ھال | مھرستان ءِ دگ ءُ راھانی چورّی چہ موٹل وانت ان ءُ ریزوکی گزاز ءِ بھاکنوکانی نیمگ ءَ

مھرستان ءِ شھردار ، راہ ءُ دگانی بند بیگ ءِ بارو ءَ کہ لھتے جنجٹ ءُ شلگرہ ، چوشکہ موٹلانی جمبوری ءُ دگ وئیلی ءُ مردمانی جانی تاوان باری ءِ سَوَب بوتگ گپ کت . اے واجہ ءَ دَرّائینت کہ یک پٹّ ءُ ڈگارے ءَ پہ ریزوکی کار ءُ چلوپگان ءُ وانت موٹلانی بھا بریدی کار ءُ بارانی ھاتر ءَ چہ شھرداری کارگس ءِ نیمگ ءَ اے شھر ءِ تہ ءَ گیش ءُ گیوار ءُ سیہ دون کَنَگ بوتگ . اے جاگہ ، انی ءَ پہ چوشیں کار ءُ چلوپگاں تیار ءُ جریدگ انت .

دگ ءُ راھانی نزّ آرگ ءُ بند کنگ چوشکہ ریزوکی ءُ ھداروکی دکان ءِ بے موکلیں برجاہ کنگ ، لوگ ءُ ماڑی بندی ءِ ڈوک ءُ کَپلانی ریچگ ءُ یلو کنگ ، ماں دگ ءُ راھانی کش ءُ کِرّ ءَ ، چہ شھرداری کارگس ءِ رھبندانی سر ءَ وڑ وڑیں مشکل ءُ شلگرہ اے لیکگ بنت . 

لھتے دکاندار ھم وتی گراز ءُ ساماناں ءَ دگانی رھیز ءِ سر ءَ کہ یادگیں مردمانی رو ءُ آئے ھاتر ءَ کیش ءُ گیوار بوتگ انت پترے ءِ سر ءَ ایر کن انت ءُ اے وڑ ءَ راھانی بند کنگ ءِ سوب بنت .

مھرستان ءِ دمگ ءَ انیگیں جاور ءَ لھتے دگانی رھیز ءَ گوں وتی موٹل وانتانی اوشتگاں نزّ کار انت ءُ جمبوری ءِ سوب بنت . چہ اشی ءَ گیش ، اشانی کِرد ءُ کارپداں ، دگہ موٹلانی ھُجّ ءُ لاچاریں گور پہ گوری اوشتگ ءُ دگ ءِ موٹلانی جمبور ءِ سوب بیت .

اے کار ءُ چلوپگ کہ گیشتر چہ نیوگ بھاکنوکانی نیمگ ءَ انت اگاں کہ یک دابیں کارے انت بلے چہ دگہ ھسابے ءَ یک ناسیں چلوپگے انت ءُ دگانی موٹل جمبوری ءَ گیش کنت . ھمے بابت ءَ باز وھد ءَ ما دگہ دگ وئیل ءُ مردمانی مالی ءُ جانی تاوان باری ءَ ماں چوشیں جاورھالانی درگت ءَ دیستگ ، پمیشکا ، ھند ءُ دمگ ءِ اگدہ داران ءَ یک اَلّمیں رھدر ءُ توجیلے ءِ شوھازگ ، پہ چوشیں کار ءُ چلوپگانی گیگ ءُ گُوَم دیگ ءَ ، زلوری انت . اے رد ءَ دمگ ءِ زمہ وارانی پیشی کرد ءُ کارپدانی ناسرجمی ءَ ، پہ اے وڑیں شلگرہ انی بارو ءَ دیستگ . چہ ھمے ھاتر ءَ انت کہ ملک ءُ دمگ ءِ چوشیں جنجٹاں انگت ءَ برجاہ انت / رجانک : میرجلال .