بانک نگار هوت بلوچانی مچانکی کارنده ءَ ماں میارجل ءِ دیوان ءَ که په اوٹگانی پیش آتکانی چار ءُ بیچار ءِ بارو ءَ برجم دارگ بوتگ ات ، تران ئِے کت :آموزش ءُ پرورش اِے کار ءَ کت کنت که یک کتابے چنت بند ماں بنداتی وانگجاهاں په اوٹگانی باره ءَ گیش بکنت دانکه زانوگر ءُ زانتکار به بنت .

هالد بلیده گِه ءِ نوک رستگیں ورنایے که بلوچی زبان ءِ لچهانی دپگال کنگ چه کسان سالی ءَ گوں پت ءِ دلبڈی ءُ مدت ءَ بنگیج ئِے کتگ ءُ دگه جوان ءُ نوجواناں په بلوچی زبان ءِ سمبالگ ءُ لچه گشی ءِ زانشت ءِ دربرگ ءَ کَڈن کنگ انت .

ماں لاشار زمین ءَ میر ءُ مهترانی میانجی گری ءَ دو ٹک رند چه سے سال ءَ دل په دل بوت انت .

واجه موسا مهمودزهی که بلوچی زبان ءُ لبزانک ءِ نام کپتگیں پولکارے زانگ بیت په بلوچستان ءِ شهدربرجاهی زانت دربرانی واست ءَ نوکیں وانگی ئِے چاپ کتگ دانکه په ارزانی وتی ماتی زبان ءَ در به بر انت ، پمے هاتر ءَ میارجل ءِ هالکار ءَ چه بلوچی زبان ءِ اِے نامی ئیں پولکار ءَ گلگدارے گپتگ ، په گیشتریں سرپدی ءَ گلگدار ءِ گپ ءُ تراناں دلگوش کن ات ...

نند ءُ نندے ماں میارجل ءَ په بلوچستان ءِ اوٹگانی پیش آتکانی بارو ءَ گوں شورا ءُ کارندهاں برجم دارگ بیت که بهر زیروکاں وتی لیکه ءُ هیال پیش کت انت.

میارجل ءَ په بلوچستان ءِ روتاک کار ءُ تژن نبیس ءِ یات ءَ که پاریگیں سال ءِ 23 بهمن ءَ اِے کوڑوئیں دنیا ءَ شت دیوانے برجم داشتگ که دیم تر ءَ مهمانانی گپ ءُ گشتانک شنگ ءُ تالان کنگ بنت .

میارجل ءِ هالکار ءَ گوں راجگس ءِ پیشیگیں جهگیر واجه یاکوب جدگال ءَ گوں په دشتیاری ءِ اوٹگانی انوگیں پیش آتکانی بارو ءَ گپ ءُ تران کتگ ، ماں اِے گلگدار ءَ جدگال ءَ په اِے جنجالانی هلاسی ءِ بارو ءَ لهتیں راه کار پیش کتگ انت که شما ماں تامر ءِ ته ءَ اشکن ات اش .

دو نودربر مریم ءُ رکیه ءِ نام ءَ که یکے ءَ هشت ءُ دومی ءَ شش سال بوتگ گوں جان پدائیں وانینوک بانک یاسمین هوت ءَ ماں پلان ءَ سلور بازار ءِ دمگ ءَ اوٹگ ءِ کِرّ ءُ کنک ءَ په گوازی ءَ رو انت که آپ ءَ شتل انت ءُ کپ انت ءُ بانک یاسمین هوت آیانی رکینگ ءَ آپ ءَ مان دنت ءُ هر سے ئیں هوریگ ءَ بُکّ انت ءُ اِے کوڑوئیں دنیا ءَ یلو کن انت .اوٹگانی بے واڑی اِے پیش آتکانی سوب بیت .

یک سپرے ءَ که سردار دهکان ءَ ماں زراباد ءَ هست ات چه اِے آبریچ ءِ بن ساچ ءُ جاوراں گوں که مردم ءُ اگده داراں درشانت انت سهیگ ءُ دیم په دیم بیت ،واجه دهکان رهبر ءِ شور دیوک اِنت ماں مکران ءَ ءُ تیابی دپی هلکانی دیم روی ءِ کنوکی ئیں کارگشاد گچین کنگ بوتگ .

میارجل ءِ هالکار چهبار ءِ شهر ءِ کِرّ ءُ کش ءَ شتگ دانکه یک بے سرپناھیں پیرزالے ءِ نگیگیں جاوراں هالے به گر ایت که وتی چاریں روچانی تیلانک دیگ ءَ ماں یک کٹوگے ءَ وتی نپس ئِے مان چتگ .

گپ ءُ رپے گوں بلوچانی نامی ئیں تامرساچ ءَ په"ساخت ایران 3" ءِ کسمانک ءِ بارو ءَ که بلوچ بانکانی پُچّ ءُ پوشاکانی اِیرجنگ ءِ سوب بوتگ اَت .

(گَرگور) آسنی پینجروے کہ دریاور پہ ماھیگ ءِ گرگ ءَ کارمرز ئِے کن اَنت اِے دریائی کَپس زرگوری ورنایانی اِزم سازیں دستاں گوں جوڑ کنگ بیت ءُ آئی ءَ (گُپت ءِ دریاورداں )گوں چِھل گوازیں ساد ءَ بند اَنت ءُ دریا ءِ چیر ءَ روان ئِے دے اَنت ءُ آئی ءِ تہ ءَ دارے مان کن اَنت دانکہ پہ کَشگ ءَ مہ اڑ اِیت ۔

بلوچستان ءِ وانوکیں چُکّ چہ بنداتی آسراتیاں زبھر اَنت ءُ وتی زندمان ءِ لوٹانی پَیلو کنگ ءَ لاچار اَنت کہ وانگجاھاں دیم پہ ڈیزل کشی یا پہ ھمے وڑیں کاراں یلو بہ کن اَنت ءُ وتی زندمان ءِ بھارگھی روچاں پہ چُنڈیں نانے ءِ اُمیت ءَ ماں سیمسر ءِ رو ءُ آ ءَ بہ گوازین اَنت ۔

میارجل اِے بری شستون ءِ راجگس ءِ جھگیر ءِ گور ءَ شتگ داں کہ آئی ءِ دو سالگیں کِرد ءُ کارپداں ، ءُ ھمے وڑ ءَ پہ شستون ءِ آبریچ ءِ باندات ءَ چونیں پریام ءُ شور ئِے ھست جست بکنت ،ماں اِے گلگدار ءَ گوں ما ھمراہ بہ بئت۔

لیردپ ماں بلوچستان ءَ گمبرون ءُ چھبار ءِ بندن ءِ میانجی ءَ باپاری شھرے زانگ بیت ءُ پہ رھگوزاں کہ بلوچستان ءِ دست ساچی سامانانی زیرگ ءِ واھش مند اَنت میان راھی آپسرے ، ندارگ ءَ سیل کن اِت ۔

بلوچستان پَد نہ منتگ بلکیں بازیں گنجائش ئِے ھست کہ باید سمیہ میھن واہ ءِ وڑیں پہ وتی واھگانی منزل ءَ سر بیگ ءَ اِیشاں ودی بکن اَنت ءُ پد منتگی ءَ چہ اِے دیار ءَ دور بکن اَنت ءُ ماں جھان ءَ بلوچستان ءِ پجّار ءُ آدینک بہ بنت ، بلوچستان گوں مھروان ءُ سادگیں مردماں پرگنج ءُ ھزانگیں سرڈگارے زانگ بیت ۔

شھسسّا سید ھاشمی ءِ نود ءُ ششمی بوتن ءِ سالروچ ءَ گُشتانکی ، ردانکی ءُ لچّہ گْوشی دیوانے ماں چھبار ءِ جلگھیں شھر ءَ ۔

چھبار ءِ بندن ءَ کہ 110 ھزار مردم نندوک اِنت بلے بژن باسکوپ ءِ بارہ ءَ ھچ دلگوش دیگ نہ بوتگ ءُ انوں ورنا آئی ءِ لوٹوک اَنت ۔

بلوچستان ءِ "ابونیما" ءَ یاد داشتے پہ بلوچی زبان ءُ آئی ءِ کارمرزگ ءِ بارہ ءَ ماں لوگ ءَ گوں چُکاں پہ میارجل ءَ روان ئِے دات

ما وتی درد ءَ کے ءَ بگش اِیں کہ گوں مُزّوری ءِ مُزّ ءَ چونکا آپ ءُ برک ءِ زرّاں بہ دے اِیں ؟