آیوکیں دولت بایداِنت کہ پہ بلوچی زبان ءِ وانینگ ءِ باندات ءَ گام چست بکن / من کوششت کنگ ءَ یاں کہ زال

میارجل ءِ بنجاہ ءِ ھالکاری ءِ رد ءَ  : پھرہ ءِ جھگیر ماں مجلس ءَ جست پرسی دیوانے ماں میارجل ءِ کارگس ءَ برجم دارگ بوت آئی ءَ ھالکارانی جستانی پسو ھنچو دگہ لھتیں جست کنوکانی پسو دیان ءَ گوشت : وزیر ارتباتات ءِ آیگ پہ مئی استان ءَ چہ جھگیرانی بازیں جست پرسانی پد ءَ بوتگ مھمدجواد جھرمی ماں کروناءِ روچانی تہ ءَ مئی مردماں بازیں جنجال ءُ مشکل بوتگ پہ ھمے ھاترءَ اِداں آتکگ،

ابدناسر درکشان ءَ گْوشت : روھانی ءِ دولت  بازیں کول ءُ کرار کنت اے ھم یک ھنچوشیں داتگیں کولے کہ (بُنی کار پہ پیبرنوری ءِ زمینی کنگ ءَ ءُ دامگ ءِ نزوریانی جوڑ کنگ ءَ ) ھنوں ھم ما نزان اِیں کہ اے کول داتگ اِش کہ دامگ ءِ نزوری ءَ جوڑ بکن اَنت راست اِنت یا کہ ناراست اِنت منی جرند ءَ کہ گڈی گپ ءُ ترانے گوں وزیر ارتباتات بوتگ من آئی ءَ پہ ترندی گوشت کہ چپکانی ھساب کنگ بنگیج بوتگ ءُ اردیبھشت ماہ ھلاس بیان اِنت بلے شمئی کول ءُ کرار پہ مردماں سرجم نہ بوتگ.

آئی ءَ گوشت : اے درستیں بدکولی بوتگ اَنت بلے پد ءَ ھم آئی ءَ وادہ کتگ کہ انشااللہ اے کار ھمے زوتاں سرجم بنت من چو ھم زاناں کہ اے ماہ (ھرداد ) ھم گوزاِیت ءُ انگت ءَ ھنچوشیں بازیں کلگ دگہ باز مزنیں کلگ کہ آیانی تہ ءَ چنت سد کھول ھست اِنت دامگ ءِ نزوری ءِ مشکل اِش ھست اِنت.

اے مجلس ءِ جھگیر ماں یازدھمی دورہ ءَ پہ بلوچی زبان ءِ رجانکار ءِ جست ءِ پسو ءِ پد ءَ گوشت ئِے : من اِشی ءَ پہ شری زاناں کہ پہ یک شھرے ءِ دیمروی ءُ آبادانی ءِ ھاترءَ آ شھر ءِ دود ءُ رسم ءُ جرندپجاری ھژدری اِنت پہ دیمترءِ روگ ءَ ءُ پہ برزتریں جاھانی رسگ ءَ بایداِنت کہ وتی جرندپجاری ءَ بزان اِیں ءُ بسمبال اِیں ھمے وت پجاری ءِ زانگ پہ شھر ءَ ءُ پہ شھر ءِ دود ءُ ربیدگ ءَ سک باز ھژدری اِنت اگاں ما وتی ماتیں زبان بلوچی ءَ ھبر کت مکن اِیں ءُ نبشت ءُ ونت کت مکن اِیں گڑا ما بے سواد زانگ بئیں ملک ءِ بُنرھبند 15 مادہ ءَ ماتی زبانانی وانگ ءُ زانگ ءِ باروءَ چاربیچار بیتگ.

مارا ھمے امیت اِنت کہ ھما دوستاں کہ بلوچی زبان ءِ سرءَ کار کنگ ءَ اَنت ءُ بلوچی زبان ءَ پہ شری ءَ زان اَنت پہ اے زبان ءِ وانگ ءُ نبیسگ ءِ باندات ءَ ھم کار بکن اَنت داں کہ دیمترءَ انشااللہ ما اے جنجال ءَ گیش گیوار بکن اِیں مئی گور ءَ باز لیسانس ءَ سَر ءُ دکتر ھست اِنت بلے وتی جرند ءِ زبان ءَ ھبر کت نہ کن اَنت.

آیوکیں دولت ھم بایداِنت کہ بُنرھبند ءِ اسل 15 ءِ سر ءَ کار بکنت ءُ اے بُنگپ کہ مئی مردمانی ھک اِنت ما چہ اے بنگپ ءَ نادلگوش نہ بئیں درکشان ءَ تران کنان ءَ گوشت : من ماں بازیں مزن شھدربرجاھاں اے بنگپ کتہ کاری کتگ کہ مئی چُک گوں دو زبان ءَ ماں اے دنیاءَ پیداگ بنت بلوچی زبان ءَ وت زان اَنت بلے وھدے کہ پہ وانگ ءَ رواَنت گڑا پارسی زبان ءَ ھم ھیل کن اَنت مئی چکاں چہ ھما ھُردی ءَ لج کن اَبت کہ وت ءَ زبان اِش ھست اِنت پہ واری پارسی زبان ءَ ھیل کن اَنت چوں کہ دگہ نوکیں زبانے ھیل اِش کتگ ھمے ھاتر ءَ مئی وانوکیں چک لجو بئے اَنت دیمترءَ پہ ھر چیزے ءِ ھیل کنگ ءَ مشکل اِش بیت  من امیتواراں کہ اے مزنیں جنجال گوں شمئی ھمراھی ءَ (میارجل ھالکاری بُنجاہ )ءُ گوں دولت ءُ مردمانی ھمراھداری ءَ گیش گیوار بہ بیت.

دیمترءَ آئی ءَ یک جستے ءِ پسو دیان ءَ پہ بلوچیں جھگیرانی کار ءُ کوششتانی باروءَ گوشت : ھکیکت ءَ من یک ھمراھی یے بلوچیں جھگیر ءُ استان ءِ اے دگہ جھگیرانی درمیان ءَ گندگاں اے ھمدلی باز شر اِنت پہ درور اے ھمراھی ءُ ھمدلی ماں بودجہ ءِ باندات ءَ پہ شری من دیستگ چو کہ اگاں استان ءِ زرباری جھگیر ءُ استان ءِ گوریچانی دمگانی جھگیرانی درمیان ءَ مہ بوتین گڑا آ سے ھزار میلیاردے کہ دولت ءَ پہ مجلس ءَ داتگ اَت مروچی پہ دوازدہ ھزار میلیارد ءَ نہ رس اِتگ اَت ۔

استان ءِ جھگیرانی گل ءِ باسک ءَ گوشت : گچینکاری ءِ باندات ءَ ما دولت ءِ گچین بوتگیں نہ اِیں بلکیں ما مردمانی گچین بوتگین اِیں اے ھبر کہ مروچی ما بگوش اِیں کہ ما گوں یک نام گپتے ءَ ھمراھداری کن اِیں اے گپ مئی درمیان ءَ نہ بیتگ اَنت گچینکاری ءَ چوں کہ ما دولت ءِ گچین بوتگیں نہ ایں ءُ مردمانی گچین ایں چو کہ من بگوشاں کہ ما درست گوں یک نام گپتے ءَ ھمراھداری بکن اِیں چوشیں گپے نہ بوتگ بلے گوشگ نہ لوٹ اِیت ھما چیز کہ زاھراِنت. بزاں ما ھمکاری کن اِیں کسے کہ مجلس ءِ نائب پاگواجہ ءِ دروشم ءَ پہ شری زاھر بوتگ ھنچو واجہ رئیسی ءَ باز شریں کار کتگ ۔

 آئی ءَ گوشت : ما چہ مردماں ھمے لوٹ اِیں ءُ پہ دل ستک لوٹ اِیں کہ گچینکاری ءَ بھر بزور اَنت مردم چو بزان اَنت کہ مئی باندات مئی وتی دست ءَ اِنت ما اے ھبر ءَ ھم پہ شری زان اِیں کہ مروچی مردم چہ مروچیگیں جاورءَ ناراز اَنت اگاں ما لوٹ اِیں کہ اے جاور ءَ بدل بکن اِیں ءُ گھتریں بانداتے ءِ واھند بہ بئیں اِشی راہ ھمے گچینکاری اِنت نہ یکیں ماں مئی کشور ءَ بلکیں درستیں ملکاں گچینکاری شرتریں بانداتے پہ مارا آرت کت کنت پہ بدل بیگ ءَ ھمے راہ گھتریں راہ اِنت اگاں مئی مردم چہ مروچیگیں جاور ءَ رازی نہ اَنت ءُ لوٹ اَنت کہ بدلی یے بیاراَنت گڑا بایداِنت کہ گچینکاری ءَ بھر بزیراَنت ۔

پھرہ ءِ جھگیر ءَ دیمتر ءَ گْوشت :ھما مردم کہ مزنیں پگرانی واھنداَنت ءُ ھما مردم کہ ساچشت جوڑ کن اَنت ءُ زانشت ءَ دیم ءَ تراَنت چوشیں مھلوک ھنچو کہ پیسر ءَ زانگ بوتگ اَنت مروچی ھم اے مھلوک ءُ اے ملت ماں زانشت ءُ تکنولوژی پڑ ءَ دیم ءَ روان بہ بنت اے کار ھما وھدی بیت کنت کہ مئی مردماں زانتکاریں کماش ءُ سرپدیں رھشون بہ بیت ما کس ءَ میل اِیں کہ پہ مئی بلوچستان ءِ باندات ءَ مئی جنجالےءَ گیش گیوار بکن اَنت.

دیمترءَ آئی ءَ پنوچ ءِ شھدگ ءِ بارو ءَ کہ کارئِے پہ شری دیم ءَ نہ شتگ تران کنان ءَ گوشت : ھکیکت ءَ اے مزن راہ ءَ پہ مئی مردماں یک مزنیں بستارے ھست اے وھدی 15  سال اِنت کہ کار بیگ ءَ اِنت بلے داں اے وھدی چوشیں دیمروی یے ما گندگ ءَ نہ اِیں بلے  ماں سال 1400 ءَ بازیں گپ ءُ ترانے اے باروءَ بیت ءُ مجلس ءَ ھم یک شریں بودجہے پہ اے استان ءِ راھاں داتگ بلے انگت ھاسیں کارے دیم ءَ نیاتکگ من امیت کناں کہ جھد گیش بہ بنت ءُ پنوچ ءِ مردم چہ ھمے راہ ءَ کہ 30 کیلومتر اِنت روان بہ بنت ۔

درکشان ءَ جستے ءِ پسو زالبولانی باروءَ کہ میارجل ءِ ھالکار ءَ کت بزاں زالبولانی دیمروی ماں وتی چاگرد ءَ گوشت :من اے دگری ءُ جھل برزی ءَ باور نہ کناں مروچی چی بیتگ اَت کہ اگاں ھمے جست چہ من ءَ یک مردین ھالکارے ءَ بہ کتیں جنین مئی مات مئی گوھار ءُ مئی زال بیت کن اَنت مروچی اگاں یک ملکے ءِ دیمروی ءَ ھیرت چاری بکن اَنت ھمے گندگ بیت کہ زالبولانی جد جھد پررنگ اِنت آ ملک ءِ تہ ءَ یا مئی چاگرد ءِ تہ ءَ زالبول ھمراہ مہ بنت ءُ کار مکن اَنت گڑا مئی چاگرد چو کہ یک بالی مُرگے ءَ بیت کہ گوں یک بالے ءَ بال کنگ ءَ اِنت ۔

دیمترءَ آئی ءَ گوشت :منی جرند ءِ جھد ءُ کوششت ھمے بیتگ کہ زالبولانی یک زانتکاریں ٹکے وتی کارگس ءِ تہ ءَ جوڑ بکناں داں کہ مئی چاگردبءِ جنجالاں دیم ءَ بیار اَنت ءُ گوں من بگوش اَنت بلے من چو نزاناں کہ پرچہ مردین نیا اَنت ءُ زالبولانی جنجالاں گوں مارا نہ گوش اَنت یکیں جنین کاینت ءُ وتی جنجالاں وت گوں مارا گوش اَنت من لوٹ آں کہ مردین ھم بیا اَنت اے مشکل ءُ جنجالاں گوں مارا بگوش اَنت بچاراِت دو جنین شھردار منی گچینکاری ءِ ھند ءُ دمگ ءَ ھست اِنت جنین بکشدار ھم ھست اِنت منی کوششت اِیش اِنت کہ زالبول چو کہ مردیناں شریں کار پہ وتی چاگرد ءَ بکن اَنت ءُ اگاں مروچی جنین ڈالچار بیتگ اَنت اے کار مئی چاگرد ءِ مردواجھی ءِ برورداِنت انشااللہ اے باندات ءَ آیانی نگاہ شرتر بیان بہ بیت.

 درکشان ءَ پد ءَ جستے ءِ پسو میارجل دودمان ءِ بارو ءَ گوشت :مئی رھبر ءِ گوشگ ءِ پد ءَ دودمان پہ چاگرد ءَ چو کہ اکسیژن ءِ گوات ءَ اِنت وھدے کہ ما دودمان ءِ بارو ءَ گپ کن اِیں گڑا لبزانک زیمل سینما ءُ زبان کومی بستار ، اے درست دودمان اَنت اے درست باید اِنت کہ گندگ بہ بنت ما دودمان ءِ باندات ءَ بلوچی گُد ءُ پُچاں دودمان زان اِیں اے ھم سک شراِنت بلے اے دگہ پڑاں ھم باید اِنت کہ ھنچوش بہ بیت ۔

آئی ءَ گوشت : یازدھمی مجلس ھمدپ بیت گوں کرونا ءَ اِشی ءَ درستیں ملک بے ڈول کتگ اِت اَنت ءُ مئی دولت ھم ھنچوش اَت ما گوں ھرکس ءَ کہ لوٹ اِت استان ءِ مشکلانی بارو ءَ گند ءُ نندے بکن اِیں ھمے کرونا ءِ نیمون دیم ءَ اتک آ وشی ءُ شور ءُ شوک کہ مجلس ءَ بنگیجی روچاں ھست اَت کرونا ءَ چہ مارا پچ گپت اَنت ھمے درگت ءَ ھم بلے ما بیکار نہ نشت اِیں گوں اے دگہ استانانی ورنائیں جھگیراں گند نند کت ھمے گپ تران بیت کہ ما بلوچستان ءِ توار ءَ پہ سرجمیں ایران ءَ بہ رسان اِیں ماں درستیں دیواناں ما اے گپ کت اَنت ءُ استان ءِ مردمانی بزگی پدمنتگی جار جت بازیں دگہ جاھانی جھگیر پہ مئی استان ءَ آتک اَنت چہ مجلس ءِ پاگواجہ ءَ بگر داں کہ نائب ءُ دگہ دگہ جھگیر پہ مئی استان ءِ چارگ ءَ آتک اَنت ۔

درکشان ءَ گڈسر ءَ درور دیان ءَ گوشت :پہ آپ ءِ مشکل ءُ جنجال ءِ ھاتر ءَ من ءُ مئین الدین سئیدی ماں درستیں دیواناں پریاد کتگ مئی وش بھتی اِنت کہ پہ استان ءِ زرباری ھند ءُ دمگاں 1156میلیارد دیگ بوتگ 700میلیارد پہ چھبار ءُ ایرانشھر ءَ ءُ سیمسرانی باندات ءَ بازیں گپ ءُ ترانے دیم ءَ آتکگ ما بازیں کاگد ءُ کراچ کتگ ،زریپ ھما سپر ءِ کہ پاکستان ءَ شتگ اَت چہ وزارت ھارجہ ءَ پیشن ءِ سیمسر ءِ رزامندی گپت ءُ لوٹ اِت اِش کہ اے سیمسر ءَ پچ بکن اَنت ھمے یک شریں کارے بیت کہ پیشن ءِ سیمسر ءِ کار بنگیج کت ۔

رجانک : ملا چمل