میارجل ءِ دلکشیں جست چہ دمک ءُ در ءِ مردماں /کوھنیں بتلاں گُشان کن اِت !!+تامر

چہ میارجل ءِ ھالرسانی بنجاہ ءِ ھالانی رِد ءَ : بتل مردمانی دودمان ءُ زندمان ءِ پجارینگ ءِ ھژدری ئیں کارے ،چو کہ بتل ربیدگ ساچی ءُ مردمانی ایوکی ءُ مچانکی ءِ ربیدگ ءَ پیش داراَنت ، بتل پہ بستارے ءِ سوب ءَ کہ مردمانی ایوکی ءُ مچانکی ربیدگ ءُ ربیدگ ساچی ءَ پیش دارگ ءَ اَنت ءُ ملی پجار ءِ گھوانی ءِ ھژدری ئیں باوستے شمار بنت ۔

میارجل ءِ ھالکار گنداوگ ءِ شھرستان ءَ شتگ ءُ آئی ءِ بازار ءَ سرے جتگ ئِے ءُ چہ مردماں لوٹ اِتگ ئِے دانکہ بلوچی ءِ بتلاں کہ پیشگیں مردمانی گپ ءُ ھبرانی توک ءَ گشگ بوتگ اَنت پد ءَ گشان اِش بکن اَنت.گنداوگ ءِ مردماں ھم وڑ وڑیں پسو اِش ھست اَت لھتیناں شری ءِ سر ءَ پسو دات کت کہ بلوچانی کوھنیں پسو اِش دات کت ءُ بلے لھتینانی گور ءَ پسو نیست اَت ءُ بے برمش بوت اَنت ۔

گھتر اِنت کہ مرچی پت ءُ مات اَھدیگانی منتگیں بتلاں نوکیں پدریچ ءَ سوج بہ دے اَنت ءُ ایران ءِ اِے ٹک ءِ پجار بمان اِیت ۔