میارجل ءِ بنجاھی ھاارسانی ءَ لوٹ ایت وتی پکّا ءُ سروھدیں ھالرسانی ءِ جھدان ءَ پہ اسلامی شورجاہ ءِ ۱۲ می پریام ءِ گچین کاری ءَ ماں ھلاکہ ءِ جھگیری ھند ءُ دمگانی پڑ ءَ برجم بہ دار ایت . میارجل ءِ رسانکدر پہ مھلوک ءِ گیشتریں بھر زوری ءِ ھُبّ ءُ واھگ ماں گچین کاری ءِ گامگیج ان ءُ نام نبشتگیں مردمانی پجّارینگ ءِ ھاتر ءَ کہ بید چہ ھرچ وڑیں پلوگری ءَ انت " تا انتخابات" مراگش ءِ نیمون ءَ شما را گوں ھور ءُ ھمراہ بہ بیت . شما توان ات پہ وتی ھند ءُ دمگ ءِ جھگیری ءِ نام نبشتگیں مردمانی پجار دیگ ءُ گچین کاری ءِ ھال ءُ ھبرانی شنگ ءُ شانگ ءَ شھری ھالکار ءِ نام ءِ سر ءَ ، اے پڑ ءِ تہ ءَ مئے ھمباسک ءُ ھمراہ بہ بہ ات . میارجل ءِ بنجاھی ھالرسانی ءِ کارمستر ( محمد یاسین جلالزھی ) ءِ رھوت ءِ نمبر : 09333949774

ڈکتر محمد طیب ملازادہ ، پھرہ دمگ ءِ بلوچ راج ءُ پھرہ دمگ ءِ شھدربرجاھی ورنا ، وتی نام نبیسی ءِ گامگیج ءَ پہ اسلامی شورجاہ ءِ باسکی ءِ ۱۲ می پریام چہ پھرہ دمگ ءَ پکّا کُت . پہ وتی ھند ءُ دمگ ءِ گچین کاری ءِ ھال ءُ ھبران ءَ پہ شنگ ءُ شانگ ماں میارجل ءِ انستا تاک ءِ رسانکدر ءَ مئے سر ءَ راہ دے ات ۰۹۳۳۳۹۴۹۷۷۴

ھلاکہ ءِ تہ ءَ پہ اسلامی شورجاہ ءِ باسکی ءَ نام نبشتگینانی لڑ داں 4190 نپر ءَ سر بوت . سیستان ءُ بلوچستان ءِ گچین کاری ءِ بُنجل ءِ ھالانی رد ءَ ، پہ اسلامی شورجاہ ءِ باسکی ءِ ھاتر ءَ نام نبشتگیں ولھگدارانی لڑ چہ ۶ جھگیری دمگاں ، ۴۱۹۰ نپر ءِ کچّ ءَ سر بوت . اے نیام ءَ نام نبشتگیں بانوکانی کچ ۴۶ نپر انت . وتی ھند ءُ دمگ ءِ گچین کاری ھال ءُ ھبران ءَ پہ شنگ ءُ شانگ ماں میارجل ءِ انسٹا ءِ تاک ءَ مئے سر ءَ راہ دے ات . ۰۹۳۳۳۹۴۹۷۷۴

اے دو ورناھانی نام ، نعیم نوھتانی ءُ اصغر موسوی ، چہ ریگان دمگ ءِ بلوج مردمان انت .

لاشار دمگ ، مردمانی بازیں گلّہ ءُ ماسیت چہ دکتر ءِ نہ بَیَگ ءِ ھاتر ءَ ، اے ۱۴ روچ انت کہ کہ لاشار ءِ درمانجاھان ءِ تہ ءَ ھچ دکترے نیست .

صدّیق برجستہ نامیں دربروکیں ورنائے چہ بنت ءِ ھند ءَ درھیں ملک ءِ مزن جکّاس ءِ تہ ءَ سوب مندانی نیام ءَ ۵۹۰۰ می نپر بوت ءُ پہ دکتری وانگ ءُ دربرگ ءَ اے ھند ءُ اولی دربروک ءِ ھساب ءَ پھرہ ءِ شھدربرجاہ ءَ کبول ءُ منّگ بوت.

ھلاکہ ءِ تہ ءَ "تفتان" دمگ ءُ انجیرک ءِ ھند ءَ تلاہ ءُ سُھر ءِ کانیک ، ھر سلل ءِ تہ ءَ ۸۳۲ کیلو شوھازگ بیت .

سیستان ءُ بلوچستان ءِ گچین کاری بنجل ءِ کماش ءُ سر مستر ءَ گوشت ; اسلامی شورجاہ ءِ باسکی ءَ سیستان ءُ بلوچستان ءِ نام نبشتگینانی لڑ داں ششمی روچ ءِ درگت ءَ ۲۸۰ نپر ءَ سر بوت .

سیستان ءُ بلوچستان ءِ "پزشکی قانونی" بنجاہ ءِ کارمستر ءَ بُکّ گپتگیں مردمانی شمار ءِ ھال ءَ ، پیشی وھدانی ھساب ءَ چہ سد ءَ ۵۱ بھر کم تر جار جت ءُ گوشت کہ ھلاکہ تہ ءَ ماں گوستگیں ۶ ماہ ءَ ایوک ءَ ۱۵ مردم چہ بُکّ گرگ ءِ ھاتر ءَ بیران بوتگ انت .

مشد شھر ءِ نیکزاھی واجھانی ھاسیں آمیدگس یک سرکاری جارے ءِ رد ءَ چہ مولوی کوھی ساھب ءِ دستیگ ءُ بندی کنگ ءَ ھال دات .

زر ءُ بنمال بندی ءِ گیشینگ ، پہ سیستان ءُ بلوچستان ءِ کوھن تریں لیب جاہ ءِ دیم درائی ءَ انچوشیں دیمپانے کہ ۷ سال چہ دزاپ ءِ ۱۷ شھریور نامیں لیبی جاگہ ءِ نوکساچی ءِ بندات کنگ ءَ گوز ایت بلے دنیگت ءَ پہ اے ھاتر ءَ الکاپیں گامگیجے نہ بوتگ ءُ لیبی کار ءُ بار ءُ چکّاساں اے جاہ ءِ اڈ بیگی کارانی ھلاسی ءِ وداریگ انت .

سیستان ءُ بلوچستان ءِ "ھلال احمر" کارگس ءِ کارمستر ، ۳۳ ھار جتگ ایں مردمانی کمک ءُ مدت ءُ لھتے بند بوتگ ایں راہ ءُ کوچگانی پاچ کنگ ، چہ گوستگیں روچانی ھور گواری ماں گہ ءِ ھند ءُ دمگ ءِ ھال ءَ دات ءُ گوشت ; اے کمکی جھد اں چہ۳ مدت کنوکیں گلانی نیمگ ءَ گوں دو موٹل ءَ برجم بوتگ انت .

سیستان ءُ بلوچستان ءِ موسم زانتی کارگس ءِ کارمستر ءَ گوشت ; ھلاکہ ءِ تک ءُ پھناتاں ما را چہ ۱۸ موسم زانتی ءُ ھور گواری اوشتجاھانی نیمگ ءَ ھال رستگ کہ ھیچان ءِ ھند ءَ ۴۹ ، گنداوگ ءَ ۱۶/۵ ، ھلنچکاں ( بزمان ءِ ھند ءَ ) ۲۲ ءُ پیشن ءَ ۹/۱ میلی متر ھور گورتگ .

رند چہ گوستگیں روچانی ھور گواری ءُ کور ءُ شیپانی ھار ءُ آمال ءِ سریّچی ماں لھتے ھند اں ، راسک ءِ دمگ ءَ یک ملکی مردمے چہ گروک ءِ کپگ ءَ بیران ءُ یک موٹلے اوں ھار ءِ آماچ بوت .

مولوی ساداتی ; اسرائیل ءِ زورانسری ءُ گیشی اں دگنیا ءِ چمانی دیم ءَ بیگ انت ( بلے ) میان استمانی بنجل ءِ منانک نمدی ءُ راجی ھک ءُ اگبالاں نا منّی بزگیں راجانی سر ءَ ڈول بنت . اگاں اسلامی ملکانی سروک ءُ ھاکماں ، الاقصی مسیت ءِ آجو کنگ ءُ بزّگیں راجانی واہ ءُ پریات ءِ اشکنگ ءَ وتی جزم ءُ وس ءِ توک ءَ نہ گند انت گڑا ملکانی جاورھال ءَ پہ مسلمانانیں راجانی جرند ءِ گامگیجاں شر بہ کن انت ( بلّ انت کہ مردم وت گوں دژمن ءَ بہ مڑ انت ) .

دو موٹلانی ھلائینگ ءُ کوٹ گوں کوٹ ءِ دیک ورگ ءَ مھر ماہ ءِ ۲۸ رمس ءُ آدینگ روچ ءِ ایوار ءَ ، پھرہ ءُ دلگان ءِ نیامی راہ ءِ ھند ءُ ھبیلی ءَ ، ۳ مردم چہ ٹپانی زراب ءَ بیران بوت انت . موٹلانی بے رھبندیں تیز روگ اے تپاک ءِ سَوَب زانگ بوتگ .