میارجلّ ءِ روایت چہ چھبار ءِ اسکان ءِ منندجاہ ءَ/ 300 مردم چہ باسکانی جیڑہ ءِ گیشّ ءُ گیوار نہ بیگ ءَ 10

میارجلّ ھالرسانی بُنجاہ ءِ گزارش ءِ رِد ءَ؛ اِے ھمکاری گَل ءِ باسکانی نمدی نبیسگ ءِ بابت ءَ پہ میارجلّ ءَ ءُ میارجل ءِ میدانی تیم ءِ پرے بُنگپ ءَ مْیان ءَ آیگ ءَ  ما چہ اسکان منندجاہ ءِ ھمکاری گل ءِ باسکانی نیمگ ءَ بازیں نگرانی ءُ دل پریشانی یے دیستگ ءُ اِے ھمکاری گَل ءِ باسکاں کہ گیش چہ 10 سال ءَ وتی مال ءُ مڈّی  ماں 100 میلیون تومان ءِ اَرزشت ءِ کساس ءَ پہ منندجاہ ءِ واھُند بیگ ءِ اُمیت ءَ داتگ، 10 سال ءِ گْوزگ ءَ باوجود ھَیئت کارمستر ءُ کمکار کارمستر ءِ پْرشگ ءِ سوَب ءَ، ھما پیم بے آسرا اَنت ءُ پرے بُنگپ ءَ داوری ءُ ایمنی ءُ سپاھی نھادانی، توک ءَ مان دیگ ءُ دَور کنگ ءِ لوٹوک اَنت.

میارجلّ ءِ ھالکار ءَ ماں اے پروژہ ءِ سَیمی تار ءِ اجرا ءِ جاگاہ ءَ کہ سالانی سال اِنت اوشت ءِ آماچ اِنت وت ءَ ساڑی کتگ ءُ گوں اِے پروژہ ءِ مال زِبھر بوتگیں مردماں گپ ءُ تْران کتگ. اِے ھمکاری گَل ءِ باسکانی داوا ءِ رِد ءَ گندگ بیت کہ رکّگ ءِ یکّیں راہ ءُ دَر اِے بنگپّ ءَ ماں آپسرے ءَ سر کنگ ءُ نوکیں ھَیئت کارمستر ءِ جوڑینگ ءُ نوکیں کمک کارمستر ءِ گچین کنگ اِنت.

رجانک : جنید بلوچ