ھپت سالیں گونڈوئے ھوتگ ءِ نوکتریں براک ءُ کربانی ، ماں دشتیاری دمگ ءِ کالبر کلگ ءَ .

چہ میارجل بنجاھی ھالرسانی ءِ ھالانی رد ءَ ; ھانمھمد بلوچی ، کالبر کلگ ءِ دھیار ماں گپ ءُ ترانے گوں میارجل ءِ ھال ءُ تران کنوک ءَ گیش تر گْشت : 
زیگیں روچ ءِ ایوار ءَ عبداللہ گون کلگ ءِ اے دگہ چوریگاں پہ لیب ءُ گوازی ءُ ٳوژناگ ءِ ھاتر ءَ کلگ ءِ ھوتگانی کش ءُ کرّءُ رَوَنت کہ اناگت ءَ آپ ءِ تہ ءَ کپ ایت ، اے درگت ءَ زھگاں لیب ءُ گوازی ءِ ھاتر ءَ  چہ عبداللہ نادلگوش بوتگ انت ءُ کلگ ءِ اے دگہ مھلوک رند چہ کساس 15 داں 20 دمان ءَ اے تپاک ءِ سار ءُ شیوار بنت کہ گونڈو ءِ ساہ شتگ .
دھیار دیمتر ءَ گوِشت : پہ زھگاں لیب ءُ گوازی ءِ اوزار ءُ سامان ءِ نہ بیگ ءُ ھند ءُ دمگ ءِ وھد ءُ موسم ءِ زیادھیں گرمی ، زھگ ءُ چوریگان ءَ ھوتگانی دیم ءَ بارت کہ برے برے چوشیں  تھل ءُ کوچلیں تپاکانی گوم ءَ دیم کپ انت . کالبر ، دشتیاری دمگ ءِ یکے چہ کلگان انت کہ کساس 600 مردمانی ھنکین انت /

رجانک : میرجلال