گنداوگ ءِ ھامین ءِ گڈی ساہ / مَچ دار 220 پاگاپ ، ھلینی ءِ ناہ ءَ روپ اَنت+تامر

 میارجل ءِ ھالکار ماں یکے چہ اِے مچکدگاں شتگ ءُ ھالے گپتگ ئِے کہ چہ شمئے چم ءُ دیدگانی دیم ءَ گْوز اِیت.چہ میارجل ءِ ھالرسانی بنجاہ ءِ ھالانی رِد ءَ ; میارجل ءِ ھالکار گنداوگ ءِ مچکدگاں شتگ ءُ چہ روپوک ءُ کِشتکاراں پہ اِے مَچّ ءِ ھُرماگ ءِ بارہ ءَ جُست ئِے گپتگ.

 گنداوگ ءِ کِشتکاری جھد ءِ کارمستر گْوشگ اِنت : ھلینی ءِ 220 پاگاپ ءِ روپگ ءِ کار چہ اِے مچاں کہ  شھریورماہ ءِ گُڈسر ءَ بندات بوتگ ءُ دانکہ مھرماہ ءِ آھر ءَ بُرّگ ءُ روپگ روان اِنت۔ابدناسر رئیسی ءَ گِیش کُت : مچانی کِشگ ءِ زمین ءِ اندازگ 2400 پاگاپ اِنت بلے 220 گَوبَند ھاسکن پہ ھلینی ءَ اِنت.

 آ گْوشگ اِنت : گنداوگ ءِ شھرستان ءَ چہ سی وڑیں مچاں گِیش ھست اِنت کہ وشتریں مَچّ چہ آیاں مزاپتی ،ھلینی ، کُتُمی ،نگال ، وش کونک wash kounk ءُ آبو اَنت ۔

گَنداوگ ءِ کِشتکاری جھد ءِ کارمستر ءَ درائینت :ھَلِینی/ھَلِینو ءِ ناہ ابید چہ تاجَگ واری ءَ ماں لوگی کارجاھاں جوڑ کنگ ءُ دگہ "اُستاناں" ءُ مَزن ھور ءِ مُلکاں پہ بَھا راہ دیگ بیت اِنت.آئی ءَ گُشت : ناہ ءِ  جوڑ کنگ ءُ بَند ءُ بست ءِ 20 دانگ کارجاہ ماں گنداوگ ءِ شھرستان ءَ جُھد ءَ اَنت ءُ 500 کَس ماں اِے کارجاھاں پہ کار ءَ مولمہ ءَ اَنت ۔

رجانک : میرجان میر