میارجل ءِ میدانی ھال چہ کنرک ءِ ھار ءُ ھیروپانی گُڈی جاور ءُ دروشم ءَ / گیشتریں شھر آپ ءَ تَل اِتگ اَ
گوستگیں روچانی شرتگ ءُ ھوراں ماں بلوچستان ءِ زربار ءَ چھبار ءُ کنرک ءِ شھرانی مردم سک اجکہ کُرتگ اَنت ءُ مدت کنوکیں باسک ءُ لس مھلوک گلائیش اَنت کہ آپاں چہ شھر ءِ گَلّی ءُ پندجاھاں دور کن اَنت.
میارجل ءِ ھالرسانی بنجاہ ءِ ھالانی رد ءَ ; زمستانی ترندیں ھورانی گوارگ ماں بلوچستان ءِ زربار ءَ گوستگیں روچاں درھالے ترندتر بوتگ اَنت کہ گوستگیں ھپتگ ءَ موسم زانتی ءَ ھار ءُ توپان ءِ بارہ ءَ ترندے جارے جَتگ اَت.
ھنوں کنرک ءِ شھر ءُ تیس ءِ میتگ چہ زمستانی ھورانی گوارگ ءِ سان زیری ءَ ھرابی ءُ ویرانیانی بنجاہ اِنت کنرک ءِ گلّی ءُ پند ءَ زِرُک جوڑ بوتگ اَنت ءُ مردمانی لوگ چہ آپ ءَ پُرّ اَنت ءُ مروچی کنرک ءِ شھر ءِ آپانی گار کنگ ءِ وھد ءَ بے مٹیں ھورانی گوارگ ءَ مردم اجکّہ ءُ ھیران کُرت ، ھور ءِ گوارگ ءِ کساس ھنچُش اَت کہ کمتر چہ 20 دمان ءَ ھور ءَ گیش چہ 100 میلی متر گْورت.
رجانک: آبد رھشون
کارمرز کنوکانی هیال