لھڑاپ ءِ تہ ءَ دو آماچیں مردمانی جان رکّی ماں گنداوگ ءَ .
پت ءُ چُکّے کہ وتی پَس ءُ ھورتان ءَ چَراگ ءِ ھاتر ءَ پاسک ءِ کور ءِ ھبیلی اں برتگ ات انت رند چہ دو ادار ءِ شوھازیءَ چہ آمال ءَ گِرگ ءُ رکّینگ بوت انت
گنداوگ ءِ پرمانداری ءِ سروک ماں گپ ءُ ترانے گوں میارجل ءِ ھالکار ءَ گُوَشت : رند چہ مرچیگیں ایوار ءِ گوارگاں ماں گنداوگ ءِ سرونی آپسر اں ، یک پِت ءُ چُکّے کہ وتی پَس ءُ ھورتان ءَ پہ چَراگ ءِ ھاتر ءَ پاسَک ءِ کور ءِ کَش ءَ برتگ ات انت دو آمال آپ ءِ میانجی ءَ پَسِّتگ انت . سایگانی ءَ درّائینت کہ سُھر ماہ ( ھلال اھمر ) ، شھرداری ءُ دگہ دولتی کارگسانی ھم سنتی ءُ مردمانی واک ءُ وسانی ھمراھداری ءَ گوں ، رند چہ دو ادار ءَ ، اے دوئیں پت ءُ چک درگیجگ ءُ وتی لوگمان ءِ امباز ءَ پچّ ترّینگ بوت انت .
اے واجہ چہ مردماں لوٹ ات کہ موسم زانتی داہ ءُ بیمباھانی سر ءَ دلگوش گور بہ دے انت ءُ ماں چوشیں جاورھالاں کورانی کش ءُ کِرّانی نزّیک ءَ مہ رو انت \ رجانک : میرجلال
کارمرز کنوکانی هیال