گریکٹ لیب ءِ بنزہ ماں بلوچستان ءَ

چہ میارجل ءِ بنجاھی ھالرسانی ءِ ھالانی رد ءَ؛ کریکٹ ءِ لیب ماں بلوچستان ءَ چہ باز واھگداریں لیب ءُ گوازی ان اِنت کہ توانتگ وتی بستار ءُ جاہ ءِ سر ءَ بہ بیت ءُ بہ مان ایت . بلوچستاں درھیں تک ءُ پھناتاں ، ورنائیں گل اے لیب ءِ واھگدار ءُ لیب کنوک انت . 

" بالاد " دشتیاری ءِ تیاب دپی ءُ سیمسری دمگ ءِ یَکّے چہ کَلّگاں ، ماں شاھگانیں بلوچستان ءَ انت کہ چہ وتی واک ءُ وس ءَ توانتگ اے لیب ءُ گوازی ءِ نام ءَ بُرز ءُ بلند بہ کنت ءُ آئی ءَ زندگ بہ دار ایت .

اے کَلّگ ، ھَمُک سال ءَ کریکٹ ءِ چَکّاسانی جَلّوک ءُ واسیدار انت ، امبرانی اوں پہ روچگانی مبارکیں ماہ ءِ مزن لیکی ءِ نیمون ءَ ، اے گوازی ءِ چکّاس گوں بلوچستان ءِ کریکٹ ءِ درھیں پر نام ءُ تواریں گَلّ ءُ گروپانی بھر زورگ ءَ ، اے کلّگ ءِ تہ ءَ برجم دارگ بیت .

اے لیب ءُ گوازی ءِ چکّاسانی اُگدہ زیر ، گوں میارجل ءِ ھالکار ءَ تران کُت ءُ دَرّائینت کہ اے چکّاساں الکاپیں بستارے ءِ کَچّ ءَ ٹھینگ بنت ءُ بازیں ورنائے ھم کریکٹ ءِ واھگدار انت . ما را امیت انت کہ مُلک ءِ زمہ وار اں اوں اے لیب ءُ ورنائیں گلانی سر ءَ شَرّیں دلگوشے گُوَر بہ دے انت . 

واجہ تخت اردشیر ءَ گیش کت کہ اے چکاسانی درھیں ھرچ ءُ درچ مئے وتی سر ءَ انت ءُ ما اے پڑ ءَ شرّین دابے ءَ دیم ءَ جنزان ایں

رجانک : میرجلال