دشتیاری دمگ ءِ آپ ءُ آمال .
دشتیاری دمگ ءَ ، سیدبار کلگ ءِ نندوکیں مردمے ءِ ارزی چہ ملک ءِ ٹوھیں زمہ واراں .
سیستان ءُ بلوچستان ءِ ھلال احمر ءِ کارمستر ;
ھلاکہ ءِ ھلال احمر ءِ کارمستر ءِ گپ ءُ درشان دشتیاری دمگ ءِ آپ ءُ آمالءِ بارو ءَ .
دشتیاری دمگ ءِ ھار ءُ آمال .
پلان ءِ ھند ءَ پکیر بازار کلگ ءِ یک ھال ءُ ترانے ، آمال جتگیں مردمان ئے کمک ءُ مدت ءِ بارو ءَ .
مولانا عبدالحمید ءِ دل پدردی گوں اوگانستان زمین چند ءِ بیران ءُ ٹپّی بوتگ این مردماں
مولانا عبدالحمید ; اوگانستان ءِ روچ نشتی دمگانی زمیں چنڈ منی دل پدردی ءُ مونج ءِ سَوَب بوت وتی دلپدردی ءَ گوں اوگانستان ءِ راج ھاسکار بیران ءُ ٹپی بوتگیں مردمانی لوگماناں درشان کنان ءُ آھان ءَ اوپار ءُ اللہ ءِ اوست ءُ اومیت ءِ نیمگ ءَ داوت دیان .
سرباز دمگ ءَ پاکوان ءِ چکاسانی برجمداری
راسک ءُ سرباز دمگانی دربرجاھانی نیام ءِ پاکوان ءِ وانگ ءُ چہ بر کنگ ءِ چکّاسانی مراگش چہ پشامگ ءِ نیکراھی دربرجاہ ءِ نیمگ ءَ برجم دارگ بوت ، اے چکاساں اُمر ءِ دو گل (16سال ءِ گونڈ تر ءُ ٹوہ تر) نیام ءُ پاکوان ءِ پورہ ءُ نیمی ءِ بھرانی تہ ءَ بوتگ انت
ھلاکہ ءِ گیش چہ ۵۲۰ مالدار ءُ
سیستان و بلوچستان شءِ "امور عشایری" کارگس ءِ سروک ءَ گوشت ; مھرجان ءِ پانزدھمی ءِ کرگت ، "روستا و عشایر" ءِ ملی روچ ءِ نیمون ءَ ورگی آپ ءِ ۱۷ "پروژہ " ءِ تیاری گوں ۳ ملیارد ءُ ۴۷۵ ملیان تومن ءِ ھرچ ءُ درچ ءَ ھلاکہ ءِ مالداری ءُ "عشایری" گلّ ءُ جاھانی ھاتر ءَ دیم درائی بوت انت ، چہ اے کار ءُ بارانی دیم درائی ءَ ، پہ ۵۳۰ مالدار ءُ عشایر ءِ لوگمان ءِ مردماں الکاپیں ورگی آپ تیار ءُ جریدگ انت .
لاشار دمگ ءَ شھدربرجاھی وانگ ءِ ھاتر ءَ سوب مندیں نودربرانی گیشی
لاشار دمگ ءِ "آموزش ءُ پرورش" کارگس ءِ کارمستر واجہ بلوچ لاشاری ءَ گوشت کہ امبرانی سال ءَ ھلاکہ ءِ زرباری دمگانی تہ ءَ "فرھنگیان" شھدربرجاہ ءِ سوب مند بوتگیں دربروکانی کچّ باز ءُ چہ ۱۰۰ نپر ءَ گیش بوٹگ . لاشار ءِ ھند ءَ دربروکی کلاس ءُ تبکاں یکشل ءَ برجاہ انت ءُ ما را اے امیت انت کہ دیمی سالانی رد ءَ مئے سوب مندیں دربروکاں چہ انیگیں کساس ءَ ھم گیش بہ بنت .
چہ کرونا نادراھی ءِ پدوئی ماں شلاپگ ءَ ، یک ھپتگ ءِ درگت ءَ ۲۶ مردم بیران ءُ گیش چہ ھزار نپر ءِ آماچی
بھداشت "وزارت" ءِ جار ءِ رد ءَ ، گوستگیں یک ھپتگ ءِ درگت ءَ چہ کرونا ءِ پدوئی ماں شلاپگ ماں ملک ءِ تک ءُ پھناتاں ۲۶ نپر بیران ءُ ۷۹۶ دگہ مردم اے نادوری ءِ سردچار بوتگ انت .
چھبار ءُ دشتیاری دمگانی ءِ نُکّ ھُشکیں مردمانی ورگی آپ ، پیر سھراب ءِ پس ءُ مالانی نسیب بوتگ
آپ ءِ نل ءُ پیپانی ٹونگی ءُ پروشگ ماں زیردان آپ بند ءِ چیر گوری ھنداں ( چھبار ءِ پیر سھراب ءُ پُلّان ءُ انچوش گنداوگ ءُ تلنگ ) ءِ آپسراں زیگ ءُ باندات ءِ کسّہ ءُ گپّے نہ انت . اے پیپ ءُ نل سالانی سال انت کہ ھر چُنت وھد ءِ سر ءَ یک رندے ما ورگی آپ ءِ زوال بیگ ءِ گوھدارین ءُ اے پڑ ءَ ھم پہ مشکلاں رھدر ءِ توجیلے گندگ نہ بیت ءُ " آبفا" کارگس ءِ جوازت بس پہ چْنت بے اجازت ءِ ھوار بوتگیں مردمانی نل ءُ پیپانی سِندگ ءُ آھانی ملام ءُ جرمانہ کنگ ءَ چنت مردمی کارندہ ءِ دارگ ءَ کارمرد بیت.
اد ءَ گیران ءِ کلگ ماں پنوچ ءِ ھند ءُ دمگ انت
اد ءَ گیران ءِ کلگ چہ پنوچ دمگ ءِ آپسران انت ، کلگے گوں ۵۰۰ لوگمان ءُ دو ھزار مردم ءِ کچّ ءَ کہ آھانی کساس ۸۰ نپر جنین دربروک انت کہ ۲ ھپتگ چہ انیگیں وانگی سال ءَ کوستگ ءُ آھان ءَ پہ وتی وانگ ءُ دربرگ ءَ دربرجاہ ءُ نہ بیگ ءُ ۵۰ کیلومتر راہ ءِ ھرابی ءُ دوری چہ دربرجاہ داریں ھمساھگیں کلگ ءُ نوں گوں وانگ ءِ الس دیگ ءِ نوکیں جنجٹ ءَ دیم پہ دیم انت ءُ اے پڑ ءَ ھچ زمہ واریں اگدہ دارے اوں پہ پسو دیگ ءِ ھاتر ءَ تیار نہ انت .
برنج ءِ تلاہ رنگیں ھوشکانی کدیمی ءُ نوکیں رون ءِ وڑ ءُ داباں ، ایرَھت ءِ روچانی درگت ءَ ماں گنداوگ ءِ دمگ ءَ
گنداوک ءِ دمگ ءَ برنج ءِ کِشارانی یکے چہ گھتریں جاھاں کرگدان ءِ کلگ انت ، اے ھند ءِ کِشت کِشار کنوکیں دھکاناں برنج ءَ انگت ءَ ھما کوھن ءُ کدیمی وڑ ءَ رُن انت .
دزاپ ءِ پانگس ءِ سروک چہ وتی زمہ ءَ کشّگ بوت
رند چہ دزاپ ءِ یک شھری پانگس ءِ سرباز کارندہ ءِ ناھکّیں کِرد ءُ کارپد ، ھلاکہ ءِ "انتظامی" بنجل ءِ مزن ھکم دار ءَ ھکم ءِ سر ءَ ، اے پانگس ءِ سروک ءُ کماش چہ وتی زمہ ڈوبگ ءِ نادلگوشی ءُ ھند ءُ دمگ ءِ پانگسانی کمّیں سرچاری ءِ ھاتر ءَ چہ کار ءَ کشّگ بوت . پانگس ءِ سروک ءِ کِرد چہ ھاسیں آمیدگس ءِ نیمگ ءَ کار تپاسی بیگ انت .
پھرہ دمگ ءِ پاور لپتینگ ءِ وردشت کنوکاں ، مُلک ءِ روچ دراتکی زربار ءِ دمگانی زور چکاسانی نیام ءَ باج بری ءِ ٹلک ءِ سر ءَ انت
پھرہ دمگ ءِ وردشت کنوکاں پاور لیفتینگ ( وزنہ برداری قدرتی ) ءِ ملک ءِ زور چکاسی ءِ مراگشانی تہ ءَ گوں ۱۲ تلاہ ءُ ۷ نگرہ ءُ ۳ "برونز" ءِ نشانانی کَٹّگ ءَ باج بروک بوت انت .
مکران زانتی ءِ دومی میلہ ءُ مراگاہ ، بلوچ راج ءِ مردم زانتی ءُ دود ءُ روبیدگ ءِ بارو ءَ
اھدی ایں مکزان ، روچ ءُ مچکدگانی سرڈگار ، یک پھنامیں مڈّی ءُ ھزانگ ءِ داب ءَ گوں اُمّان ساوڑ ءِ بے دروریں تیاب دپان ، مھنت کشّ ءُ ایمان داریں مردمان ، کوھن ءُ تروپکیں دود ءُ روبیدگانی گوں ماں ایران ءِ روچ دراتکی زربار ءُ بلوچستان ءِ لھتے ھند ءُ دمگی جاگھاں برجاہ انت .
واجہ عبدالصمد پناہ ساھب تلنگ ءِ ھند ءِ بکشدار بوت
تلنگ ھند ءِ بکشدار ءِ پجارینکی دیوان گوں بازے چہ ھند ءُ دمگ ءِ نیکراھی سروکان ، کماش ءُ ریش اسپیت ءُ دگہ لس مردمانی ھمراھی ءَ برجم دارگ بوت . ھلاکہ دار ءِ ھم شوری ءُ چھبار دمگ داری ءِ کارزانتیچہ پناہ ساھب ءِ گوستگیں کِرد ءُ کارپدان انت .
بلوچ کار اڈ کنوکیں بانوکے ءِ جزم ، پہ دگہ ۲۰۰ سراوانی مردماں کار ءُ چلوپگ ءِ شوھازگ
فرحناز سالاری سراوانی کار اڈ کنوکیں بانوکے گوں وتی دستی ازم ءُ ھنر ، ھاسکار گُد ءُ سوچن دوچی ءِ کار ءُ بار ، پہ وت ءَ مالی وس ءُ پہ دگہ ۲۰۰ مردم ءَ کار ءُ چلوپگ شوھاز کتگ.
پھرہ دمگ ءَ بنزن اوشتجاھانی آمید گسی ایرجنگ ءُ سزا
میارجل ءِ چنت رسانکدری ھال ءُ ھبر ءِ شنگ ءُ شانگ ءَ پد ، پھرہ دمگ ءِ بنزن ءِ سرپاپی دراجی ءِ ھاتر ءَ ، نوں ھلاکہ ءِ سزا دیگ ءِ بنجاہ "تعزیرات حکومتی" ءِ کماش ءَ اے شھر ءِ یکّے چہ رد کاریں بنزنی اوشت جاھان ءَ ۲ ملیارد ءُ ۳۸۵ ملیون تےمن ءِ کچّ مالی جرمانہ ءِ سزا داتگ .
چھبار ءِ دربرینوکانی شھدربرجاہ ءِ نمدی پہ سیستان ءُ بلوچستان ءِ ھلاکہ دار ءَ
گوں دروت سیستان ءُ بلوچستان ءِ بوھیریں ھلاکہ دار . "سلام و علیکم" ما ھلاکہ ءِ دربرینوکی زانشت جاہ ، ءِ دربروکان ( چھبار ءِ جھگیری ) ءُ مئے کھول ءِ مردماں ، گوں انیگیں سال ءِ وانگ ءِ بنداتی ءَ یک انچوشیں گپچلے ءِ آماچ بوتگ ایں کہ درستانی تکانسر کتگ . اے جنجٹ چھبار دربرجاہ ءِ وابجاہ ءِ نہ بیک انت کہ گوس انت اگاں اے ھال دگہ جاھاں ڈنگ ءُ دونگ بہ بیت پہ ھند ءُ دمگ ءَ نام ءُ ازّت ءَ یک ٹوھیں کمّی ءُ گپچلے انت . پمیشکا چہ شما را دزبندی انت کہ پہ ما الکاپیں رھدرے بہ شوھاز ات دانکہ وتی وانگ ءُ دربرگ ءِ اولی بھر ءُ چھبار ءِ تہ ءَ بندات کن ایں . پیشتر ءَ چہ شمار منتوار . چھبار دمگ ءِ دربرینوکی لھتے جہ دربروکاں.
چھبار ءِ بے مدھائیں بامرداں ءِ یک منتواری دیوان ءِ برجمداری چہ میارجل ءِ نیمگ ءَ
مھرماہ ءِ ھپتمی روچ یک نیمونے پہ ھما بامردان انت کہ آس ءُ آچش ءِ جپانی تہ ءَ پہ سُھریں زندے ءِ ھاتر ءَ ربّال ءُ کاسد اںت . آچش کُشوکانی روچ ، اے بامردان ءَ مراد بات .
میرجاوہ دمگ ءَ شھری اھوالکار ءِ اکسی کسہ ءُ گشتانک ، پاکوان ءِ چہ بر وانگی چکاس ءِ بارو ءَ
میرجاوہ دمگ ءَ ، میارجل ءِ اھوالکار ءِ اکسی کسہ ءُ گشتانک ، پاکوان ءِ چہ بر کنگی چکاس ، واش ، میرجاواہ ءُ تپتان ءِ ھندانی ھاپزانی نیام ءَ .
دزاپ ءِ شھر ءَ روانک ءِ جاورھال سروپّت اگ ءُ ایمنی برجاہ انت
رند چہ انیگیں مھرماہ ءِ ھپتمی روچ ءِ گر ءُ چیل مھلوک ءُ سرکاری پانک واکانی نیام ءَ ماں دزاپ ءِ شھر ءِ تک ءُ پھنات ءَ گوں مردمانی ڈوک شانی ءَ انیگیں درگت شھر ءِ تہ ءَ امن ءُ سروپگ ءِ جاوزھال برجاہ انت . گوسگی انت کہ لھتے مردماں چہ شکاری توپکان ءُ ارس ریچیں گیس ءِ شانگ ءِ ھاتر ءَ ٹپّی ءُ زدگ بوتگ انت .