سپاھیگے ءَ پہ بلوچ ءِ بے گناھیں چُک ءِ نیمگ ءَ تیرگواری کُتگ دزگیر کنگ بوت/ بلوچستان ءِ مردمانی لوٹ
چہ میارجل ءِ ھالرسانی بنجاہ ءِ ھال ءَ : استان ءُ سیستان ءُ بلوچستان ءِ سپاھیگانی دادستان واجہ الی رزا موسائی ءَ ماں اِے رِھوت ءِ تہ ءَ گوں میارجل ءِ ھالکار ءَ گْوشت : یک پنچ سالیں گونڈلے ءِ کُشگ ءِ ھال ءَ کہ چہ پھرہ ءِ شھر ءِ سپاھیگانی تیرگواری ءِ سوب ءَ بیران بوتگ ھما وھدی پٹ ءُ پاس ءُ جُست ءُ پُرس پہ اِے تیرگواری ءُ کُشت ءُ کوش ءِ بارو ءَ ماں سپاھیگانی آمید گس ءَ بنگیج بوت ۔
آئی ءَ تران ءَ کنان کُت : پیش آتک ءِ ھما بنگیجی اَداراں ، جست ءُ پرس زوت بنگیج کنگ بیت اَنت ءُ سپاھیگانے کہ ماں اے پیش آتک ءَ تیرگواری اش کتگ اَت ھما وھد ءَ لوٹائینگ بوت اَنت ءُ گُڈ چہ اِے پیش آتک ءِ ھر دیدانک ءُ ھر پھنات ءِ چار ءُ بیچار ءُ جست ءُ پرس ءَ سپاھیگ بند گرگ ءُ دارگ ءُ بند کنگ بوت اَنت ، استان سیستان ءُ بلوچستان ءِ سپاھیگانی دادستان ءَ گْوشت : اِے گپ ءُ جیڑگ یک ھاسیں وڑ ءُ پیمے ءَ دیم ءَ برگ بیگ اِنت ۔
اِے گپ گوشگی ءُ بے ھیال کنگی نہ اِنت کہ بلوچستان ءِ لس مھلوک ءِ لوٹ ءُ واھگ اِیش اِنت کہ اے پروندہ ءِ رسگ ءِ گام تیز تر بہ بنت ءُ آئی ءِ ھال سرجمیں مردماں بہ رس اِیت ءُ مردم چہ اِے ھژدری ئیں پروندہ ءِ جوڑشت ءِ آسر ءَ سھیگ بہ بنت کہ اِے پیش آتک ءَ سرجمیں مردمانی مارِشت ٹپیگ کُتگ اَنت ۔
کارمرز کنوکانی هیال