چھبار ، کنرک ، دشتیاری ءُ زر آباد رند چہ مرگ ءِ بھر ءُ ونڈ ءَ چہ ٹپالگس ءِ سوب ءَ
چہ میارجل ءِ ھالرسانی بُنجاہ ءِ ھالانی رِد ءَ : مھمد جواد سادکی ءَ نبشت : "بازار ءِ ھمگام کنگ ءِ ستاد" ،"سمت" ، جمھوری اسلامی ایران ءِ ٹپالگس ءَ یک ھوشناکیں کارے ماں دست ءِ دپ ءَ اِنت اِش کہ اولی بر ءَ ماں "کُم ءِ استان" ءَ پہ چکّاسائِینگ ءَ کنگ ءُ گُڈّ چہ سوبینی ءَ ماں سرجمیں مُلک ءَ کنگ بیت اِنت ۔
ٹپالگس ءِ سرمستر ءَ گُشتگ ما بَھر نہ کنیں بس چار ءُ گُزار کنیں ھالانکہ "سمت "ءِ کارجاہ گوں ٹپالگس ءَ دانکہ کول نامہ ءِ بندگ ءَ دیم ءَ شُتگ اَنت بلے داں انگت ءَ دوئیں نیمگاں اِے کار ءِ تچکی ءُ جوڑشت ءِ ءُ بھر ءُ دگہ کارانی جار اِش نہ پِرّینتَگ۔
انی اگاں اِے رھبند پہ کنگ ءِ سِیمسُراں برس اِیت شھرانی تہ ءَ چو کہ چھبار ، کنرک ، دشتیاری ءُ زر آباد کہ مردمانی دپ ءِ تام (دیدانک) ءَ مرگ زندگ اِنت، اِے رھبند چتورکانی چہ ٹپال گس ءُ "سمت" ءِ کارگس ءَ کنگ بیت اِنت ؟!!
بلے چوناھیگا اِے ھوشناکین ءُ کارپجاری بوتگیں رھبند دلارانی دستاں گونڈ کنت ءُ ھم سوب بیت کہ کار جوڑ بکنت پرچا کہ ٹپال گس کار جاھانے پہ مشتری ءِ سپارشانی نام نبیسگ ءَ ،مرگ ءِ بار جنوکیں موٹَلانی پَد جنگ چہ بُن ءَ داں سر ءَ ، اسلامی کوش ،پُٹ گْوجی ءُ دَرانی دَپ ءِ بَھر کنوکاں ھم دیم ءَ یار اِیت ۔
چھبار ، پلان ، کنرک ، نگور ، بریس ، زر آباد ءِ شھرداری ءُ کھیر ءُ دو جاہ ماں نوگبندیان ءَ ءُ دوراھی پلان ءُ سدیک زھی ءُ پیرسھراب ءَ پچ کنگ بنت کہ "پسماند" ءِ کارگس پد جوڑی چیز دَنت ءُ سَمات ءَ کودّ ءِ جاہ ءَ پہ جھاد کشاورزی ءِ بھر کنگ ءَ ءُ پہ کِشتکاراں بَھا کنائین اِیت ۔
پرماندار ءُ دھیار ھم ھاسیں مردمانی پسو دیگ ءَ چو کہ بنزین (پِٹرول) ءِ ھَوالِہ دیگ ءَ مُرگ ءِ ھوالہ دے اَنت ءُ ھم جوڑ کن اَنت دانکہ آیاں ڈَنّ چہ نوبت ءَ چہ ٹپال گس ءِ نیمگ ءَ دست ءَ دیگ بیت کہ ھوالھی مرگانی کوش ءُ پُٹانی گْوجگ زیروک ءِ سَر ءَ اَنت ۔
گوں اِے ھوشناکیں رھبند ءِ کارگِرگ ءَ مرگ ءِ کَڑائی ، مُرگ ءِ "کنتاکی" ،تَندوری ،کباب "جوجہ " چِیپُّک ،زْرِشک ءِ بٹ گوں مُرگ ءَ ، مُرگ ءِ "ساندویچ" ،مُرگ ءُ کَٹیمبو ءِ "پیتزا" ءُ ھورتوریں ، سوپّ ءُ آش ءِ نِھاد یک مزنیں اَندازے ءَ جَھل روت اِنت ۔
کارمرز کنوکانی هیال