مونسون سروھداں ماں گرماگانی تہ ءَ ، بھاری موسمے ءَ بہ گوازین ات + تامر
ماں اے وھداں کہ سال ءِ گرم تریں ماہ ءَ گوازینگ ءَ ایں ، " مونسون "ءُ چھبار ءِ زر ءِ چولاں شَرّ ءُ شادابیں جاورے زرتیاب ءَ داتگ ، تو گِش ئے کہ گرماگ ءِ سروھداں ، بھاری موسمے ءَ گندگ ءُ مارگ ءَ ئے .
چہ میارجل ءِ بنجاھی ھالرسانی ءِ ھالانی رد ءَ ; " مونسون " ءِ سروھد ءَ چھبار ءِ دمگ ءَ کہ چہ زمین ءِ گوریچانی ءُ زرباری نیم ٹُکّرانی گرمی ءِ دگری ءِ ھاتر ءَ ودی بیت ، بازیں تَرّوک ءُ گردوکیں مردمانے ءِ سر ، ماں اے شھر ءُ دمگاں کپ ایت .
زر ءِ ترندیں چولانی ڈیک واری ءُ چھک ءُ چیک گوں تیاب ءِ سنگی تلار ان ءُ آھانی آپشانی ، چہ اے سروھد ءِ زیبداریں ندارگان انت .
بازے چہ تَرّوک ءُ گردوکیں مردماں ، چہ میارجل ءِ بنجاھی دیرگند ءِ دیدگانی چمشانک ءَ ، چہ وتی ھم مُلکی ءُ پجاروکیں راج ءُ مھلوک ءَ لوٹ اتگ کہ پہ " مونسون " سروھد ءِ ندارگانی چارگ ءَ ، چھبار ءِ دمگ ءَ ترّ ءُ تابے بہ کن انت ءُ چکّڑے بہ جن انت / رجانک : میرجلال
کارمرز کنوکانی هیال