اے میلہ ءِ مراگشاں ، پہ دود ءُ روبیدگی مول ءُ مکسدانی ھاتر ءَ ماں چھبار ءِ دریا گولی شھدربرجاہ ءِ "وحدت" دالون ءَبرجم بوت . اے مراگش ءِ رد ءَ ، شھر ءِ دگ ءُ میتگانی سلّہ کنگی کارندہ ان "پاکبان" ءَ ازّت داری ءُ گھتریں گونڈ تامران ءَ ھم سوب ءِ باج دیگ بوت .

ایران ءِ اے وش تبیں پھلوان ءِ بارو ءَ یک گالردے بہ نبیس ات.

بے برگیں (لین) دربرجاھے ، تلنگ ءِ ھند ءَ تولگرورد کلّگ ءِ نوکیں دربرجاہ کہ دو سال انت اڈ ءُ دیم درائی بوتگ ، انگت ءَ چہ برگ ءُ لین ءِ آسراتی ءَ زبھر انت . اے کلگ ءِ لین ءُ برگ چہ چھبار دمگ ءِ پُلّان ھند ءَ گیشینگ بیت .

لاشار دمگ ءِ بُن رود ءِ ۵۰۰ نپری کلگ ءِ مردماں چہ سلھیں ورگی آپ ءَ زبھر انت . اے کلگ ءِ نل ءُ پیپ ، سال 1386 ءَ کلّ بوتگ انت بلے دنیگت ءَ آھانی تہ ءَ آپ نہ آتکگ . مردم پہ ورگی آپ ءِ ھاتر ءَ دیر ءُ دراجیں راھے ءَ رو انت.

ھلاکہ ءِ "پلیس امنیت اقتصادی" ءِ سروک ; پلیس ءُ امنیہ اں موتلی پرّکانی ھمبارے ءَ ودی کرتگ کہ اود ءَ ۱۰۲ پَرّک (لاستیک) چیر دیگ بوتگ انت . اے ھمبار ءِ دپ چہ آمیدگس ءِ نیمگ ءَ بند ءُ یک مردمے اوں دستیگ بوتگ .

چھبار دمگ ءِ تیس ءِ کوھنیں کلات ءِ نوکساچی ، آزات بندن ءِ "میراث فزھنگی ، گردشگری و صنایع دستی " کارمستر ، چہ اے کلات ءِ ڈنی پٹّ ءِ ھاک ءُ ڈوکانی نزّارگ ءُ سلّہ کنگ ءِ کار ءُ باراں ، پہ تیس ءِ کوھنیں کلات ءَ ھال دات .

رستم کریمی ، رسانکدری جُھدکار ءُ ھلاکہ ءِ کتہ کاریں ھالکار ، جھبار دمگ ءِ جھگیری ءِ ھاتر ءَ وتی نام نبیسی ءِ گامگیج ءَ ، پہ اسلامی مزن شورجاہ ءِ گچین کاری ءِ ۱۲ می پریام ءَ الّم کُت . ♦️ گچین کاری ءِ آھری ھال ءُ ھبران ءَ چہ میارجل ءِ رسانکدر ءَ رندگیری بہ کن ات .

حمیدرضا پشنگ ، واش دمگ ءِ گوستگیں باریگانی جھگیر ءُ سیاسی کار ءُ بارانی نامداریں کارست ، دگہ رندے وتی ھواری ءَ پہ اے ھند ءِ اسلامی مزن شورجاہ ءِ گچین کاری ءِ ۱۲ می پریام ءِ باسکی ءَ جار جت . ♦️ گچین کاری ءِ آھری ھال ءُ ھبران ءَ میارجل ءِ رسانکدر ءَ رند گیری بہ کن ات . گچین کاری _ اسلامی مزن

علی عبدالرزاق نژاد ، دزاپ ءِ " علوم پزشکی" شھدربرجاہ ءِ نادراھجاھی سروک ءَ گوشت ; مرچی (1402/8/14) روچ ءَ چہ دو موٹلانی( پژو 405 ءُ پراید) ءِ ڈیک وَرَگ ءَ یک مردمے بیران ءُ ۵ دگہ ٹپّی بوت انت .

چہ ھلاکہ ءِ 630 "ھکتار" کِشت ءُ کِشاراری ڈگاراں ، مکہ ای ترُپشیں چاہ ءِ چین بندات بوت . اے ھلاکہ ، مکہ ای چاہ ءِ کشت ءُ کشار ءِ ھساب ءَ ملک ءِ تہ ءَ پیسروک انت .

پھرہ ءِ "علوم پزشکی شھدربرجاہ" لھتے کارندہ اں اے ۳ ماہ انت کہ وتی کار ءِ مُزّ ءُ پگار ءَ نہ گپتگ انت . اے کارندہ انی گُشتانک ءِ رد ءَ داں انی ءَ ھرسال ءَ چنت رند آھانی مُزّ ءُ پگار ءِ سروھدیں دَیَگ پشت کپتگ .

درستاں زان انت کہ کریم بکش اندیش نامیں مردم دگنیا ءِ چنت زبان ءَ گوں گپ کنت . چہ مرد ءُ میارجل ءِ اھوالکار ءِ گپ ءُ تران ءَ سرپد بوت ایں کہ "اندیش" ءَ لوٹ ایت بلوچ راج ءِ دستی ازم ءُ ھنر ءَ گوں دگنیا ءِ مردماں پجّار بہ دنت . چہ دگہ نیمگے گوستگیں روچانی تہ ءَ چہ ملکی ءُ ھندی رسانکدرانی نیمگ ءَ بلوچستان ءِ زرباری دمگان ءِ یک ازمگریں مردمے ءِ بیرانی ءِ ھال شنگ ءُ تالان بوتگ . اے ھال ءِ رد ءَ چہ ھند ءُ دمگ ءِ اگدہ دارانی نادلگوشی ، ازمگریں مردمانی بارو ءَ بازیں گلّہ ءُ ماسیت درشان بوتگ انت ، پمیشکا زلوری انت کہ پیش چہ دیر بیگ ءَ ، ازمگر ءُ ازمکاریں مردمانی سار ءُ گھمار دارگ بہ بیت .

"مھندس" حمزہ امیریان پہ اے بارو ءَ گوشت ; اے کچّ ءُ کساس ءِ گیل چہ " ستاد باز آفرینی شھری" بنجاہ ءِ زرّی مال بندی ءِ نیمگ ءَ 1400 ءُ 1401 ءِ سالانی ونڈ ءُ بھر ءَ ، پھرہ ، بُنپور ، چھبار ءُ کنارک دمگانی شھرداری انی ھاتر ءَ گیش ءُ گیوار بوتگ .

میارجل ءِ بنجاھی ھالرسانی ; مکران تیاب دپی مید ءُ ماھیگراں گوں ۵۴۱ کیلومتر ءِ دراجی ، چہ دشتیاری دمگ ءِ پسابندن تیاب دپ ءَ بہ گر داں زراباد ءِ زر تیاب ءَ ، درستاں مھنت کشّ ایں مردم انت کہ ماں ھندوستان ساوڑ ءُ مکران ءِ زر ءَ گوں وتی جھدانی برجم دارگ ءَ کار ءُ چلوپگانی شوھازگ ءِ ھاتر ءَ بازیں ڈوبہ ئے ماں اسلامی سرڈگار ءَ وتی کوپگانی سر ءَ زُرتگ انت.

دکتر احمد آرامش بلوچ راج ءِ سوھو ءُ شھدربرجاھی وانندہ ، ھلاکہ ءِ "کار و تعاون" کارگس ءِ کارمستر ءُ سیستان ءُ بلوچستان شھدربرجاہ ءِ زانشتی گل ءِ باسک ، وتی نام نبیسی ءِ گامگیج ءَ پہ اسلامی شورجاہ ءِ باسکی ءِ ۱۲ می پریام ءَ پکّا کُت .

ھالانی رد ءَ بنزن ءِ سرپاں چہ پیسر ءَگونڈ تر بوتگ ءُ گِھتر انت بلے نانبائی ءِ سرپاں انچوش کہ پیسر ءَ دراج ءُ کتاری انت . چھبار ءِ ملکی مردمے گوش ایت کہ اگاں شھر ءِ کارمستزلں چہ نانیائی سرپانی گوَم دیگ ءُ برچنگ ءَ نزور انت گڑا ھلاکہ داری ءِ سروک ءُ مستزاں توجیلے بہ کن انت .

حاجی یعقوب جدگال ، اسلامی شورجاہ ءِ گوستگیں باریگانی جھگیر ءُ بلوچ راج ءِ کارست وتی نام نبیسی ءِ گامگیج ءَ پہ اسلامی شورجاہ ءِ ۱۲ می پریام ءِ باسکی پکّا کُت . وتی ھند ءُ دمگ ءِ گچین کاری ءِ ھال ءُ اھوال ءَ پہ اسلامی شورجاہ ءِ باسکی ءَ مئے سر ءَ راہ دے ات . ۰۹۳۳۳۹۴۹۷۷۴