بنت ءُ پنوچ ءِ نیامی راہ ءِ سیہ دون ھراب ءُ چہ ھاک ءُ ڈوکی راھے ءَ گَنتر انت . یک ڈلیورے ماں گپ ءُ ترانے گوں میارجل ءِ ھالکار ءَ گوشت ; اے راہ ، الکاپیں رھبندانی سر ءَ اڈ نہ بوتگ ءُ چہ ھند ءُ دمگ ءِ اگدہ دارانی نیمگ ءَ بے مھری ءِ آماچ انت . اے دمگانی نیام ءِ رو ءُ آ کنوکیں ڈلیوراں چہ راہ ءِ کپ ءُ چونڈی ءُ موٹلانی ھرابی ءِ ھاتر ءَ تکانسر انت.

لوگانی بنڈارانی گیس ءِ شِلگرہ ماں درھیں بلوچستان ، اے رند ءَ ھاسکار ماں چھبار ءِ دمگ ءَ . مروچاں بلوچستان ءِ گیشتریں تک ءُ پھناتاں چہ اے ھاتر ءَ کہ آھاں وتی گیس ءِ بھر ءِ چن ءُ لانچ ءَ نہ کتگ ، ھاسکار ماں چھبار ءَ کہ مردماں پہ وتی پستی کوڈ ءِ گرگ ءَ نام نبیسگ ءَ بند ءُ بست ءَ نہ کتگ ، انی ءَ نوکیں جنجٹے ءِ آماچ انت . نوں جست اش انت کہ باریں نَپت ءِ کارگس ءَ اے پڑ ءَ مردمانی راہ ءِ دیم ءَ شَنک ءُ زیر جَنَگ ءَ انت ؟

میارجل ءِ ھالکار ماں اے تامرھال ءَ شما را چہ پورچنک کہ یک وشبو ءُ درمانی جرّ ءُ دارے انت سرپدی دنت.

چہ اے شمار ءَ ۱۱۶ کس مردین ءُ ۸ دگہ جنیں مردم انت کہ پہ ملک ءِ گچین کاری انی ٹوہ تریں ھند ءُ دمگ ءِ باسکی ءَ بھر زُرتگ اش.

تلنگ ءِ مردماں وتی براھداریں ھوری ءُ ھمراھی ءَ ماں قدس ءِ روچ ءَ پیش داشت رجانک : میرجلال

ماں یک نیادے ءَ کہ لھتے شائر ءُ لچّ کار ، ماں میارجل ءِ ھالرسانی بُنجاھی ءَ برجم داشتگ ات ، بانک فریبا نجفی ، انزلی بندن ءِ نندوکیں لچہ کارے ءَ ، چہ وتی سات ءُ سپر ءِ دگری گوں آئی ءِ زندمان ءِ آ دگہ سات ءُ سپران گپ جت ءُ گُوَشت ; اے منی زند ءِ گِھتریں مھیمی ءُ سپَر انت کہ ماں بلوچستان ءَ بوتگ

میارجل ءِ ھالکار اں اے بر ءَ یک پوھیں بنگپے ءِ رند ءَ شتگ انت ءُ مروچی یک تامرھالے ءِ رد ءَ ، چھباری زالبولانی پاک جیگی ءُ دیم پھازی ءِ سر ءَ گپ کتگ ، اے جیڑ ، وت ءَ وت ماں آیوکیں وھداں اے دمگانی ٹوھیں باوستے بوت کنت .

بانک پرھناز کرد زابلی ، دزاپ ءِ یک دُتّگی دربرجاھے ءِ کارمستر ، بلوچ دتگانی بود ءُ دیمروی ءِ زلورت ءِ بارو ءَ گپ کنت .

اے رند ءَ انٹر مکران ءِ توازَئی مراگشانی پَرّامانی رد ءَ ، ما یک انچوشیں راجدپتری کوھن ءُ کدیمی جاھے ءَ شتگ ایں کہ پہ ائی ءِ اھدی جاھانی رد ءِ درپ کنگ ءِ ھاتر ءَ بازیں تچ ءُ تاچے کنگ بوتگ . شَرّیں گپ اش انت کہ چھبار ءِ شھر ءِ پیشی شھردار اں جھد کتگ کہ اے اھدی ایں کِرد ءَ بید ءِ ھچ وڑیں کمّیں ٹگل ءُ مگلے ءَ اے شھر ءِ پدوئی شھردارانی دست ءَ سر کن انت ، نوں انگیں شھردار ءَ ھم جزم انت کہ آئی ءَ دگنیا ءِ اھدیگیں کِردانی لڑ ءَ درپ بہ کنت / رجانک : میرجلال .

رند چہ گوستگیں ھورانی گوارگ ءَ ، دلشادی میتگ ءِ تہ ءَ ، ھار ءُ ھیروپ چولاں چہ درستیں نیمگاں اے بازار ءَ ماں شلاپتگ .

بنت ءُ گِہ ءِ ھند ءُ دمگ ءِ ، لھتے گوانکوانی ٹاور ، چہ ھور ءُ ھزّگانی زراب ءَ ھراب ءُ بازیں کلگانی دامگ ءِ زور سستگ ءُ دروہ اتگ انت .

میارجل ءِ ھالکار ، پہ دربرینوکانی روچ ءِ مزن لیکگ ءِ بارو ءَ ، بلوچی لبزانک ءُ زبان ءِ سر ءَ یک لَچّہ ئے گوشتگ کہ جھل ءِ تامرھال ءِ رد ءَ چہ شمئے چمّ ءُ دید ءَ گوز ایت .

اے نیاد چہ شھسسا استاد عابد آسکانی ءِ نیمگ ءَ ، بلوچستان ءِ مزن لچہ کارانی ھوری ءُ ھمراھی ءَ ماں کزور ءِ ھند ءُ اشکستگ ءِ کلّگ ءَ برجم دارگ بوتگ ، اے نیاد ءِ شائرانی لڑ اش انت ; واجھاں غلام حیدر قُبا کزوری ، پروپیسر عبدالحمید ایران نژاد ، ڈکتر موسی محمودزھی ، دکتر ایوب ایران نژاد ، توتی لسان استاد برجان ھوت ، استاد محمد ھوت ، وش تواریں شائر ءُ گشندہ استاد میرین آسکانی ءُ بلوچی ءُ پارسی زبانانی رجانکار ، استاد محمد پھرہ ای انت .

ماں نند ءُ نیادے ءَ کہ ایرانی لچہ کار ءُ شائرانی ھوری ءَ ماں میارجل ءِ بنجاھی ھالرسانی ءَ برجم دارگ بوت ، واجہ ایرج انصاری جیرفت دمگ ءِ یک لچہ کارے ءَ بلوچ راج ءِ گیرت ءُ بھادری ءِ بارو ءَ گپ جت .