پھرہ ءِ "علوم پزشکی شھدربرجاہ ءَ، 14 بھداشتی کاروائیاں پہ سوبمندی ءِ دیمدرائی کنگ ءَ تیار ءُ جریدگ بوت

چہ میارجل ءِ بنجاھی ھالرسانی ءِ ھالانی رد ءَ; واجہ سلیم کدخدا، پھرہ ءِ "علوم پزشکی" شھدربرجاہ ءِ سوب مندی ءِ دیمدرائیانی نیاد ءِ رد ءَ گوشت: اے کاروائیاں، شھدربرجاہ ءِ وڑوڑیں تک ءُ پھناتانی چپ ءُ چاگرد ءَ انت ءُ پہ سلامت ءِ ھزمتگاریانی پڑ ءَ بازیں کارپدے ءِ درانگاز کنوک انت. اے واجہ گوں سلامت ءُ جاندراھی ءِ پڑ ءِ کاروائیانی اشارت ءَ ماں دولت ءِ ھپتگ ءَ گوشت: پھرہ ءِ سُچگی تپاکانی درمانی بنجاہ،:چہ یک تیوکیں درمانجاہ، اوژانس ءُ دل ءُ گوٹگی نادرھیانی ھون پالائی، (مرکز دیالیز) ءِ بنجاھاں دیمدرائی ءِ جریدگی ءِ ٹوہ تریں کاروائیان انت. پھرہ ءِ دمگدار انچوش، "پزشکی و پیراپزشکی" ءِ 2 دربرجاھی وابجاھاں کہ دیم درائی ءِ تیار ءُ جریدگ انت گپ کت، چدو گیش، دگہ 14 بھداشتی ءُ درمانی کاروائی، پھرہ ءِ "علوم پزشکی" شھدربرجاہ ءِ وڑوڑیں تک ءُ پھناتاں، دیمدرائی بیت. واجہ کدخدا گوں سُچگی تپاکانی بنجاہ ءِ چیرساچیں زلورت مندیں آسراتیانی پورہ کنگ ءِ کڈنی ءَ، اے بنجاہ ءِ ھنکین کنگ ءُ ھاسکاریں سامانانی جھمنند کنگ ءِ لوٹوک بوت اے واجہ انچوش ، کارکنوکیں کارگسانی ھمسنتی ءُ ھمراھداری ءِ بارو ءَ پہ کار ءُ بارانی دیمدرائی ءِ مراگشاں کڈن کت. پھرہ ءِ دمگدار وتی گپانی زندگیری ءَ،:540 تھتیں نادزاھجاہ ءِ پورہ کنگ ءَ را اوں دمگ ءِ یکے چہ ھژدریں کاراں گوشت کہ جزم ءِ سر ءَ رندگیری بیگ انت.