میارجلّ ءِ ھال چہ یک نیک کاریں گامگیجے ءَ ماں بلوچستان ءَ / کتابوانی ءِ رواج ماں تلانگ ءَ گوں شدیگ ءِ

میارجل ھالرسانی بُنجاہ ءِ ھالانی  رِد ءَ : ماں شدیگ ءِ میتگ ءِ کتابجاہ کہ شھرستان کسرکند ءَ تلانگ ءِ بھرگ ءَ اِنت گوں آریپیں لوگمان میرزا بلپ ءِ پُشتیبانی ءُ داتاری ءَ کارئِے بِندات کُرت اے کتابجاہ ءِ اُگدہ دار ءُ کتابدار بانُک مینا بلوچ اِنت. ھمے پیم اِے کتابجاہ گوں "بامداد امید صبا" گَل ءِ ھمّت ءُ چیردستی ءَ سرجم ءُ برجم کنگ بوتگ اے دودمانی ءُ کتابدوستیں گَل کہ پد ماں پدیں دھکاں پہ داناگی ءُ کتابوانی ءِ رواج دیگ ءَ جھد کنگ ءَ اَنت.

بنگیج ءِ مراگش گوں دمگی واکدار، نیک کار شدیگ ءِ مڑاھداریں مردمانی ساڑی بوگ ءَ ھمراہ اَت ھمے رنگ ءَ بنگیج ءِ روچ گوں شاھاریں کتابوانی، بُت کَشّی، کاردستی ءِ جوڑینگ ءُ زھگ ءُ شکرورنایانی وزبت وانی ءِ مراگشاں ماں اِے دیار ءِ پُسّگانی تْرانگ ءَ نمیران کنگ بوت. اُمیت واریں کہ شدیگ ءِ میتگ ءِ کتابجاہ کہ دگہ لھتے میتگانی بُنجاھی ءِ بستار ءَ ھم دار اِیت گوں دربری، دودمانی ءُ چاگردی یاتگیری ءُ نوکاری ءَ؛ وتی کِرد ءَ پہ دمگ ءِ داناگی ءِ سپھر ءِ بدلی ءَ کار بہ بنداِیت ءُ پہ آ دگہ کتابجاہ ءُ کتابوانی ءِ رواج دیوکاں دَرورے بہ بیت ۔

رجانک : جنید بلوچ