ھلاکہ دار ءِ چیریں کارانی جھگیر ، باریں پلیس ءِ موٹل ءَ پرپٹ سواریں مردمان ءَ لپاشتگ انت + تامر
علیرضا مرھمتی ، ھلاکہ دار ءِ چیری کارانی جھگیر ، میارجل ءِ دیرگند ءِ دیم ءَ آتک ءُ اے بلوچ کوشاریں دگ وئیل ءِ بارو ءَ تران کت .
چہ میارجل ءِ بنجاھی ھالرسانی ءِ ھالانی رد ءَ ; گوستگیں شپ ءَ پنوچ دمگ ءِ پلیس ءِ یک موٹلے ءَ ۲ پرپٹ سواریں ورناھانی رند ءَ کپت ءُ چہ پرپٹانی پد ءُ لنگی ءُ ڈیکہ ورگ ءِ کارپداں ، سمیر نامیں بلوچ نوک ورنائے ءَ بیران بوت .
لھتے ملکی مردماں گوش انت کہ پلیسانی موٹل پرپٹ والایان ءَ لپاشتگ ءُ چہ آ جاہ ءَ جِِستَگ ءُ تَتکَگ . میارجل ءِ ھالکار پہ اے ھال ءِ چار ءُ ٹپّاسگان ءُ اے دگ وئیل ءِ اسلی ایں زمہ وار ءِ شوھازگ ءَ ، ھلاکہ دار ءِ چیری کارانی جھگیر ءِ گوم ءَ گپّ ءُ ترانے کتگ .
ھمے بنگپ ءِ ھاسیں پد منت ءِ ھاتر ءَ علیرضا مرھمتی ، ھلاکہ دار ءِ جھگیر گوں یک گلّے ءَ ھور پہ اے تپاک ءِ چارگ ءُ ٹپّاسگ ءَ پنوچ ءِ شھر ءَ آتکگ ات . مئے اے گپ ءُ تران ، گل ءِ آیگ ءَ رند گوں آھاں برجم دارگ بوتگ .
رجانک : میرجلال
کارمرز کنوکانی هیال