اِے جاورانی توک ءَ ڈیزل کشی باپاری اِنت / اِے کار ءُ دَندہ ءِ سرجمیں ھُنڈال پہ نیزگاری ءَ سر بنت
میارجل ءِ رسانکدر ءِ بُنجاھی ھال : بنداتی زھر ءُ مارشتانی اِیر مادی ماں شستون ءِ سیمسر ءِ ڈیزل کشانی ویل ءِ میارجل ءِ رسانکدر ءِ بنجاھی ھال ءَ جھد کتگ کہ وتی تر ءُ مانتریں ھال گریانی توک ءَ اِے پیش آتک ءِ سرجمیں تک ءُ پھناتاں چہ کارندھانی زبان ءَ بہ پریچائین اِیت۔
امان اللہ تمندہ رو کہ دود ءُ ربیدگی کارندہ ءُ جھدکارے شمار کنگ بیت ماں وتی ھاسیں نبشتانک ءِتوک ءَ کہ پہ میارجل ءِ رسانکدر ءِ بنجاھی ھال ءِ واست ءَ روان ئِے کتگ ، نبشتگ ئِے : " استان ءِ ڈیزل کشی ءِ سرجمیں آگنڈ کہ پہ نیزگاری ءَ سَر بنت ، سیمسر نندانی نیزگاری ءُ دولت ءِ کار ءُ باپاری پچ نہ کنگ ماں اِے ملک ءَ یک دابے اَنت کہ گوش ئے زاناں اِے مردم سرجم ءَ شموشگ بوتگ اَنت ۔
پہ درور کوھک ءِ سیمسر ءَ ھچ وڑے راھے پہ دیمروی ءِ واست ءَ پچ کنگ نہ بوتگ کہ دیم پہ دیمروی ءَ بہ بیت ءُ اے گپ ءَ من پمیشکا کنگ آں کہ من وت اود ءَ چہ نزیک ءَ دیستگ : یک بارگے دگے ھست اِنت ئِےکہ مزنین گاڑی چہ اود ءَ گوزگ اَنت ھم ھچ بھر ءُ بُنجگے ھم مردم ءَ نہ رسگ اِنت بزانکہ اود ءِ سرجمیں مالیات ھم دگہ جاھے ھَرچ بیگ اَنت گڑا گڈی آسرال اِے مردمانی ھمیش اِنت کہ ڈیزل کشی بہ کن اَنت ۔
منی وتی جند پہ اِے وڑیں کار ءَ دوست نہ دار اِیت پرچا کہ مردم ءُ دگاں تُرس ءِ آماچ کن اَنت بلے رند چہ ریشگانی شوھاز ءَ باید چش بہ گوش اِیں کہ اِے وڑیں سرجمیں مشکل ءُ نگیگی چہ دولت ءِ کم کاری ءِ نیمگ ءَ اَنت ءُ ایران ءِ اسلامی جنز ءَ پیش ھم انچیں مشکل ءُ نگیگی بوتگ (پہ ایشی ءَ کہ بازیں دیریں پَند ءُ راہ اِے استان ءِ گوں بنجاہ اِنت ،اشارہ کت ئِے ) ءُ انی دولت یک وڑے باید اِے کم کاریاں پورو ءُ پُر بہ کنت ءُ راہ ءُ درے باید پچ کنگ بہ بیت ءُ اولی کارے کہ باید بہ بیت اِیش اِنت کہ گوں اِے ڈیزل کشانی گوما چتو رپتار بہ کن انت پہ درور ھمے انیگیں تیرگواری کہ نباید کنگ بہ بیتیں آ ھم وھدے کہ ھچ کس چہ اِے گاڑی والایاں کہ سلاہ بند نہ اَنت ،پُلیس نہ باید ھچ وڑ ءَ گوں بے سلاھیں مردماں گوں چُش رپتار بہ کنت ءُ ایشانی سر ءَ تپنگ ءُ سلاہ بہ کش اِیت پہ درور من وت ھِند ءَ بوتگاں دیستگ کہ اود ءِ پلیس ءَ بس یک لَٹُکے گون اِنت ءُ گوں ھمے لٹک ءَ گوں بے سلاھیں مردماں گوں رپتار کن انت گڑا مرز ءِ گور ءِ پیش آمد کہ یک زنڈیں ردی یے اَت کہ اود ءِ زِمّہ واراں انجام داتگ۔
ڈیزل کشی ماں اے جاوراں باپاری اِنت
گوں اے گپاں اولیگیں نگیگی اِیش اِنت کہ گوں بے سلاھیں ڈیزل کشاں پہ ھر جرمے کہ بیتگ ،ترندیں رپتار گوں اِشاں بیتگ ءُ کسے منکر رپتار گوں کاچاک ءَ نہ اِنت بلے باید بچار اِت کہ ڈیزل کشی تہ اے پابندیں جاوراں کاچاک ھساب نہ بیت ءُایشی انچش گیر رسمی باپاری اِنت ھالانکہ اگاں دولت ءَ وت کُتیں نام ئِے باپاری اَت بلے انیگ ھمیشکا مردم کن اَنت کاچاک بیت اِنت،ھمے سیاستاں (یک بوم ءُ دو ھوا ) تہ اے جریان ءَ پہ شَری رپتار مہ بیت ءُ یک دو دستگی یے تہ آئی ءَ اَڈ بہ بیت ، ڈیزل کشی یک بُن چمگے پہ اِے مردمان اِنت ءُ اے کانود کہ سپاہ ءُ ملک ءِ وزارت ءَ کُتگ( رزاگ ءِ نام ) اگاں پہ شری کنگ بہ بیت ءُ سیت ءُ پایدوھے پہ ھاسیں مردمانی کیسگ ءَ مہ روت،شریں رھبندے پہ روزگار ءَ بلے پہ اے شرت ءَ کہ دگ ءُ راھاں ھالیگ بہ کن اَنت پہ درور دز آپ ءُ استان ءِ توک راھاں رو ءُ آ مہ کن اَنت ءُ انیگ استان ءِ گیشتر جادھاں پُر بیتگ اَنت چہ ڈیزل کشانی رو ءُ آ ءَ ۔
("روزیگ (طرح رزاق) ءِ کانود یک دوایے)
اے رھبند (طرح رزاق) شریں کارے پہ شَرت ایشی کہ پہ شری اَڈ بہ بیت;گھتریں راہ ایش اِنت کہ ڈیزل کشی وزارت نپت ھمے سوکت ءَ مرزی شھرانی نزیک ءَ بیار اِیت ءُ ھما مردماں کہ ڈیزل کش اَنت،مرز ءِ نندوک اَنت ءُ ھتی ھر کسے ماں اے استان ءَ لوٹ اِیت کار بہ کنت پرچا کہ آکشتری جاور رند چہ بیست کیلومتر چہ مرز ءَ ءُ گوں نزیک مرز ءَ باز پرک نہ کنت ڈیزل ءَ تھبیل بدئینت ءُ اے کساں کہ ڈیزل ءَ پہ آسانی بر اَنت آ کنک مرز ءَ بھا اِش بہ کن اَنت ءُ گوں اے ترسناکیں گاڑیاں سرجمیں جادوھاں ءُ آیانی کش ءُ گور ءِ جادواں اشکال بہ کن اَنت ءُ اِے میانجی ءَ سیت ھم دولت ءِ گوالگ ءَ بہ رو اَنت شر اِنت کہ ھمے زراں ھمے ملک ءِ کمیانی ءُ مردمانی واست ءَ ھرچ بہ کن اَنت پہ درور وانگجاہ
ءُ راہ اَڈ بہ کن اَنت شپ ءُ روچی وانگجاہ اَڈ بہ کن اِت کہ چکاں بہ توان اَنت اِداں پہ شری شریں آموزش بہ گند اَنت ءُ ورد ءُ وراک اِش پہ شری بہ بیت دانکہ بہ توان اَنت شھدربرجاہ ءَ برو اَنت ءُ رند چہ ھلاس بیگ ءَ پہ وت ءَ شریں کار اِش بہ بیت ءُ چہ یک کنکے اے کار ھم مجتی نہ اِنت گُڑا کم کم پہ اے ھیال ءَ بہ بئیں کہ مردمانی واست ءَ مجتی کار ءُ روزگار ءِ جوڑ کنگ ءَ گامگیج بہ زور اِیں ءُ اِے ھیال ءَ بہ دار اِیں
اے رزاک ءِ کانود یک دوایےءُ باندات روچ اگاں پاکستان مرز ءَ بہ بند اِیت ءُ بگوش اِیت ڈیزل نہ لوٹ اِیت گُڑا آ وھد چی بہ کن ایں،باید دائمی کار آ آبریچ ءِ جاوراں ھیال داری کنگ بہ بیت ءُ سپاہ ھم توانت تھ آ جاگھ ءَ لھتیں ھردیں کارگس (شرکت ءُ کارخانہ) اَڈ بہ کنت ءُ رند ءَ آیانی سیت ءُ برورداں باپاری بہ کنت،توانت اِنت تہ ھر جاگھ کہ مردم اِش باز اَنت ءُ اے کاراں بہ کنت اِنت دانکہ جواناں ھم کار ءَ دلگوش بہ بنت ، دگہ گپے ایشی کہ سرداری بزانکہ سردستی ءُ داردستی ءِ جوڑ کنگ ھم ھرابے کار اِنت،بلے روشن پگریں بلوچ اِے بارو ءَ کبول نہ کن اَنت کہ لھتیں مردم کہ دلال ءِ پنام دیگ بنت مردم ءُ ھکومت ءِ توک ءَ ایر کنگ بہ بنت سردستاں ءُ دار دستاں ھما مردم اَنت کہ گوں دولتیاں ءُ سپاھیگاں شریں رو ءُ آ اِش ھست اِنت ءُ چہ کنکے ھم بلوچستان ءِ مردم چہ آیاں پہ کارانے کہ کن اَنت ھساب بر اَنت ءُ ھر چیزے کہ گوش اَنت لَس مھلوک سردارانی پرمان ءَ بیت اِنت;دولت ءُ سپاھیگ چہ بازیں مشکل ءُنگیگیانی ھلاس بیگ ءَ تہ بلوچستان چہ چشیں کساں کارمرد کن اَنت بلے چشیں مردم اے بارو ءَ ھم لھتیں سیت ھم کن اَنت )اِشاں ھم وتی نوکر اِش ھم ھست اِنت ءُ اے کاراں ھم ھچ دلگوش نہ دے اَنت ءُ من زاناں ھم مردم ھم اے بن گپ ءَ کبول نہ کن اَنت ءُ ایشی ھم گَلّانی ءُ نھادانی دروشم ءَ ھم ھراب کنت،بلکیں باید دولت،نھاد ءُ ارگاناں چہ ھما سرداراں کہ مردمانی گور ءَ جاگاہ اِش ھست ھمراہ بہ کن اَنت )مردم ھست اَنت چاگرد ءَ جاگہ ءُ مردم اِش ھست اِنت ھمراھداری اِش بہ کن اَنت بزانکہ کسانے کہ چاگردی ءُ مردمی جاگاہ اش ھست اِنت۔
سوکت ءِ کاچاک ءِ ماپیایاں جَم کَن اِت
دگہ گپے چش اِنت ماں جادھاں کانودے آرگ بہ بیت کہ گوں ھر کسے کہ گاڑی ئِے نہ وش اِنت یا پلاک ءِ نمبر ئِے وانگ نہ بیگ اَنت ءُ جادہ ءِ امنیت ءَ پچ گر اِیت ایشاں گوں انچش شریں وڑے ءَ پِیش بیاینت چشیں گاڑی گوں تیزیں رواجے ءَ روگ اَنت ءُ بے وڑیں سبگت گر اَنت کہ مردمانی جان ءَ ھترہ ءَ توک ءَ چگل دے اَنت ءُ آ ماپیا ءُ میلیاردریں سروکاں کہ کاچاکچی ءُ ڈیزل کشی کن اَنت ھم پجار اِش بہ کن اَنت پہ راھے ھم آیانی دیم ءَ بگر اَنت ، ءُ الکی گیشتریں کساں ھم امتیاز مہ دئینت،پرچا کہ چشیں کار دولت ءِ دروشم ءَ تہ چاگرد ءِ پگر ءَ ھراب کنت اِنت ءُ گڑا چہ چشیں مردماں کمکے مالیات گرگ بہ بیت دانکہ پہ آبریچ ءِ آرامش ءُ آباداتی ءَ چہ اے در آمداں مالیاتُکے ھرچ بہ بیت۔
رَجانک : مھرنگ بلوچ
کارمرز کنوکانی هیال