بَلوچانی اَوّلی «کارواش» دَاریں بانُک ءَ پَجّاہ بْیار اِت / زِیبا اَزیزی چَہ وتِی کار ءِ جَھل ءُ بُ
میارجل ءِ جَنین ءُ بانُکانی ھالکارِی ءِ ٹول زیبا اَزیزی ءِ گْور ءَ شُتگ ، بانکِے کہ دو سال بیت پَہ چار ورنا ءَ کار ئِے جوڑ کرتگ ،گْوشگ اِنت : زمہ دار باید کار جوڑ کنوکانی ھیال ءُ چارگ ءَ بکن اَنت ۔
چہ میارجل ءِ ھالرسانی بُنجاہ ءِ ھالانی رِد ءَ : بلوچانی بانکے زیبا اَزیزی ءِ نام ءَ کہ مُچّانکی ءُ رَبیدگی ءُ زرکاری ءِ پِڑ ءُ میدان ءَ جُھدانی واھُند اِنت. اَنّی گوں یک کار شود جاھے "کارواشے" ءِ جَنگ ءَ پہ ورنایاں کار ئِے جوڑ کرتگ ۔آئی ءَ چہ زِمّہ دارانی گامگیجاں پہ ورنایانی کار تیار کنگ ءَ گِلگ ھست : چہ آیاں لوٹ اِیت ورنایانی کار ءِ ھَیال ءَ بہ بنت داں کہ آ رُنگرَاھانی نیمگ ءَ بَرَگ مَہ بَنت ۔
آ گْوشگ اِنت : اگاں ورنایاں کار ءُ روزگار بہ بیت ھچ وَھد بیکار نہ بنت ءُ نِشاہ ءُ ھِلاپیں کارانی نِیمگ ءَ نہ جیڑ اَنت ، گڑا گھتر اِنت کہ دولت ءُ زمہ دار چو کہ منی وڑیں مردمانیگ ءَ کہ ورنایانی کار ءِ پگر ءَ اَنت ،ھیال ءُ چارگ ئِے بکن اَنت ۔
رجانک : میرجان میر
کارمرز کنوکانی هیال