چنگال ءِ تیار کنگ ءِ وڑ ءُ پیم چہ میارجل ءِ گُشتانکانی رد ءَ + تامر

چہ میارجل ءِ بنجاھی ھالرسانی ءِ ھالانی رد ءَ ; چنگال ، بلوچ راج ءِ دبّوجی پرزونگانی سر ءَ ھستیں وردنے انت کہ چہ آپ ، آرت ، ناہ ءُ ملکی روگن ءِ ھواردگی ءَ جریدگ ءُ تیار بیت . اے ورگی ءِ ھاتر ءَ ، اول سر ءَ آرت ءَ گوں آپ ھوار ءُ تَرّ کن انت ، چہ اشانی ھمیر ءَ یک وڑیں بَور ءُ بَزّیں نگنے کہ چہ یک لنکُک ءِ زنڈی ءَ کمتر بہ بیت ( بَزَک ، سَمپَک ) نیم پچ کن انت . رند ءَ ھمے بَزَک یا کہ سمپَک ءِ نَگَن ءَ تروس انت بزاں چونڈ ءُ ٹُکُّر تُکّر کن انت ءُ یک پراہ ءُ پَتنیں درپے توک ءَ کن انت ، رند ءَ ھمے ٹکریں نگنان ءَ گوں لھمیں ناہ ءَ کہ آئی ءِ گَڈّگاں پیسر ءَ گیشّینگ ءُ در کنگ بوتگ انت کَمّ کَمّ ءَ ھوار کن انت ءُ اشان ءَ مَدار مَدار ءَ ھوری ءَ پونڈ انت داں جاھے کہ ناہ ءُ نگن الکاپی ءِ سر ءَ ھواردگ بنت . چہ اشی ءَ پد ، لھڑ داتگ ءُ سُھر کتگیں ملکی روگن ءَ پہ دل تبیں کچّے ءَ اشانی سر ءَ ریچ انت . نیں شمئے چنگال پہ ورَگ ءَ تیار انت . لھتے جاھاں چنگال ءُ گوں پستہ ءُ بادام ءِ ٹکریں مجگاں براہ دار کن انت ، البت دیرے وھد نہ انت کہ اے نوکیں زیب کاری اں ، پہ چنگال ءِ تیار کنگ ءِ وڑ ءَ گیش بوتگ انت

رجانک : میرجلال