میارجل ءِ ھال چہ چھبار ءِ لوگانی باڑو ءُ گْرانی ءِ بارو ءَ /مردمانی گِلّو ءُ زَنگ ءُ زاری چہ لوگانی ا
چہ میارجل ءِ ھالرسانی بنجاہ ءِ ھالانی رِد ءَ : ماں بلوچستان ءِ سرجمیں شھراں ماں گوستگیں سالاں لوگانی نھاد ءُ باڑو ءِ گیش بیگ دیستگ اَنت ، البت اِے گرانی ماں سرجمیں ملک ءَ ھمے وڑ ءَ گندگ بوتگ بلے ماں ھمے سال ءَ نھاد چنت برابر بوتگ اَنت کہ لوگ ءِ زیرگ ءُ باڑو ءُ رَھن کنگ پہ شھر ءُ دمگانی بے زر ءُ توکی مردمانی واست ءَ یک واھگے جوڑ بوتگ ۔
ماں چھبار ءِ بندن آزات ءَ لوگ ءِ باڑو ءُ رھن چہ درستیں مزنیں شھر ءُ استانانی بنجاہ ءِ ھلاپ ءَ شریں جاورے گندگ نہ بیگ اِنت کہ مردم پہ یک لوگے ءِ باڑو کنگ ءِ پَد ءَ چنت ماہ ءَ تُرّگ ءَ اَنت ۔
شہ پیشگیں سال ءَ دانکہ مرچی لوگانی باڑو ءُ رھن ءِ نھادانی برز روگ ءَ ماں چھبار ءِ بندن ءَ گندان اِیں ، ءُ ھمے سوب بوتگ کہ لوگ ءِ واھند بیگ ھاسکار پہ چاگرد ءِ کم زَرّ ءُ توکی مردمانی واست ءَ یک نہ دیستگیں وابے ءُ تھتالے !
مردم گوشگ اَنت کہ اُگدہ داریں کارمسترانی نادلگوشی ءَ اِے گْرانیں جاور پہ ما آورتگ اَنت ، انی بہ چار اِیں کہ آیا چھباری اُگدہ دار پہ شھرنندیں مردمانی جستانی پسو ءَ وتی آستیگاں لانچ اَنت یا ناں چو مدامی وڑ ءَ پہ یک لوگے ءِ باڑو کنگ ءِ ھاتر ءِ اُوستیگ واھگ ئیگ بہ بنت ؟
رجانک : میرجان میر
کارمرز کنوکانی هیال