میارجل ءِ روایت چہ نسیر آباد ءِ دمگ ءَ ماں سرباز ءَ /دمگی کار ءُ بار بلوچستان ءِ دیم روی ءِ سوب بنت + ت
چہ میارجل ءِ ھالرسانی بنجاہ ءِ ھالانی رد ءَ : ھژدری ئیں گنجائش ءُ ھاسیں موہ سوب بنت کہ لھتیں میتگاں گوں کمیں زَر ءِ ھرچ کنگ ءَ آ آبریچ ءِ باپاری ءَ مدت کت کن اَنت .نسیر آباد ءِ دمگ ماں سرباز ءِ بکش ءَ مستریں میتگے ءُ پہ کار ءُ بار ءَ ماں سرباز ءَ ھما انگشت شماریں دمگانی سرپ ءَ شمار بیت کہ وڑ ءُ وج ئِے پہ کار ءَ سک وش اَنت ۔
نسیر آباد ءِ دمگ سرباز ءِ آبریچ ءَ مرکزی بکش ءِ زرباری کنکّ ءَ کپگ اِنت کہ پھرہ ، راسک ءُ چھبار ءِ راہ ءِ سر ءَ اِنت ءُ اے دمگ ءَ گوں سرباز ءِ شھر ءِ بنجاہ ءَ 35 کیلومتر پَند ئِے ءُ چہ راسک ءِ شھر ءِ بنجاہ ءَ 45 کیلومتر راہ ئِے ھست اِنت ، نسیر آباد ءَ 1462 کس مردم ھست اِنت کہ پہ دمگی کار ءُ باراں ھژدری ئین ءُ سان مندیں کارست ئِے جوڑ کتگ ۔
نسیر آباد ماں سرباز ءِ آبریچ ءَ چہ ھما میتگاں شمار بیت کہ آئی روانکی شمار روچاں پہ 7 ھزار نپر ءَ رسگ اِنت ءُ کِرّ ءُ کنکّ ءِ 20 دمگ چہ اِے دمگ ءِ آسراتیاں چو کہ بانک bank کشاورزی ءُ "ھلال اھمر ءِ امداد ءُ نجات ءِ بنجاہ" "جنکانی دبیرستان ءِ وانگجاہ" ءُ دولتی کارانی کارگس ئِے ھست کہ کِرّ ءُ گور ءِ مردم کار مرز کنگ اَنت.
رجانک : میرجان میر
کارمرز کنوکانی هیال