مزنیں ائید ءِ نماز ماں سورو ءِ کلگ ءَ کہ کاروان ، کہ چہ زراباد دمگ ءِ یک بکشے ( بخش ) انت برجم دارگ بوت / رجانک : میرجلال

میارجل ءِ بنجاھی ءِ ھالرسانی ءِ ھالکار ، چہ پھرہ ءِ دکّہ ھانی بازار ءِ سَمبّھانی ماں مزنیں ائید ءِ روچ ءِ دم ءُ درگت ءَ تامرھالے کشّ اتگ . دکاندارا اں چہ مردمانی پیشوازی ءَ کہ اے درگتان ءَ پہ پچ ءُ گُدانی زیرگ ءَ براھدارانت ، گپّ جن انت / رجانک : میرجلال

کربانی ءِ ائید ءِ نماز ماں اپشان ءَ مگس ءِ دربنداں گوں هدا دوستیں مردمانی بهر زیری ءَ برجم دارگ بوت ، رند چه نماز ءَ دودانی پد ءَ یک ءُ دگر اش امبازاں گپت ءُ گوں دلپهکی ءَ مراد بات اش گْوشت . رجانک : میرجان میر

زراباد ءِ آبند ءِ مردم ماں اِے شهر ءِ ائید جاه ءَ ساڑی بوت انت ءُ اِے روچ ءِ هاسیں ابابت چو که نماز اش ونت ءُ هدا ءِ دوستیں ابراهیم ءِ آدگار ءُ ربیدگ اش برجم داشت . رجانک : میرجان میر

واجہ علی ایزدپناہ " دھان ءِ مزن کلگ " ( چہ بنت ءِ آپسرانی ، یک مزن کلگے انت ) ءِ آدینگ ءِ پیش امام ، پہ ھجّ ءِ زیارت ءِ دود ءُ روبیدگانی بارو ءَ لھتے گپ ءُ واز کت کہ اے تامرھالءِ تہ ءِ چہ شمئے چم ءُ دید ءَ گوز انت / رجانک : میرجلال

شستون ءِ دمگ ، مُلک ءُ ڈیھ ءِ ھما اولی جاہ انت کہ روچ ماں اے دمگاں ٹکّ جنت ءُ ایران ءِ ڈیھ ءُ سرڈگار ءِ روچ ٹکّی اولی سرچمگ انت . مروچاں ، اے دمگ ءِ مھلوک ءُ مردم ءِ گیشتریں وھداں پہ بنزن ءُ نگن ءِ زیرگ ءُ گِرَگ ءَ ماں سرپانی اوشتگ ءِ کتار ءَ زوال بیت ءُ اے شھر ءِ جھمنندیں مردماں چہ اے جاورھالاں سَکّ تکانسر انت . رجانک / میرجلال

ماں نند ءُ نیادے ءَ که پیشگیں هپتگ ءَ چهبار ءِ سَیاداں گوں پرماندار ءَ بوتگ اَت اے زبان دیگ بوت که دومی نِهر ءِ بنزین که سے هزار تمنی اِنت پُجّینگ به بیت ءُ اِے هبر شموشگی نه انت که پرماندار ءَ زبان داتگ سیادانی دگه مشکلانی رندگیری ءَ کناں ، ماں اِے هال ءَ دراهیں گپ ءُ تراناں که ماں پرماندار ءُ سیادانی میانجی ءَ بوتگ اَنت ، گند ات ءُ اشکن ات ... رجانک : میرجان میر

واجہ رئیسی ، پھرہ ءِ برگانی کارگس ( ادارہ برق ) ءِ کماش ءُ مَستِر ، ماں گپّ ءُ ترانے ءَ گوں میارجل ءِ بنجاھی ھالرسانی ءِ ھالکار ءَ ، پہ اپتر ءِ ھد ءُ ھبیلی ءِ برگاں ، چہ یک ۲۴ کیلومتری نوکیں کِشک ءُ لینے ءِ اڈّ ءُ پیم کنگ ءِ بارو ءَ گپّ کت . اے واجہ ءَ گیش کُت کہ ( ماں ) پھرہ ءِ برگانی کارگس ءَ ، پہ برگانی کمزوری ءِ گارکنگ ءِ ھاتر ءَ ما را دگہ لھتے کار ءُ بار ھم ماں دست ءَ انت . رجانک : میرجلال

رند چہ " مونسون " سروھدی گوستگیں ھور گواری اں ماں بلوچستان ءَ ، اے ھلاکہ ءِ ھند ءُ دمگانی تہ ءَ ، زبریں گوارگانے بوتگ ءُ سروھدی کور ءُ شیپ ءُ دمک ءُ دراں ، چہ ھار ءُ آمال ءِ آپاں سرّیچ بوتگ انت / رجانک : میرجلال

چه مدتے ءَ پد دسک ءِ دمگ ءِ گباریں دروشم چه هور ءِ گوارگ ءَ رند زیبا ءُ براهدار بوت .

ماں گه ءُ پهره ءَ دگّ ءَ بلوچستان ءِ ساه گریں راهاں ویلے پیش آتکگ ات که میارجل ءِ هالکار اِے مردمانی کس ءُ کومانی گور ءَ شتگ داں گپ ءُ رپے بکنت ءُ "مدت رسانی " ءُ "سُهرماه" ءِ کار واجه چه وتی کرد ءَ ماں اِے ویل ءَ گشگ ءَ اِت اَنت ، راستنے "مدت رسانی" ءِ کارجاه ماں بلوچستان ءِ ساه گریں راهاں چون گندگ بیگ انت ؟ رجانک : میرجان میر

ماں اے وھداں کہ سال ءِ گرم تریں ماہ ءَ گوازینگ ءَ ایں ، " مونسون "ءُ چھبار ءِ زر ءِ چولاں شَرّ ءُ شادابیں جاورے زرتیاب ءَ داتگ ، تو گِش ئے کہ گرماگ ءِ سروھداں ، بھاری موسمے ءَ گندگ ءُ مارگ ءَ ئے .

بلوچستان ءِ مردم زیارت ءِ بِستار ءُ بُرزی ءِ باره ءَ ماں دگه منّوکانی گور ءَ چے زانگ انت ؟

سب ءِ کلات که یکے چه هِشت ساچیں مستریں کلاتاں پجّارگ بیت بلوچستان ءِ گوستانک ءُ کوهنی ءِ چیدگ ءُ نشان انت که ماں سب ءِ دلبند ءَ مِکّ اِنت ، اے بری میارجل ءِ هالکار سب ءُ سوران ءَ شتگ دانکه اِے چه اے کوهنیں کلات ءَ ماں بلوچستان ءِ مچکدگ ءَ که مچانی سر ماں آزمان ءَ سک انت جاه ئِے وش کتگ ،تامرهالے جوڑ بکنت ، گوں ما همراه بئت .

جام ءِ درچک ، مُلک ءُ ڈیھ ءِ گرماگی سروھدانی اںزروت ءُ نایاپتیں درچکے انت کہ ماں گہ ، گنداوگ ، سرباز ءُ راسک ءِ دمگانی لھتے جاھاں کِشَگ بیت ءُ داں ۱۰۰ سال ءَ زندگ انت . اے درچک ۵ سال رند چہ کِشَگ ءَ ، بَر بیت ءَ سَمَر ءُ نیوگ دنت / رجانک : میرجلال

ائید ءَ هم دگه چندے روچ ءَ گیش پشت نه کپتگ ءُ پس ءُ گوکانی نادراهی ءُ تپ ءِ گرگ ءِ ترس هست اِے نادراهی چه کِٹّیانی سوب کیت ءُ هونریچے دنت که میارجل ءِ هالکار ءَ اے باره ءَ گوں بانک ڈاکٹر الهه ناروئی ءَ پهره ءِ (دامپزشکی) ءِ کارمستر ءَ گپ ءُ ترانے کتگ . رجانک : ملا جاڑو بلوچ

بش ءِ گواران ماں ماتیں بلوچستان ءَ بندات بوتگ .

لهتیں چه 98 ءِ هار جتاں ماں چنڈوکان ءَ که لوگان اش زیان دیستگ ات انگت بے سرپناه انت .

میارجل بنجاھی ھالرسانی ءِ ھالکار ءَ ، یک گپ ءُ ترانے ءَ گوں واجہ ایسپ رئیسی ، پنّوچ دمگ ءِ یکے چہ دود ءُ روبیدگی ، تر ءُ تابی ءُ لیب ءُ گوازی پڑانی جھدکاراں برجم داشتگ کہ تامرھالے ءِ دروشم ءَ چہ شمئے چمّ ءُ دید ءِ دیم ءَ گور ایت . اے واجہ ، پنوچ دمگ ءِ ترّ ءُ تابی جاھانی پجار دیگ ءِ ھاتر ءَ بازیں جھد ءُ ساھے کتگ . رجانک : میرجلال

ماں رسانکدر ءَ هالے شنگ بوتگ ات که چهبار ءِ مهتر امام الی نادراه جاه ءِ کارمرزی آپ بند بوتگ ، گڑا گڈ چه اِے هال ءَ میارجل ءِ هالکار اود ءَ شتگ داں که هر چیز ءَ چه نزیک ءَ به گند ایت ، په اِے گپ ءِ راست ءُ دروگ ءِ زانگ ءَ که آپ بند بوتگ یا ناں ! گڑا گوں ما ماں اِے هال ءَ همراه بئت .