روایتے چہ وانگجاھے ءَ کہ گوں کمتریں آسراتیاں ماں بلوچستان ءِ سِیمسر ءِ سَر سَر ءَ اِنت / اُگدہ دار ب

چہ میارجل ءِ ھالرسانی بنجاہ ءِ ھالانی رِد ءَ : ریمدان ءِ دمگ کہ 2500 کَس ءَ بُرز  مردم ئِے ھست ءُ بس سے کوٹی والا وانگجاھے مِکّ اِنت ءُ بلے بیست سال چہ اے وانگجاہ ءِ بَندگ ءَ گوستگ بلے انگت ءَ ھم چہ بنداتی آسراتیاں چو کہ  آپ ، دست ءُ دیم شود جاہ ، ءُ بلکیں چہ شریں در ءُ دیوال ءَ ھم زبھر اِنت.

ریمدان ءِ دمگ ءِ مردم پہ میارجل ءِ ھالکار ءَ گْوشگ اَنت :وانگ ءُ زانگ پہ  دیم روی ءُ آبادی ءَ مئے بندری لوٹ اِنت بلے مئے چک چہ بے آسراتی ءُ جاہ ءُ اوزار ءِ کمی ءَ پہ اِے ھژدری ئیں لوٹ ءَ ھچ وڑ ءَ رس اِت نہ کنگ اَنت.

ریمدان ءِ شورا ءِ باسک ،واجہ ھیات گْوشگ اِنت : ریمدان ءِ کاسم سلیمانی وانگجاہ ءِ مستریں نگیگی اِیش اِنت کہ شریں جاہ ءُ اوزار ءُ آسراتی ئِے نیست پمیشکا ھمے سوب ءَ ھچ کس چہ آموزش ءُ پرورش ءِ وانینوکاں تیار نہ اِنت کہ بلوچستان ءِ اِے آبریچ ءَ بئیت ءُ مئے چُکاں بہ وانین اِیت ءُ راستین ءَ لوٹ ئے چمیشکا ریمدان ءِ مردم چہ وھد کدیم ءَ دانکہ انیگ ءَ ڈیزل کشی ءِ نیمگ ءَ شتگ اَنت ، ناں اِیوک ءَ آموزش ءُ پرورش اِے جیڑگ ءِ رندگیری ءَ نہ کنگ اِنت بلکیں ھچ اُگدہ دارے پہ نگیگانی جُست ءُ پد ءَ مئے دمگ ءَ نیایگ اِنت ءُ ما چہ اگدہ داراں اِے لوٹ کن اِیں کہ ریمدان ءِ دمگ کہ سیمسر ءِ سَر سر ءَ کپتگ  گیشتر ھیال چاری ءُ دلگوش بکن اَنت.

رجناک: میرجان میر