زراباد دمگ ءِ پردیس شھدربرجاہ ءِ ۴۰ وانوک ءُ دربروکانی مونجائی

چہ میارجل ءِ بنجاھی ھالرسانی ءِ ھالانی رد ءَ : زراباد دمگ ءِ پردیس شھدربرجاہ ءِ ، گیش چہ ۴۰ وانوک ءُ دربروک کہ باید انت وتی چکاس ءَ ماں یک کَش ءُ گُوَری شھر ءُ دمگے ءَ بہ دات ایں پہ چھبار ءِ آزات شھدربرجاہ ءِ زمہ ءِ سر ءَ ، انچوش کہ پیسری نوبت ءُ باریگ ءَ پہ چکاس ءِ دیگ ءِ ھاتر ءَ ماں زراباد ءِ دمگ ءَ تیار ءُ منوگر انت . واجہ کوروش محمدی زراباد دمگ ءِ سیاسی سرکماش ءُ پرماندار گوش ایت کہ ; زراباد ءِ پردیس شھدربرجاہ ءِ تہ ءَ ، اول سر ءَ گیش چہ ۲۰۰ وانوک ءُ دربروک وانگ ءُ دربرگ ءِ گلائیش ات انت بلے چہ چھبار ءِ آزات شھدربرجاہ ءِ کولہ رَوَگ ءِ ھاتر ءَ ، اشانی گیشتریں بھرے چہ وتی وانگ ءَ دست کشّ ات ءُ بازے اوں پہ اے کار ءِ ھاتر ءَ جاشک ءِ ازات شھدربرجاہ ءِ نیمگ ءَ شُت انت . اے واجہ انچوش گُوَشت کہ چھبار ءِ شھدربرجاہ ءِ کماش ءُ مستران ءَ وتی زمہ ءَ زراباد ءِ وانوک ءُ دربروکانی دیم ءَ زورگی انت / رجانک : میرجلال