اَپتر ءِ زھگانی زبان ءِ جُنز ءَ بلوچی ءِ آب وانینگ بوت اَنت /بلوچستان ءِ تِپاکیں بانکانی واسیداری م

چہ میارجل ءِ ھالرسانی بنجاہ ءِ ھالانی رِد ءَ : بانک زرگل بلوچ بلوچستان ءِ تِپاکیں بانکانی ھم سنتیں باسکے کہ جُنز ءِ زھگانی بھر ءِ زانشتی استاد ھم گِچین کنگ بوتگ ءُ زھگانی بنداتی گام ھم ھمے روچ ءَ چِست کنگ بوت ءُ اِے روچ ءَ اَپتر ءِ دھیار ءَ ھم کول ءُ کرار کت کہ من کتابجاہ ءِ سرجمیں چُکاں سیدھاشمی ءِ کتاب بلوچی بنگیجی ءِ پتوکپی ءَ گِران ءُ دیاں ، ءُ دیم پہ زھگاں کُت ءُ گوشت ئِے :"دگبرے اگاں پہ من نمدی نبیس اِت ماں بلوچی زبان ءَ بہ نبیس اِت"
پیشگیں کلاس کہ واجہ میرجان میر سال (98 ھ۔ش) ءَ یک ھپتگی دورھے ماں اِے کتابجاہ ءَ گوں زرگل بلوچ ءِ مدت ءَ برجم داشتگ اَت بازیں کسے ءَ بلوچی زبان ءِ وانگ ءُ نبیسگ دربرتگ کہ لھتینانی نام چُش اَنت : بانک زرگل بلوچ ، مریم پورانوش ، مریم یادگاری ، سمیہ دستیار ، ٹیٹل بلوچ ءُ چہ واجھاں مھمد پورانوش ، منوچھر بارکزھی ، مھمد بیجارزھی ءَ ھم بھر زرتگ اَت ۔