یاسر کوھساری ، بلوچ ڈیزل بروکیں ورنائے ماں دشتیاری دمگ ءِ ریمدان ءِ پھل ءِ ھبیلی ءَ ، چہ موٹل گاڈی ءِ لیٹ ورگ ءِ ھاتر ءَ بیران بوت .

دیمی درگتاں گوں شھر ءِ ناھمدپیں راھان ( تقاطع ھای غیر ھم سطح ) ءِ کار ءُ بارانی پورہ بیگ ءَ ، شھر ءِ 3 میتگ ءُ بھرانی تہ ءَ رو ءُ آ ءِ بازیں جنجٹے برچنگ بنت .

یک بے دروریں تپاکے ءِ رد ءَ ماں شستون دمگ ءِ کلگاں ھند ءَ سُھریں آپ ءُ آچش ءِ زہ ءُ کانیگے مزدملن ءِ ھبکہ ای یے سوب بوتگ ، اے تپاک ، اجیبیں مادن ءُ کانیگانی گوھدار ماں بلوچستان ءِ دمگان انت ءُ ملک ءِ اگدہ دازلنی دلگوش گور دیگ ءَ لوٹ ایت .

ھرمزگان ھلاکہ ءِ لھتے بنزن جاھاں ، بلوچستان ءِ نمبر جتگیں موٹل گاڈی ان ءَ ءَ بنزن نہ دے انت.

سیستان ءُ بلوچستان ءِ جھاد کشاورزی کارگس ءِ "تولیدات گیاھی" جھمنند ءَ گوشت ; ھلاکہ ءِ ۳۶۰۰ ھکتار ڈگار ءِ ھنّی کشاران ءِ سیمی چین ءُ رون بندات بوت .

تھران شھکربرجاہ ءِ " ڈگار چنڈی ژئوفیزیک" بُنجل ءَ درشان کرتگ کہ سیستان ءُ بلوچستان ءِ دمگانی ڈگار چنڈ ءَ ھچ وڑیں سیادی گوں "ھرات" ءُ ھُراسان ھلاکہ ءِ رندیں ڈگار چنڈاں نیست . بوت کنت کہ اے تپاک چہ "زاگرس" کوھستگانی "تکنوتیکی" ڈگاری "گُسل" ءِ ھاتر ءَ بہ بیت .

سید مھدی سجادی ھلاکہ ءِ سُھریں نوک "ھلال احمر" کارگس ءِ کارمستر ، دزاپ دمگ ءِ ۱۱۸ آمال جتگیں مردمانی کمک کنگ ءِ بارو ءَ ھال دات.

ھلاکہ ءِ سیمسری بازارانی کارمستر ءَ گوشت ; انیگیں سال ءِ بیاپاری کارانی چکاسگ ءَ گوں گوستگیں سال ءِ ھمے سر وھد ءَ ، گوں یک ملیان ءُ ھشت سد ءُ پنجاہ ءُ دو "تُن" گراز ءُ سامان ءِ بیاپار ءِ کچّ ءَ ، ھلاکہ بیاپاری کار ءُ باراں نیم سر ءَ گیشتر بوتگ .

سیستان ءُ بلوچستان ءِ "راھداری و حمل و نقل جادہ ای" کارگس ءِ جھمنند ءَ گوشت ; اے سال ءِ گوستگیں ھشت ماہ ءِ رد ءَ ، ۲ ملیان ءُ ۱۳۰ ھزار ءُ ۶۳۷ مساپر ، ھلاکہ ءِ وڑ وڑیں تک ءُ پھناتانی نیام ءَ سات ءُ سپر کتگ . مساپرانی اے کچ ، گوستگیں سال ءِ ھمے سر وھدانی چکاسگ ءَ گوں چہ سد ءَ ۱۱ بھر ، سات ءُ سپر ءِ گیشی ءَ پدّر کنت .

گوستگیں شم ءُ روچ ءِ درگت ءَ چہ موسم ءِ گرانیں گواتلو ءُ پورہ ایں نمبّی سَوَب بوت کہ مردمانی دیم ءِ تچکیں چمشانک دزاپ ءِ بالی پٹّ ءَ داں ۲۵۰۰ متر ، زابل ۷۰۰ متر ، میرجاوا ۳۰۰۰ متر ، مھرستان ءَ ۱۰۰۰ متر ءُ زھک ءَ داں ۴۰۰۰ متر ءِ کچّ ءَ کم بہ بیت .

بندان کلگ ءِ دربرجاھی جاگہ ۳۵۰ متر ءِ پراھی ، ۴ ملیارد تومن ءِ بنمال ءَ گوں ، "بنیاد برکت" ءُ زرباری روچ دراتکی دمگانی "قرارگاہ قدس" ءِ ھوری ءَ پہ ۱۴۰ نودربر ءِ وانگ ءَ بَندَگ بوتگ دیم درائی بوت .

ھلاکہ ءِ جنجٹ ءُ نگیگی ان ءِ کارمستر ءَ گوشت ; چہ دزاپ ءِ گوستگیں روچانی 4/7 "ریشتر" ءِ زمین چنڈ ءَ رند ، ۷۱ مردم "اُوژانس" ءِ کارندہ ان ءُ وتیگی اولاک ءُ موٹلانی گوں ، وت ءَ را شھرخو ءِ نادراہ جاھی جاگھاں آرتگ ءُ سر کرتگ انت .

دکتر محمد کاظم مومنی ، دزاپ دمگ ءِ "علوم پزسکی" شھدربرجاہ ءِ درمانی جھمنند ءَ گوشت ; دزاپ ءِ 4/7 "ریشتر" ءِ زمین جنڈ ءَ رند ، 25 مردم اے تپاک ءِ جِھَگ ءُ تَچَگ ءِ وھد ءَ ٹپّی بوتگ ات انت کہ چہ آھاں ۲۳ مردم رند چہ کمیں دوا ءُ درمان ءِ کارمرز کنگ ءَ یلو بوت انت . اشانی دو دگہ مردم ، چہ دستانی پروشگ ءِ ھاتر ءَ ، "خاتم الانبا ءِ نادراہ جاہ ءَ واپینگ بوتگ انت .

تھران شھکربرجاہ ءِ " ڈگار چنڈی ژئوفیزیک" بُنجل ءَ درشان کرتگ کہ سیستان ءُ بلوچستان ءِ دمگانی ڈگار چنڈ ءَ ھچ وڑیں سیادی گوں "ھرات" ءُ ھُراسان ھلاکہ ءِ رندیں ڈگار چنڈاں نیست . بوت کنت کہ اے تپاک چہ "زاگرس" کوھستگانی "تکنوتیکی" ڈگاری "گُسل" ءِ ھاتر ءَ بہ بیت .

پورہ ایں گپ ءُ تران ھمے زوتاں شنگ ءُ تاللں بیت . بلوچ ڈیزل بروکاں توان انت بید ءِ مونج ءُ تکانسری ءُ بس " راھنمائی ءُ رانندگی " رھبندانی کارمرز کنگ ءَ گوں ، وتی ڈیزل ءِ بیاپار ءَ بہ کن انت . درستیں سرکاری کارندہ ءُ "انتظامی" واکانی مکن کنگ ءِ دیم ءَ ، ما زمہ وار ءُ پسو دیوک ایں .

مروچاں دانکہ روائی رسانکدزانی تہ ءَ چمّے شانک دیئے تہ گند ئے یک تامری گپ ءُ ٹالے زاھر بیت کہ گوش ایت ; اشان ءَ گندئے واجہ رانگو !!! ما اوں مردمانی لھتے تکانسری ءَ گوں رانگو ساھب ءَ گوشت انت ، امیت انت کہ اے واجہ اں مئے گپ ءَ سرپد بہ بیت . اے ھم گوشگ لوٹ اں کہ مردمانی ۳ مونڈ ءُ ھرچ کس ءِ اسلی ایں زلوت انت ; لوگ ، آپ ، نگن . ما اشانی درشان کنگ ءَ گوں انگت ءَ آپ ، نگن ءُ لوگ ءِ نندگ ءِ رُنگیں راھانی وداریگ انت.