورے ءِ واھُند نہ اِنت، دگّ ءَ دامن نیست ءُ تریلی راھشونی ءُ رانندگی ءِ رھبنداں دلگوش نہ دینت ءُ باز رند ءَ بیرانی ءِ آماچ بوتگیں. اَگاں دگّ ءَ دوباندہ کُرت نہ کن اَنت کم چہ کم لکیراں بہ گیشّین اَنت داں شپ ءَ رانندہ بہ زان اَنت دگّ ءِ لکیر کُجا اِنت؟

رجانک : جنید بلوچ