گورکوہ کلگ یک گلے چہ مردماں ، ھیلداری ءُ آئی ءِ چاگردی گزندانی دیمگیری ءِ ھپتگ (ھفتہ پیشگیری از اعتیاد و آسیب ھای اجتماعی) ءِ نیمون ءَ وتی کلگ ءِ تہ ءَ یک ھوری نند ءُ نیادی دیوانے ٹھینتگ دانکہ گوں وتی شوربندی ءُ یکدلی ءَ اے چاگردی جنجٹ ءِ دیمگیری ءِ رھدران ءَ بہ شوھاز انت .

جنگاروک کلگ ءِ نودربراں گوں روبیدگی ءُ دربرگی مراگشانی برجم دارگ ءَ ، یک بر نپ ءُ سیت ایں روچے ءَ وتی مدیر ءُ دربرینوکانی کرّ ءَ گوازینت .

اوگانستان ءِ "صنعت و تجارت" ءِ وزیر ءُ گزر : من سدّک ءَ گوشاں کہ سال ڈکالی ایوک ءَ سیستان ءُ بلوچستان یا کہ ھراسان ھلاکہ ھانی تہ ءَ نہ انت  ، سجہ ایں مرچاں اوگلنستان ءَ ڈکال انت .

بنت ءِ مھلوک چہ اے شھر ءِ درمانجاہ ءِ یک زالبولیں دکتر ءِ ھزمتگاری ءِ گزانیں نول ءُ اے دکتر ءِ دپ کپت گوں نادزاھیں مردماں ناراز ءُ گلک وار انت ءُ گوں اے ھال ءَ کہ مردم ، چھبار ءِ "علوم پزشکی" شھدربرجاہ ءِ مھتر ءُ مستزان ءَ چہ اے بانوکیں دکتر ءِ کرد ءُ کرتوت  ءَ سھیگ ءُ مالوم دار کتگ بلے چہ شھدربرجاہ ءِ نیمگ ءَ ھچ وڑیں گلنگیجے زیرگ نہ بیتگ

سیستان ءُ بلوچستان ءِ جھاد کشاورزی کارگس ءِ کارمستر ءَ گوشت : ملک ءِ موز ءِ بروزدانی 99٪ موز ءِ ماں سیستان ءُ بلوچستان ءَ کشار بیت .

چھبار ءِ دمگدار ءَ گوشت : سال 1404 ءِ گوستگیں 7 ماھانی درگت ءَ پہ کار ءُ چلوپگانی شوھازگ ءَ  گیش چہ 10 ملیارد تومن ءِ زرّی مال اے دمگ ءِ کمیتہ امداد کارگس ءِ مدت لوٹوکان (مددجویان) ءَ دیگ بوتگ .

کاچاکیں 40 ملیاردی ڈیزل ءُ بنزن ءِ بنڈلے سیستان ءُ بلوچستان ءِ سیمسزانی سر ءَ دستیگ بوت .

دزاپ ءِ "عمومی و انقلاب" ءِ آمیدگس ءِ کماش ،: 2 ٹون ءِ کچ " کرسٹل ءِ صنعتی"  (شیشہ) ءِ منشیاتی مواتاں چہ سیستان ءُ بلوچستان ءِ "اطلاعات" کارگس ءِ جزم ءَ دستیک بوت انت .

چھبار ءِ پیر سھراب ھند ءَ ، مرچی چہ 6 سال ءِ مدیمی ءُ اسرمندیں جھدانی ھاتر ءَ ، روبیدگی گپ ءُ گال (گفتمان فرھنگی) ءِ بنجاھانی وڑ ءَ بدل بیتگ . جاھے کہ شیدہ نوھانی ند واھگداریں نوک ورنا ، نوں ندکاری ءِ راہ ءَ گوں جزم ءَ پیلو کنگ انت .

رند چہ پیشمبہ سال 1404 ءِ آبان ماہ ءِ 22 می روچ ، بیگاہ ءِ دل ریش ایں تپاک ءَ رمشک ءُ سولون ءِ راہ ءِ نیام ءَ کہ مئی 12 بلوچ ءُ کرمانی ھم ملکی انی جان ءِ بیزانی ءِ سوب بوت .

پھرہ دمگ ءِ ڈمن ھند ءَ برنج رون ءِ کار ءُ باراں بندات بیت ءُ ھند ءِ دھگان ءُ کشار کنوکاں انیک ءِ روچاں ھلاکہ ءِ زربار ءَ کشت ءُ کشارانی یک اسلی برورد ءِ رون ءُ چین گلائیش انت .

گلشن دمگ ءَ ، میارجل ءِ اھوالکار ءُ کلگان ءِ جھگیری ھند ءِ یک کماشیں مردمے ءِ رسانکدری گپ ءُ ترانی نیاد ءِ  رد ءَ ، سیمسر نشتگیں مھلوک ءِ مشکل ءُ شلگرہ ھاں اے داب ءَ سریچ ءُ پریچ بیت .

شیزاباد کلگ ءِ نندوکیں مردماں کہ راسک ءِ 4 کیلومتری ھبیلی ءَ نشتگ انت گوش انت : اے ھال ءَ کہ ما 25 سال انت اد ءِ نندوک ایں یلے انگت ءَ چہ ساپ ءُ الکاپیں ورگی آپ ءَ زبھریں ، ساپ و پلگار بیتگیں آپ ایوک ءَ برزی میتگان ءَ دیگ بیت ءُ جھلی میتگانی مردم ھما داب ءَ تنیگ منتگ انت .

نوزالدین ازیزی اوگانستان ءِ "تجارت و صنعت" ءِ وزیر ءُ گزر ، اوگانستان ءِ اقتصادی اگدہ داران ءِ  یک کلے ءِ سروکی ءَ چہ میلک ءِ بارڈر ءِ سر ءَ ، اسلامی جمھوریت ءِ سرڈگار ءَ آتک لنت ءُ چہ واجہ منصور ، سیستان ءُ بلوچستان ءِ دمگدار ءُ لھتے دگہ ھندی اگدہ دارانی نیمگ ءَ دروھات ءُ وشاتکی بیت انت .

گہ دمگ ءِ دربرجاھانی شورجاہ ءِ ھوریگ ایں نیاد برجم بوت ، اے نیاد نوکیں گامے پہ گپ ءُ تران ءُ ھورمانی ءُ ھند ءِ دربرگی جاورھال ءِ بودناکی ءَ لیکگ بیت .

مولانا احمد سپاھی گلشن شھر ءِ محمد رسول اللہ ءِ جامع مسیت ءِ آدینگ نمازانی پیش امام : گوں روچ دراتکی سیمسرانی بند بیگ ءِ برجاھی ءِ شرگداری ءَ گوشت : "رزاق" کاروائی ءِ بند بیگ ، نئیکہ ایوک ءَ مردمانی بیکاری ءَ گیش کرتگ ، یلکیں ھند ءِ امن ءُ ساھی ءِ سر ءَ ھم وتی کارپد ءَ اشتگ . اے کاروائی پیسر ءَ ھند ءُ دمگ ءِ تہ ءَ کاھمیں کارپدے پہ کار ءُ جلوپگ ءِ شوھازگ ، روزگار ءُ لاپشونی ءُ ناشرکاریں گلانی تیز روی ءَ داشتگ ءُ آئی ءِ بند بیگ ، ھزارانی لوگمان ءِ روزگاری جاورھالءَ تکانسری ءِ آماچ کتگ .

چھبار ، اے ھاسکاریں بندن ءُ دیمروی ءُ بودناکی ءِ تلاھیں دروازگ ، ایوک ءَ چہ آئی ءِ "جغزافیا ءِ ھاتر ءَ گونڈ گرگ نہ بیت ، اے گرم ءُ روچ تاپی  ھاک ءِ دلگاہ ءَ ھزاںگے پھنام انت  کہ آئی ءِ سر ءَ کمتر دلگوش گور دیگ بیتگ ، سوھوئی ءِ ھزانگ !!!

فرزاد جدگال ، دشتیاری والاءِ ورنائیں شور دیوک کہ وت چہ زبھریانی دلگاہ ءَ رسٹگ ءُ پاد آتکگ ، گوں جھد ءُ مھنت ءَ توانتگ کہ پہ ھند ءِ نودربراں ، سوب مندی ءِ نشان ءُ چیدگے بہ بیت . اے ورنا رند چہ سال 98 کنکور ءِ 767 می جاگہ ءِ کٹگ ءَ وتی بوتن جاہ ءَ واتر بوت دانکہ نوکیں جھدکاریں پدریچے ءِ دست ءَ بہ گیپت .

گوشگی انت واجہ ابراھیم عبداللھی پیشتر ءَ ھلاکہ ءِ زرباری دمگان (پھرہ) ءِ راہ ءُ شھر ساچی ءَ جھمنند بیتگ

سیمسر ءُ گوز راھانی بند بیگ ءُ آباتی کار ءُ جھدلنی اوشتگ ، سیمسر نندوکیں مردمانی زند ءُ آھانی روزگاری جاورھال ءَ ماں کلگان ءِ سیمسری ھند ءَ نگیگ کتگ .