اد ءَ بنت ءِ بنزنی اوشت جاہ انت گوں دراجیں ( کیلومتری ) سرپانی کتار . مردم ءِ گورسی ءَ بہ کن ات

امبرانی اوں دربرجاھانی پاچ بیگ ءِ تلینگوک ءِ توار ، تیس کوپان دربرجاہ ءِ کوھن ءُ کدیمی تام ءَ گوں بندات بوت . داں یک سال پیسر ءَ بلکیں کس چہ اے دربرجاہ ءِ کوھنی ءَ سرپد نہ ات بلے ھما وھد ءَ گوں میارجل ءِ جزم ءُ اے ھال ءِ شنگ ءُ شانگ ءَ دگہ ھچ کس ناسھیگ پشت نہ کپتگ ، بلے جست ءِ گپ اش انت کہ رند چہ درھیں ھلاکہ ءُ ھند ءُ دمگ ءَ بہ گر داں ملک ءِ جھگیر ءِ اگدہ دارانی سھیگ بیگ ءُ آھانی آیگ ءُ چارگ ءَ انگت ءَ ھما منک کہ دہ سال ءَ پیش آھانی کلینٹ جنگ بوتگ انت دنیگت ءَ سر چست نہ کتگ ءُ ھما ڈول ھاک ءُ ڈگار ءِ میار انت ءُ اے دربرجاہ ءِ نودربر اں انچوش کہ پیشی سالاں امبرانی ھم وتی وانگ ءِ ھما ۵۰ سالیں کوھن ءُ کدیمی سھمانی چیر ءَ بندات کنگ ءَ انت .

یک ھگمے ءِ رد ءَ چہ ھلاکہ دار نیمگ ءَ ھمایون امیری پہ جھبار ءِ دمگ دار ءِ جھمنندی ءَ گچین بوت .

ھلاکہ داری ءِ جارکشی ءَ جار جت کہ رند چہ جمھوری کماش ھگمانی گیش بیگ پہ سیستان ءُ بلوجستان ءِ ھلاکہ دار ءَ ، چھبار ءِ بندن آزات ءِ ٹوہ ءُ گونڈیں نمبر بوتگیں موٹلانی تچ ءُ تاچ درھیں ھلاکہ ءِ تہ ءَ آجو بوت

بنزن ءِ دراجیں سرپانی کتار ءِ کسّہ ماں پھرہ دمگ ءَ انگت ءَ برجاہ انت ءُ شھر ءِ اگدہ دارانی بے پسو ئے ھم جاری انت ، راج اوں چہ اے جاورھال ءَ مونج ءُ تکانسر انت.

رند چہ یک گیس تراک ءِ تپاکے ماں یکے چہ دزاپ ءِ دگاں ، یکے چہ زدگاں چہ ٹپّانی زیادھی ءَ بیران بوت . اے تپاک ءِ رد ءَ یک لوگے ھم سرانڈیل بوتگ.

لوگانی گیس دار کنگ ءِ وام ماں پھرہ دمگ ءَ ۲۰ ملیون گیش ءُ گیوار بوت . پھرہ ءِ گیس کارگس ءِ کماش ءَ گوشت کہ گیس کشّگ ءِ وام پیسر ءَ ۱۰ ملیون بوتگ بلے چہ لھتے رندگیری ءِ ھاتر ءَ امبرانی داں ۲۰ ملیون تومن ءَ گیش کنگ بوت . پھرہ دمگ ءَ گاز کشّی ءِ وھد ءَ ، کساس ۱۴ ھزار "علمک" تیار ءُ جریدگ بوتگ انت بلے ( چہ مردمانی مالی نادزرسی ءَ ) اشانی ۴۵۰۰ "علمک" دنیگت ءَ بے کٹّ ءُ بے سیتی ءَ پشت کپتگ انت . اے واجہ ءَ گیش کت کہ داں انی ءَ ۱۷۰۰۰ شھری لوگ ءُ ۲۵۰۰ لوگ اوں کلگانی تہ ءَ لوگانی گیس ءَ بھر زرتگ ءُ ھور انت

پنوچ دمگ ءِ میراث فرھنگی کارگس ءِ کماس ءَ ماں گپ ءُ ترانے گوں میارجل ءِ ھالکار ءَ گوشت کہ ; اے کلاسانی تہ ءَ بھر زرتگیں ۱۸ سالیں مردمان ءَ کونزگ اڈ کنگی ءُ ٹوہ تریناں ءَ گد دوچی ءُ سوچن کاری ءَ بلد کنگ بنت . کلاسانی وھد ۲ ھپتگ انت کہ چہ "میراث فزھنگی" ءِ نیمگ ءَ برجم بنت .

گنداوگ ءِ دمگ ءَ گوں "کمیتہ امداد امام " ءِ ھمت ءُ جزم ءَ ۲۷۵ نوک سیریں بانک ءَ لوگی سامان ءِ جھاز دیگ بوت ، پہ ھر بانک ءِ جھاز ; سارتینک ، وت گند ، لین ءُ برک ءِ روپگ ، گُدشودی مشیں ءُ کن ور ءِ چراگ گیس انت کہ اشانی سرجمیں کیمت پہ ھر بانور ءِ ۳۰ ملیون تومن ءُ آھانی پورہ ایں اردشت ۸ ملیارد ءُ ۲۷۵ ملیون تومن ءِ کچ ءَ ھرچ ءُ درچ بوتگ .

گہ ءِ دمگ ءُ بنت ءِ ھند ءَ حسین آباد نامیں کلگے ھست کہ بازیں شلگرہ انی گوں دیم پہ دیم انت . اے کلگ ءِ مردم جہ بنیاد مسکن ءَ گلگ دار انت .

اے تامر ءِ توک ءَ یک پتروشیمی کارزانتے لھتے دیدانک ءَ پہ متانول پیپ ءِ گوازینگ ءَ چہ چھبار ءِ شھر ءَ درشاں کنگ بیت ، چھبار ءِ وھد ءِ اسلامی شورجاہ ءُ دمگ دار ءَ پہ متانول گوز راہ ءِ گیشینگ ءَ چے گوشتگ ؟ چھبار ءِ انیگیں شورا ءُ شھردار ءِ پسّو ان ءَ اے بنگپ ءِ ھاتر ءَ دیمتری روچاں شنگ ءُ تالان کن ایں.

بنیاد کودک نامیں بنجل ءِ کماش ، چہ ۱۰۰۰ بنڈل وانگ ءُ نبیسگی سامان ءِ بھر ءُ ٹکّ پنوچی زبھریں نودربرانی نیام ءَ ھال دات ءُ گوشت کہ مئے مول ءُ مکسد انت کہ آ دگہ زبھریں نودربران ءَ ھم مدت کنگ بیت دانکہ وتی وانگ ءَ پہ مالی ھاتر ءَ یلو مہ کن انت .

پنوچ ءِ جھاد کشاورزی کارگس ءِ کارمستر ءَ اے دمگ ءِ ۳۰ ھکتار ءِ برنجی کشارانی (چمپا) رون ءَ ھال دات .

چہ بلوچستان ءِ آزمان ءَ پدا دگہ پر برمشیں انچوشیں استارے سرسست ءُ موت ءِ تارونکی ءَ کپت کہ آ وتی اُمر ءِ دراجی ءَ بلوچی زبان ءُ ادب ءِ پڑ ءَ جلکشاں بوتگ ات

شھریور ماہ ءِ ۲۵ می روچ (1402) ءِ بامگواہ ءَ مبارک کازی بلوچی زبان ءِ نامداریں شائر ءُ لچہ کار کہ پیشی شپ ءَ کیچ ءِ شھر ، بابو آلم نامیں سنگت ءُ پجاروکے ءِ لوگ ءَ مھمان بوتگ ھمے جاہ ءَ کورئیں دگنیا ءَ یلہ داتگ.

ھما مردم کہ آھانی سھام عدالت ءِ اولی اردشت ۵۳۲ ھزار تومن انت گوستگیں ھپتگ ءِ آھری روچ ءَ آھانی سھام ءِ اردشت ۱۱ ملیون تومن بوتگ ، یک ملیون تومنی سھام عدالت ءِ نھاد ھم ھمے مدت ءَ ۲۱ ملیون تومن سر بوتگ .

بازیں وھدے کہ گںداوگ ءِ مردماں گوں نیوگ ءُ سوزی ءِ گرانیں نھاد ءَ کیم پہ دیم انت . اے ورگی انی نھاد ءِ مھار انچوش سستگ کہ کس ءَ زیرگ ءِ جوازتے نہ منتگ . گنداوگ ءِ شھر ءَ چہ نیوگانی میدان ءُ پٹ ءِ نہ بیگ ءُ بازار ءِ نھادانی ناھودگیں سرچاری اں سوب بوتگ کہ نیوگ ءُ سبزی گوں گراں تریں نھاد ءَ بھا کنگ بیت . میارجل ءِ ھالکار پہ مردمانی لوت ءُ داوت ءَ آھانی نیام ءَ شتگ ءُ اے بنگپ ءِ بارو ءَ تامرھالے ٹھیتگ.

مھندس ھودیانی بنپور دمگ ءِ کشاورزی ءِ کارمستر ءَ ھال دات کہ اولی رند انت کہ پہ ھما کشت ءُ کشارانی بدل ءَ کہ زیادھیں آپے لوٹ انت اے دمگ ءِ سد ھکتار ءِ کچّ ءَ "آجیلی " گل روچ ءِ کشار بیگ انت

ملک ءِ رھبر : تپاکی ءِ بزانت چے انت ؟ مانا اش انت ، آ جاھے کہ راج ءِ نپ ءُ سیت ءِ گپ انت درھیں کومی ، مھزبی ، سیاسی ءُ گلّ ءُ گروپی ناتپاکی اں باید انت یک گوَرے ءَ ھلّگ بنت ، درستاں گوں یکا دگر ءَ ھور ءُ ھمراہ بہ بنت . وڑ وڑیں مھزب ءُ وڑ وڑیں کوماں یکادگر ءِ کرّ ءَ ، اود ءَ کہ مکسد تچک ءُ پدر انت . اے ڈولیں تپاکی ءَ مزن بستارے ھست.