شستون ءِ مردمانی جَھگیر ءِ گپ ءُ رَپ گوں میارجل ءَ ، گوں شمسر ءِ ڈیزل کشانی بارہ ءَ گپ ءُ تران کتگ / ب

میارجل ءِ رسانکدر ءِ بُنجاھی ھال : ھمے دیوان ءِ کِرّ ءُ گور ءَ کہ راجگس ءِ راہ داتگیں جھگیر پہ شستون ءَ کہ گوں آ آبریچ ءِ میر ءُ امیر ءُ اِسپیت ریش ءُ ورنایاں گِند ءُ نند اِش کُتگ ، شستون ءِ آبند ءِ  مردمانی جھگیر ءَ گوں میارجل ءِ ھالکار ءَ درانگاز اِت ءُ گوشت : من مردمانی ھزمتکار ، چشکہ ویل ءِ آ درگت ءَ مردمانی میانجی ءَ ساڑی  نہ بوتگاں
اولی کارے کہ کتگ بِندات ءَ جھد کتگ کہ مسئلہ ءَ چہ تھران ءَ رندگیری ءُ جست ءُ پُرس بہ کناں.

ءُ گوں راجگس ءِ مزن کارمستر ءُ دگہ جھگیراں گوں ھال ءُ اِھوال کتگ کہ جیڑگ ءَ چہ ھمود ءَ رندگیری ءُ پَدجنی کُت بہ کن اِیں پرچا کہ ایران ءِ اسلامی جنز ءِ واست ءَ زندمان ءُ زندگ بیگ مستریں لوٹ ءُ ھژدری ئیں کار اِنت.

ملک پازلی ءَ تران کنان کُت : ھمے بنیاد ءَ مئے میانجی ءَ لوٹے ءُ جنجالے ودی بیت کہ یک ٹولے کہ کسی  ریاروئی ءَ مہ کنت راہ دات کہ کانود ءِ آمید دار بہ بیت ءُ ما ھم کانود اِے وھد ءُ دم ءُ درگت ءَ دیم ءَ آورتگ ءُ گپ جنوک کتگ اَت. مردمانی ٹک ءُ ٹول ءِ جیڑناکیں لوٹ اِیش اِنت کہ ھدا مہ واہ ایت یک وھدے مئے کار ءُ جیڑگ ءُ جنجال (دولت ءِ کار والا ءُ زمہ وارانی) کہ باز بہ بنت 

چشکہ مارا درستاں مشکل ءُ نگیگی ھست اَنت ءُ ایران ءِ اسلامی جنز ءِ جَھل تریں زمہ وار کہ آ وڑیں مُز ءُ نول نہ گرگ اَنت ءُ ھمے ھاتر ءَ مشکل ءُ نگیگیانی چیر ءَ اَنت ھاسکار امن آروکیں سپاھیگ ءُ کار والایاں کہ  شپ ءُ روچ اِش نیست بیت کنت کہ تندیں گامگیجے چہ آیانی نیمگ ءَ چست کنگ بہ بیت ءُ یک نہ وشیں جاور ءُ چاگردے ودی بہ کن اَنت کہ مارا درستاں ماں گپچل ءَ دور بہ دے اَنت ءُ نام ءُ دپ بہ کن اَنت.

آئی ءَ تران کنان کُت : راستیں مول ءُ مراد اِیش اِنت جست ءُ پرسے بہ بیت ءُ یک کارٹولے چہ راجگس ءَ کہ آئی ءِ سربراہ ءُ بُن "کمیسیون امنیت ملی" ءُ دگہ کمیسیونانی ھمراھی ءَ کہ "عمران " ھم گون  اَت ءُ اِے ھاتر ءَ کہ ما سرپد بیت اِیں ڈیزل کشی اِد ءَ ھست اِنت ءُ کار ءُ روزگار ءُ دیم روئی ءُ آبادی یے نیست اِنت "مُچانکیں کمیسیون " ءُ "کمیسیون سوخت" ءُ من ھم چہ کمیسیون بھداشت ءُ درمان ءَ کہ شستون ءِ مردمانی جھگیراں شمبے ءَ سھب ءِ ادار شش ءَ اِد ءَ آتکگ اِیں.

ما باید دو چیز  پٹ ءُ پاس ءُ جست ءُ پرس بہ کتیں ، یکے ھما جنگجاہ ءِ زمین ءِ گِندَگ ءُ دومی سیمسر ءِ گندگ ءُ چارگ چہ بُرزی نیمگ ءَ  ۔
ملک پازلی ءَ ماں وتی گپ ءُ تراناں گشان کت : ھمے نیت ءَ چہ سیمسر ءَ چہ بُرز ءَ روان کت ءُ چشکا کہ من سیمسر ءَ ءُ اِے ملک ءَ شری ءِ سر ءَ زان آں کہ سی سال اِد ءَ بوتگاں 

من وت دگہ ھمراہ ءُ باسکاں کہ ھمراہ اِت اَنت سر ءُ سوج کت ءُ شون دات ءُ گوشت اَنت ءُ رو ءُ آیانے کہ پاکستان ءَ چہ کجام راہ ءَ بیگ اَنت پیش داشت اَنت ءُ چار ءُ بِیچّار کت اَنت ءُ چہ اود ءَ کہ ویل ءُ پیش آتک ءِ جاگاہ اَت ءُ گوز راہ ءُ سرجمیں سیمسر ءِ بند ءُ بوج اِت اَنت چار اِت اَنت ءُ ادار یازدہ ءُ نیم ءِ وھد ءَ شمسر ءِ پازگاہ ءَ شت اِیں ،اود ءَ گوں سپاہ ءِ زمہ واراں ھم گپ ءُ تران کت ءُ رند چہ آئی ءَ ھما دمگ ءِ مردمانی گِس ءُ کَتاں شُت اِیں کہ سیمسر ءِ کِشک ءِ سر ءَ نشتگ اِت اَنت.

آئی ءَ گپ کنان کُت : ھمے وڑ ءَ ھما جاگاہ ءَ شت اِیں کہ ڈیزلی گاڑی والا ھمود ءَ اِت اَنت ءُ گوں آیاں گپ ءُ رپ کت ءُ سے ادار ءَ ھما ویل ءُ پیش آتک ءِ جاگاہ ءَ مھتل بوت اِیں ءُ گڈسر ءَ شستون ءَ واتر کت کہ وتی تر ءُ تابانی گپ ءُ آسرال ءِ یکجاھی ءِ وھد ءَ ھم رس اِتگ ءُ سَر بوتگ اِت اِیں

ءُ باندا ھمے وڑ ءَ دزاپ ءَ گوں استان ءِ زمہ واراں دگہ نند ءُ گندے ھست اِنت ءُ امیت کش اِیں ھما وڑ ءَ کہ کانون ءَ مئے سر ءَ ھُکم کت ھچ کسی ھک پادمال مہ بیت ءُ پد ءَ گوش آں چہ مردمانے کہ ڈیزل کشی کن اَنت ءُ اود ءَ آتکگ اِت اَنت ھچ کس ءَ دشمن ءُ سرکش نہ زان اِیں ءُ ھرچنت چہ دگہ جاھے ءَ دشمن ءُ ناپرمانے آتکگ ءُ چہ اِے مچُی ءَ گیشی ئِے کتگ
شستون ءِ جھگیر ءِ گڈسر ءَ درائینت : مئے زمہ واری ایش اِنت پَٹ ءُ شوھاز کن اِیں کہ ھما دشمن ءُ ناپرمان ءَ ودی بہ کن اِیں ءُ باید جیڑگ ءَ آگُنڈ چاری بہ کن اِیں کہ پرچا اِے پیش آتک کپتگ ءُ چے بہ کن اِیں کہ اِے نگیگیں جاور پد ءَ پیش مہ یاینت ءُ ھمے وڑ ءَ امیت وار اِیں اِے مردمانی سر ءَ کہ اِے ویل کپتگ بہ ساڑ اَنت ءُ تاھیر بہ گر اَنت کہ باز جوانین ءُ آرامیں مردم اَنت ءُ اِے مردم ماں بدتریں ھالتاں اگاں چیزے بہ گند اَنت ءُ بہ زان اَنت کہ زمہ وار ءُ راجدار ھمراہ اِش ھست اَنت تاھیر گر اَنت ءُ ساڑ اَنت پرچا کہ ایران ءِ اسلامی جنز ءِ ھمراہ بوتگ اَنت ءُ ھست اَنت ءُ ایشی ءَ ھم گوش آں کہ ھزار برابر ءَ گیشتر دردیگاں کہ من اِے مردمانی جھگیراں  ءُ اِے دردناکیں ویل ءُ پیش آتک کہ ماں شمسر ءَ پیش آتک سک باز مونجان ءُ دردیگ ئِے کت انچو کہ دگہ براتاں اِے درد ماں زرد ءَ ھست.

گوشگی اِنت کہ ماں اِے نیاد ءَ اَبید چہ ملک پازلی ءَ کہ شستون ءِ جھگیر اِنت ، ھسن ھمتی کہ کمیسیون امنیت ملی ءُ ڈنی سائینس ءِ باسک اِنت ، ھسین ھاتمی کہ مچانکیں کمیسیون ءِ باسک اِنت ، مستپا نکئی کہ انرژی کمیسیون ءُ سیمسر نندین پراکسیون ءِ باسک اِنت ءُ ھمے وڑ ءَ ھسین اسمائیل زھی کمیسیون ءِ اُمران ءِ باسک ، ملا ءُ آلم ، اِسپیت ریش ءُ میر ءُ امیر ءُ دگہ شھگانیں شستون ءِ ورنا ءُ کارندہ ءُ جھدکار ھور ءُ ھمراہ ءُ ساڑی بوتگ اَنت ۔