میارجل اے رند ءَ گوں وتی شَہ گاماں ، مھرستان ءِ تہ ءَ ماں داتگ ءُ چہ اے ھند ءُ دمگ ءِ بودناکی ءُ ترّ ءُ تابی جاورھالان کہ " مچّ ءُ روچ " پنام ءِ سر ءَ نام دپ انت ھال ءُ ترانے ءِ چن ءُ لانچ ءَ کتگ کہ چہ اے بنجاھی ھالرسانی ءِ واھگدارانی چمّانی دیم ءَ گوز ایت ، مئے گوم ءَ ھور ءُ ھمراہ بِہ بَہ اِت / رجانک : میرجلال

زاھدان ءِ جھمنندیں مردماں ، چہ دگ ءُ راھانی سیہ دون ( آسفالت ) ءِ ھرابی اں ، شَرّیں پارک ءُ تَرّ ءُ گردی جاھان ءِ کمّی ، موٹلی رَوَگ ءُ آیگی دَگانی ناھودگیں کارمستری ءُ شھری کارانی ھزمتگاری ءِ ناسرجمیں وڑ ءِ ھاتر ءَ چہ زاھدان ءِ ٱگدہ دار اں گلگ دار انت . اے رند ءَ میارجل ءِ دیرگند ءِ ھورت چاریں چمّاں ، مئے ھلاکہ ءِ میانجینی شھر ءِ سر ءَ زیلّ بوتگ انت داں چہ مھلوک ءِ رنج ءُ دلسیاھی اں ، شما را تامری ھال ءُ ترانے پیش بہ دار انت . ما را گوں ، ھور ءُ ھمراہ بِہ بَہ اِت / رجانک : میرجلال

ریحانہ ملازھی یکّے چہ وش تبیں بلوچ بانکانی کارندھے انت کہ پہ سوچن دوچی ازم ءُ ھنر ءِ پجار دیگ ءَ کہ بلوچ راج ءِ یکّے چہ دود ءُ روبیدگان انت جھد کنگ ءَ انت ، آئی ءَ توانتگ کہ پہ چنت نپر ءَ کار ءُ چلوپگانے اڈ بہ کنت ءُ سوچن دوچی ازم ءُ ھنر ءِ دیمادیمی ءُ مجازی ( دامگی )دربرینگ ءِ ھاتر ءَ دیم ءَ بہ جُنز ایت .

ورگی آپانی کش ءَ اولیگیں ترّ ءُ تابی بنجاہ ماں استان ءُ ھلاکہ ءِ تہ ءَ ، پہ گیشتریں سوبمندی ءِ ھاتر ءَ اگدہ دارانی دلسریں چارگانی مھتاج انت .

عبداللہ افراز ، دربرجاہ ءِ اولی سال ءِ نودربرے ، لیب ءُ گوازی ءِ وھد ءَ چہ پاد ءِ لکُشگ ءُ لیٹ کنگ ءِ ھاتر ءَ ، ماں کالبر کلگ ءِ ھوتگے ءِ تہ ءَ کپ ایت ءُ وتی ساہ ءَ دنت .

پھرہ ای جھدکاریں بانکے گوں وراکانی بزار ءُ مسالہ ءِ پیم کنگ ءَ ، وت ءَ یک کارندہ ئے ءِ داب ءَ زاھر کتگ ، اے بانک ماں وتی اے کار ءِ تہ ءَ ، ورگی انی بزار ءُ مسالہ ءِ یک بنجاھی دکانے ءَ گہ گھنیچ ءِ پنام ءَ نام دپ انت اڈ ءُ پیم کتگ ، آئی ، بزار ءُ مسالہ ءِ اولی اوزار ءُ سامانان ءَ تچکی ءِ سر ءَ چہ دھکان ءُ کشت ءُ کشار کنوکاں زور ایت ءُ گوں ھمے چیزاں ، وشتام ءُ آتار داریں مسالہ ءُ بزارانے اڈ ءُ پیم کنت .

گیس ( گاز ) ءِ کپسولانی کمّی ماں بنت ءِ بکش ( بخش ) ءُ دمگ ءَ پہ مھلوک ءَ گرانیں مشکل ءُ گپچیلے بوتگ ، گیس ءِ کمے ماں اے شھر ءَ زیگ ءُ مرچیگ ءِ کسّہ اے نہ انت ءُ سالانی سال انت کہ بنت مردماں اے گپچیل ءِ گوم ءَ دیم پہ دیم انت/ رجانک : میرجلال

بلوچستان ءِ گیشتریں دمگ ءُ شھراں ، بنزن ءِ دراجیں سرپانی کتار ءِ گوم ءَ گِر ءُ دار انت ، انچوش کہ یک مردمے ءَ پہ 20 لیتر بنزن ءِ گیر آرگ ءَ کساس دو ادار ءَ سرپانی سر ءَ اوشتگ ءُ ودار کنگ لوٹ ایت .

چنڈوکان ءِ جھمنندیں مھلوک ، ساربوگ ءِ یکّے چہ ھما کلّگان انت کہ سالانی سال انت گوں بازیں مشکل ءُ گپچیلانی گوم ءَ دست ماں جیگ انت . اے مردمانی مستریں مشکل ھور گوں کاجو ءِ کور ءِ کشی ءَ ، آپ ءِ کمّی چہ پیسر ءَ داں انی انت

ماں بلوچستان ءَ بازیں مردم بے سجل انت ءُ بژنی گپے کہ اے بارو ءَ پکّائیں ھساب ءُ کتابے چہ سرکار ءِ نیمگ ءَ پدّر کنگ نہ بوتگ . چہ اے بے سجلانی نااندیم ءُ ناپدریں شمار ءَ ، گنداوگ دمگ ءِ تہ ءَ ، تلنگ ءِ بکش ( بخش ) بلوچستان ءِ یکّے چہ ھما ھند ءُ دمگان انت کہ بازیں بے سجلیں مردمانے اود ءِ جھمنند انت ءُ اگاں اے دمگ ءِ کلّگانی تہ ءَ ترّ ءُ تابے بہ کن ایں بازیں کسانے ءِ گوم ءَ دیم کپ ایں کہ مردم ءَ چہ آھانی ایرانی بیگ ءَ شکّ ماں دل ءَ کپ ایت . رجانک : میرجلال

بانک الھام بمپوری ، دھیار ءُ چاگردی جھدکار کہ پہ ھوٹگانی گپچل ءِ بارو ءَ ماں بلوچستان ءِ تہ ءَ چہ میارجل بنجاھی ھالرسانی ءِ نیمگ ءَ برجم دارگ بوت گوشت : گیش چہ اے ترندیں ھال کہ مرچاں بلوچستان ءِ لھتے چہ کساں سالیں زھگاں ھوٹگانی سر ءَ کربان بیگ ءَ انت ، ھما گانڈو انت کہ چہ پیشن ءِ آبند ءَ سرستگ ءُ کورانی لھراپانی تہ ءَ مان.کپتگ انت ھم بازیں کسان سالیں چک اش مرک ءِ آماچ کتگ . رجانک : میرجلال

چھبار ءِ تہ ءَ بنزن ءِ دراجیں سرپاں ، گرھنے انت کہ انگت ءَ پاچ کنگ نہ بوتگ . ( نوں ) جُست اش انت کہ اے پاچ نہ بوئگیں گرھن چہ پیم ءُ چہ کسے ءِ دستانی گوم ءَ پاچ کنگ بیت ؟ اے مشکل ءُ نگیگی چھبار ءِ جھگیر ءُ نمائندہ ءِ مدامی این جاک ءُ توار ءَ ماں مجلس شورای اسلامی تہ ءَ برزءُ چست کتگ .

ساجد جوھر، دشتیاری دمگ ءِ میانی بکش ( بخش مرکزی ) ءِ اسلامی شورایانی کماش ءُ مستر ماں نند ءُ نیادے پہ ھوتگانی مشکل ءُ نگیگیانی پٹ ءُ لوٹ کنگ ءَ کہ میارجل بنجاھی ھالان ءِ واسیگداری ءِ گوم ءَ برجم دارگ بوت چوش درّائینت کہ ; آپ ءِ تُنّیگی ( ایوک ) ءَ دشتیاری دمگ ءِ چوک ءُ چوریگان ءَ ھوتگانی کش ءُ دیم ءَ نہ برگ انت بلکیں آھاں پہ لیب ءُ گوازی ءِ یک جاگہ ءُ پت ءُ میدانے ءِ شوھازگ ءَ دل زران ءُ تنّیگ انت .

میارجلّ ءِ ھال ءُ تران کنوک ، اے رند ءَ ، ماں گپ ءُ ترانے گوں یکے چہ بلوچ ازمکار اں برجم داشتگ ، ازمکارے کہ آئی ءَ ماں بلوچ راج ءُ مھلوک ءَ بازیں ازت ءِ نام ءُ توارے ھست ءُ آئی ءَ بازیں زیبداریں جھدانے ءَ پہ بلوچ دود ءُ ربیدگی کاراں برجم داشتگ .

مور ءِ گام چه گنداوگ ءِ 98 ءِ دی ماه ءِ لوگانی کار ءِ دیم روی ءِ گام ءَ ، تیزتر انت .

گوستگیں روچ ءَ 12 جون 2022 ءَ پهره ءَ ترندیں گواتگولے ءَ کاپر ءُ برونک هروتک ءُ درچک چه آگنڈاں کش ات انت .

بلوچستان ءِ مردمانی مزنیں بهرے بے سجل انت ءُ په اِے مشکل ءَ اگده دار ءُ سردستانی نیمگ ءَ پکائیں شمارے پیش کنگ نه بوتگ ،چو پِر کپتگیں آس ءَ تر ءُ هشک سوتکگ انت ئِے ءُ مردم سک سل سرگردان ءُ پریشان انت ، بلوچستان ءِ روانک ءِ دومی در ءُ اولی بهر ءَ اِے نیمگ ءَ دلگوش کتگ .

هیچان ءِ دمگان ماں گه ءِ آبند ءَ گوں پنج هزار مردم ءَ برک ءِ ایرکَشّی ءُ (پزشکی) اوزارانی نه بیگ ءِ جیڑگانی آماچ انت .

چه میارجل ءِ هالرسانی بنجاه ءِ هالانی رد ءَ : آدینگ ءِ شپ ءِ 04 : 12 ءَ زمین چنڈے ءِ سما کپگ ءَ رند میارجل ءِ هالکار ءَ گوں سهرماه ءِ کارگس ءِ کارمستر ءَ گوں رهوت کتگ دانکه اِے زمین چنڈ ءِ سرجمیں پهناتاں چار ءُ بیچار بکنت .

باهوکلات ءِ آبریچ ءَ ماں کهیری ءِ هَند ءَ درچک ءُ دار چه بے آپی ءَ هُشک ءُ چه بے سماتی مهسول ءَ بر نه کنگ انت ءُ اگده دارانی گوشاں مورے هم نه وارت ، مردم کمک ءُ مدت ءِ واستومند اَنت .