بلوچانی بُرّبین کنوکیں بانکے پہ ڈاکٹر ءِ روچ ءِ نیمون ءَ میارجل ءِ مھمان بوت /ڈاکٹر شیرین بزرگ زادہ
پہ ڈاکٹر ءِ روچ ءِ نیمون ءَ میارجل ءِ کارگس ماں پھرہ ءَ بلوچانی بانکیں بربین کنوک ءُ چِلّگیانی ڈاکٹر ءِ واسیداربوتگ ; شیرین بزرگ زادہ گوشگ اِنت : گوں پِت ءِ مدت ءُ ربیدگ پروشیاں سوبمندیانی دروازگ پہ من پَچ بوت اَنت ءُ انیگ ءَ بلوچانی انگشت شماریں بُرّبینیں ڈاکٹرانی سْرپ ءَ شمار بیگ آں ۔
چہ میارجل ءِ ھالرسانی بنجاہ ءِ ھالانی رِد ءَ : ڈاکٹر شیرین بزرگ زادہ جنین ءُ چِلَّگیانی کارزانت گْوشگ اِنت ;ابید چہ بلوچانی جنین ءُ جنکانی دلبڈی دیگ ءَ پہ وانگ ءُ جھد ءَ ; دیم روی ءَ بس ماں ڈاکٹری ءِ رمب ءِ تہ ءَ ھوار کپگ ءِ نہ گندگاں ، ءُ اِے لِیکھوں ھست کہ چہ لوگمانانی سوب ءَ بلوچانی جنک ءُ جنیناں گْوشگ بہ بیت کہ آکادمی وانگ ءَ ءُ مزنیں زانشتی وانگجاھانی گوزگ ءَ بلوچانی چاگرد ءِ دیم رویانی راہ پچ کنگ بنت ءُ ھاسکار بلوچانی جنک ءُ جنینانی راہ ءِ پچ کنگ ءِ سوب بنت۔
آ گوشگ اِنت کہ مارا دْرُستاں ماں زندمان ءَ چِیدگے ھست اِنت ءُ پہ درور من گوں پِت ءِ مدت ءُ ربیدگ پروشیاں سوبمندیانی دروازگ پچ بوت اَنت ءُ انیگ ءَ بلوچانی انگشت شماریں بربینیں ڈاکٹرانی سرپ ءَ شمار بیگ آں ۔
کارمرز کنوکانی هیال