ُسومی بھر : کلّگے گوں ورگی آپ ءِ جنجٹ ءَ ، ایران ءِ دیمروی ءِ روچ دراتکی دروازگ ءِ بناگوش

چہ میارجل بنجاھی ھالرسانی ءِ ھالانی رد ءَ ; اے دومی رَند انت کہ چہ " کلّگ ; بلوچستان ، بَزّگی ءُ زبھری " مراگش ءِ نیمگ ءَ پہ پدگیری ءِ ھاتر ءَ ، ماں رمین ءِ کَلّگ ءَ کہ چھبار ءِ کَش ءُ بناگوش انت سرے جتگ ءُ پَدّر کتگ کہ اد ءِ مردم پہ وتی وَرَگی آپ ءِ شوھازگ ءُ ملک ءِ سِلّیں آپانی گُوَم ءُ گیگ دیگ ءَ بازیں شِلگرھانی سردچار انت ءُ بازیں وھدے انت کہ پہ اے کار ءِ گیش ءُ گیوار کنگ ءَ سرمایہ ءُ بُنمالے ءِ درگیجگ ءِ ھاتر ءَ چہ ھلاکہ ءِ زمہ وارانی نیمگ ءَ ، آھانی جھدانی رھچار انت . انّی ءَ ماں چوشیں جاورھالے کہ اے ملک ءِ ورگی آپ ءِ کار ءُ باراں برجم بیگ انت ھمے زلورت انت کہ بلوچستان ءِ ورگی آپ ءِ کارگس ءِ زمہ واران ءَ گیشتریں سرمایہ ءُ بُنمالے پہ اے کار ءِ ھاتر ءَ شوھاز کنگ لوٹ ایت دانکہ اے جنجٹ ءُ نگیگی زوتاں چہ زوت ، چہ ھلاکہ ءِ راج ءُ مردم ءَ دیم ءَ زورگ بہ بیت / رجانک میرجلال