بلوچانی لنگ ءُ لُچّ ءُ کتہ کاریں ھالکار ءَ یادداشتے پہ میارجل ءَ نبشت / لَنگ ءُ لُچّاں ھچ وڑیں بستار

میارجل ءِ ھالرسانی بنجاہ ءِ ھالانی رد ءَ ; مھمد جواد سادکی ءَ نبشت: مروچی آزر ماہ ءِ دوازدھم ءَ لنگ ءُ لُچّانی جھانی روچ اِنت کہ اے گال ءِ پرّیچگ ءَ میان استمان ءِ ٹول چُش کہ سازمان ملل ءُ ۔۔ منتگ اَنت ءُ ملی رد ءَ آئی ءَ سُرَگی نادراھی گُش اَنت تاں اے تَبک ءِ مردمانی تھ ءَ  چہ روھی ءُ روان ئِے نگاہ ءَ بیجارگی ءِ  مارشت ودی مہ بیت ءُ گوں وت ءَ مہ گُش اَنت کہ ما درماندگین ءُ وتی کمتریں کارانی کنگ ءِ ھاٹیگ  نیست.
اگاں مروچی دگہ رُمبے ءِ روچ بہ بوتیں گڑا ادارہ ءُ کارگساں پہ مراد بات ءَ گوں بازیں پُل ءُ گلشانی ءَ اے روچ برجم داشتگ اَت بلے پہ ما لنگ ءُ لُچّاں کُج اِنت یک دلوّشیں کُلھے؟! ، بلے ما اللہ ءِ باھوٹ ءَ ایں ، بلکیں ھیک ءِ جھانی روچ ءَ بہ دار اَنت کہ آزمان ءِ مُرگ چہ آیاں منّہ وار بہ بنت.
 ایران ءِ بھزیستی سازماں زانت کہ لنگ ءُ لُچّ اے روزگار ءِ گڈی دم ءَ انگت ودار ءَ اَنت تاں اے مدتی ٹول ءِ تھ ءَ  شمار بہ بنت بلے ھما کہ اے ٹول  ءِ تھ ءَ اَنت آیانی ھال ءُ روچ اوں وش نہ اِنت لُچّے پہ وتی دراھی ءِ ھژدری ئیں درماناں سریں پروشیں ھرچ سگّگ ءَ اِنت بلے ماھے 160ھزار تُمن آئی ساب ءَ رچ ایت کہ سے روچ ءِ ھرچ ھم نہ بیت.
اے لنگ ءُ لُچانی گمیگیں کسّہ ءِ بھمانگی بھر ایش اِنت کہ بھزیستی آیاں وتی لوگمان ءِ سرباریں باسکے سرپد بیت ءُ آیاں کانود ء اساسی ءِ اسل ء 44 متابک ءَ پہ ھسوسی بکشان ئِے داتگ اَنت ءُ موسسہ گوں انگیزشی ناماں زانگ نہ بیت گوں بھزیستی ءَ چُنت چُنت ءُ گوں لنگ ءُ لُچّاں چنت چنت اَنت. بلے من گُشاں لُچّی بَندی نہ اِنت ءُ اگاں ما لنگ ءُ لچّ چہ وھد ءِ بداں اے ھال ءَ کپتگیں ، مئے امیت پہ ھاوند ءَ بہ بیت ناں ھاوند ءِ بندگاں..

رجانک : آبد رھشون