بلوچستان ءِ زرباری رودرتک ءِ هور کنوکیں راھانی کار ءِ بندات بیگ / کلانی داں کہ گواتر ءِ راہ، بلوچستا
چہ میارجل ءِ ھالرسانی بنجاہ ءِ ھالانی رد ءَ : کلانی پہ گواتر ءِ ھور کنوکیں راہ، بلوچستان ءِ راھانی دیمروی ءِ واست ءَ ھژدری ئیں بُن ساچے کہ بلوچستان ءِ زرباری رودرتک ءِ گردوکانی راهاں گوں ھم سرجم ءُ ھمگرنچ کنت اِنت۔
کلانی پہ گواتر ءِ راہ ءِ دراجی دوازدہ (کیلومتر) اِنت ءُچنت سال انت اِے آبریچ ءِ مردماں پہ کار ءُ روزگار ءُ سید ءُ سیادی ءِ واست ءَ باید ۸۰ (کیلومتر) اِش بہ گوازینتیں دانکہ پہ بریس ، پسابندن ءُ گواتر ءَ بہ رستین اِت اَنت کہ اِے نگیگی ءَ باز بر ءَ مردم، گوں دگانی نہ وشیں وَیلاں دیم پہ دیم کتگ اَنت.
گوں کلانی پہ گواتر ءِ ۱۲ (کیلومتری) راہ ءِ جوڑ کنگ ءَ ایوک ءَ ناں دشتیاری ءِ جانشو ءُ کاروالایانی راہ نزیک تر بیت بلکیں بلوچستان ءِ زرباری رودرتک ءِ گردوکانی راہ ھم سرجم تر بیت ءُ چہ ایشی ءَ پد گردوک که پہ سرباز ءُ راسک ءُ دشتیاری ءِ براھداریں آبریچاں پہ سیل ءُ سواد روگی به بنت گواتر ءُ پسابندن ءُ بریس ءِ دلکشیں تیاب ءَ هم ندارہ کت کن اَنت ءُ پد ءَ چہ تیاب ءِ راہ ءَ چھبار ءُ مکران ءِ تیاب ءَ سیل کنان کت کن اَنت۔
انی کلانی ءُ گواتر ءِ ۱۲ (کیلومتری) راہ ءِ کار بیگ ءَ اِنت ءُ واھگ دار اِیں کہ سال ۱۴۰۰ ءِ گڈسر ءَ ھلاس بہ بیت ۔
رجانک: میرجان میر
کارمرز کنوکانی هیال