سزتیپ عزیز نصیری زادہ ، سلاو بندیں کارندہ ھان ءُ دیمپانی ءُ پلامرزی وزیر گوں منواری لوح ءُ تھتگ ءِ ٹیکی دیگ چہ سیستان ءُ بلوچسنان ءِ ھلاکہ دار ، واجہ منصور بیجار ءَ ک پہ اتکا بنجل ءِ بنمالانی پلامرزی ءِ ھاتر ءَ منتواری کت .

چھیار ءِ آزات بندن ءِ کارمستری گل ءِ کماش ءُ کازمستر ءَ گوشت : 3 بالی راہ ءُ گوزراہ ، چھبار مشکت ، چھبار ،، کراچی ءُ چھبار کراچی ، چہ دیماہ ءِ دومی نیمگ ءَ کیش ایر ءُ وارش ءِ بالی شرکت ءُ کارگسانی گوم ءَ راہ پرینگ بنت.

تھران ءَ ، اوگانستان دولت ءِ ربال ءِ نند ءُ نیاد گوں چھبار ءِ آزات بندن ءِ کارمستر ءَ دوئیں جھگیرانی ھوریں اقتصادی ءُ بیاپاری رھوت ءُ کار ءُ باران ءُ چھبار ءِ آزات بںدن ءِ جل ءُ کجالانی کارمرزی ءِ بارو ءَ کڈن کت

ھدامرزی عابد آسکانی ، بلوچستان ءِ یکے چہ پرنام ءُ تواریں لچہ کاران ءِ مزن لیکی مراگش مھرستان ءِ گونڈوان ءُ نوک ورناھانی مارشتی ردوم ءُ پلوریںگی بنجاہ (کانون پرورش فکری کودکان و نوجوانان) ءَ برجم دارگ بوت .

سیمسر ءُ پرپٹی گوز راھانی بندش ، کلگان ءِ سر ھدات ءَ سرھد نشتگیں مردمانی لاپی ءُ روزگار ءَ گوں ٹوھیں مشکل ءُ شلگرہ اے دیم پہ دیم کرتگ .

سب ءُ سوران دمگ ءِ سلامت نادراھجاہ ، گون دوا ءُ درمانی مول ءُ مرادانی بودناکی ءُ ھند ءِ مردمانی بھداشتی ءُ جاندرھی مشکل ءُ شلگرہ ھانی کم کنگ ءَ ، یر رسمی وڑ ءُ دابے ءَ وتی کار ءَ بندات کت .

دزاپ ءِ علی بن ابیطالب نادراھجاہ ءِ کماش ءُ پاگواجہ ، ید درمانی ءِ ھاسکاریں کارزانتی بھر ءِ نزیک ایں راہ پرینگ ءِ ھںل ءَ دات . یک بھرے کہ پہ "تیروئیدی" نادراھانی گھتریں درمان کنگ ماں جرند ءِ ھلاکہ ءُ آھانی درملکی نادراھجاھانی تک ءُ رو ءِ کم کنگ ءِ مول ءُ مکسد ءَ انت .

بلوچی جل ءُ ( گلیم) ، سیستان ءُ بلوجستان ءِ یکے چہ اسلی تریں ھندی ازم ءُ ھنراں ، گیش چہ بلوچ راج ءِ روبیدگی ءُ دودی پجار ءِ درانگاز کنگ ءَ ، مرچاں چہ کار ءُ چلوپگانی یک ٹوھیں جل ءُ کجالے ھاسکار پہ کلگی ءُ مالداری زالبولان ءُ ھلاکہ ءِ دیمروی ءِ ھاتر ءَ بدل بیتگ .

سیستان ءُ یلوچستان ھلاکہ داری ءِ راجی رھوتانی بنجل ءِ ھالانی رد ءَ : دولتی کازگسانی کاری اداراں چہ دے ماہ ءِ اولی روچاں داں دیمی سال ءِ فروردین ماہ ءِ نیمگ ءَ چہ سھب ءِ 7 ءُ نیم داں دیگر ءِ یک ءُ نیم (13:30) ءَ ٹلینگ بیتگ ءُ پیشمبہ ءِ روچاں اوں کار ءُ باراں چہ دیر ءَ کنگ بنت .

ایرانی یلدای ءِ مراگشانی ھمدپی ءَ ، پاکستان حیدراباد شھر ءِ اسلامی جمھوریت دود ءُ روبیدگی گس ءُ لوگ ، دوئیں ملکانی ازمکار ءُ لچہ کارانی واسیگدار ات . یک تپاک ءُ پیشامدے کہ روبیدگی کرد ءُ کارانی بودناکی ءِ مول ءُ مراد ءُ سیستان ءُ بلوچستان ءِ تر ءُ تابی جل ءُ کجالانی پجار دیگ ءِ بارو ءَ برجم بوت .

دکتر محمد انور بیجارزھی چھبار ءِ مزن دمگ ءِ جھگیر اے جست ءِ پسو ءَ دنت . محمد انور بیجارزھی چھبار ءِ مزن دمگ ءِ جھگیر ، چہ وتی پیلو ءُ رندگیری اے وانینوکانی پگار ءِ جاورھال ءُ آھانی کاربندگ ءَ ھال دنت .

"اقصادی" بنجاھانی کازمستران ءُ بانکانی شبکہ "گل ءُ کروپ" ءِ دوستلکیں نیاد ، گوں "بساز مدرسہ ، بساز ایران" ءِ جار کہ ایران ءِ میان اوسٹمانی مراگشانی بنجل ماں تھران ءَ برجم بوت ، دربرجاہ ساچی ءِ پھر ءِ نشان ءُ مسڈل دکتر محمد سعید اربابی ساھب ءَ دیگ بوت . ا

گون وانگ ءُ دربرگی مول ءُ مکسدانی دیمروی ءُ ولنگ ءُ زانگی چیریاچانی بودناکی ماں زبھر ءُ پشت کپتگیں ھنداں 3 دربرجاھی کاروائی اں گوں ھند ءِ ھیرکاریں مردمانی ھمت ءُ جزم ءَ بندات بوت.

دزاپ ءِ علوم پزشکی شھدربرجاہ ءِ اشتاپیں تپاکانی کارمستری بنجل ءِ جھمنند ءَ (مرکز مدیریت حوادث و فوریتھای پزشکی دانشگاہ علوم پزشکی زاھدان) چہ 14 نپر ءِ ٹپی ءُ بیرانی ، دو موٹل بس ءِ ڈیک ورگ ءُ لیت کنگ ءَ ھاتر ءَ ھال دات .

رند چہ شنگ ءُ تالان بیتگیں تامربندے ، لھتے کومبار بیتگیں برنج ، دزاپ شھر ءِ ھبیلی ءِ بارو ءَ . سیستان ءُ بلوچستان ءِ "تعزیرات حکومتی" کارگس ءِ کارمستر ‌، لھتے سوج ءُ سپرپدی ءِ گوم ءَ اے بنگپ ءِ بارو ءَ تران کت .

واش ءِ شھر ءَ دو موٹل گاڈی ڈلیور ءِ اجیب ایں کامگیج کہ گوں اوشتگ ءُ 17 دمان ءِ گپ ءُ تران یکادگر ءِ گوم ءَ شھر ءِ مزدم ءُ موٹلانی رو ءُ آ ءَ بند کت .

مان اے ھال ءِ درگت ءَ کہ گوستگیں روچانی درگت ءَ پاکستانی بزنجانی ھر کیسگے یک داں یک ءُ نیم میان تومن ءَ سر بیتگ یک تامربندے ءِ تورشت ناکیں شنگ ءُ شان. کہ ھزارا تون برنج ءَ دزاپ ءِ دشت ءُ گیابانی تہ ءَ کومبار کتگ مردمانی مارشت ءَ دردانی آماچ کرتگ

بلوچستان ءِ لھتے چہ شھراں ، گوارشتی "سامانہ" ءِ اولی روچ ءِ آیگ ءِ واسیگ دار ات انت کہ کور ءُ کیلگانی سریچ ءَ سوب بوت .