3 کسانیں چُک ماں یک آسی پیشامدے ءَ بیران بوت اَنت
جنلک ءُ 1 کسانیں بَچکے زیگیں روچ ءَ نیمروچ ءِ وھدءَ ماں راسک ءِ جھانگیر آباد ءِ کلگ ءَ چہ وتی نادلگوشی ءَ آس ءِ آماچ بوت اَنت.
چہ میارجل ءِ ھالرسانی بنجاہ ءِ نیمگ ءَ : زید دھِگانی راسک ءِ بکش مرکزی ءِ بکشدار ءَ ماں گپ ءُ ترانے ءَ گوں میارجل ءِ ھالکار ءَ گوشت ئِے : ھرداد ماہ ءِ دھمی روچ ءَ ءُ نیمروچ ءِ وھد ءَ 3 کسانیں چُک بزاں دو جنلک ءُ یک بچلکے 6 داں 7 سالی چہ وتی لوگمردمانی نادلگوشی ءَ ءُ گوں وتی جرند ءِ بے گومیں لیب گوازی ءَ راسک ءِ بکش مرکزی دھستان جکیگور ءِ جھانگیرآباد کلگ ءَ کہ کساس 15 کھول بنت ماں یک پیش تگردی کُڈے ءَ آس ءِ آماچ بوت اَنت ماں اے پیشامد ءَ دوئیں جنلکاں ھموداں ساہ دات ءُ بچلک پہ راسک ءِ ولایت نادراھجاہ ءَ دیم دیگ بوت بلے چوں کہ سوچک ءِ درسد بازاَت آئی ءَ ھم ساہ دات۔
دیمترءَ آئی ءَ گوشت : آس کشی بُنجاہ ماں جکیگورءَ ھست اِنت بلے چوں کہ اے کُڈیں لوگ چہ کلگ ءَ گستاہ بیتگ آس ءَ دگہ جاھے مانشانت نکت ھمے ھاترءَ آس کشی بنجاہ سھیگ کنگ نہ بوتگ ۔
کارمرز کنوکانی هیال