سال ۱۴۰۱ ءِ مھرجان ماہ ءِ پانزھمی روچ ، بلوج راچدپتر ءِ تہ ءَ پرچا مانگی بوت ؟

چہ میارجل ءِ بنجاھی ھالرسانی ءِ ھالانی رد ءَ ; سال ۱۴۰۱ ءِ مھرجان ءِ ماہ ءِ پانزھمی روچ ءِ آدینگ ءِ نماز ءِ مراگش ، چہ لھتے چمشانکانی رد ءَ باز ماناک تر ءُ آ دگہ آدینگانی نماز ءِ چکاسگ ءِ ھساب ءَ مانگی تِر اِنت . اے روچ ءِ تہ ءَ دو اَلَّمیں تپاک چہ بلوچ راج ءِ نماز کنوکانی نیمگ ءَ زاھر بوت کہ ایران ءِ راجدپتر ءِ تہ ءَ ھم بے دَروَرَ اَنت .
پہ بلوچ راج ءِ سرپدی دیگ ءِ ھاتر ءَ ماں دُزّاپ ، اے گپ ءَ گُوَشگ لوٹ ایت کہ آھاں ماں انچوشیں جاورھالے ءَ دزاپ ءِ آدینگ ءِ نماز ءَ شت انت کہ گوستگیں آدینگ ءِ ( نا وشّیں تپاکانی ) چم دیست ءُ گوھدار بوتگ ات انت ، نوں جُست اِش انت کہ گوستگیں آدینگ ءَ چے گوَست ءُ چے بوت کہ اگاں چہ آ روچ ءِ نماز ءِ جنجٹ ءُ شِلگِرَھاں ھم سر گوز کنگ بہ بیت پدا ھم گوستگیں آدینگ ءِ نماز ءِ مراگش ھاسیں دروشمے ءَ گیش ءُ گیوار کنگ بیت .
اے روچ ءِ بارو ءَ بے شک اولسر ءَ اے گپ زاھر ءُ پَدّر بیت کہ درھیں بلوچستان ءِ آدینگ ءِ نمازانی تہ ءَ ھاسکار ماں دزاپ ءَ ، نماز پہ آرامیں وڑ ءُ دابے ءَ برجم دارگ بوت ، دزاپ ءِ پیس نماز ءِ گپّاں ، ٹِکّ ءُ پدر ءَ ، ھورگوں بے اِلگِشی ءُ پاد مٹّی ءَ جَنَگ بوت انت ، اے گپان ءِ تہ ءَ نیکہ جیڑہ ءُ جنجال ات ءُ نیکہ گپّ چہ کانود ءُ رھبند ءَ در ءَ ات انت ، سوگواریں اُلُس ھم پیش نماز ءِ گپّان ءَ گوش داشت  انت ءُ آھانی سر ءَ منوگر بوت انت . 
چہ پیس نماز ءِ گپانی اولی کلو  زاھر ات کہ بلوچ راج ھما راج انت کہ امن ءُ امان ءِ لوٹوک انت ، منانک چہ اے گیشتر کہ الس ءِ اینچوک مردمانی ھور ءُ ھمراھی ءَ ھم ، درھیں بلوچستان ءِ آدینگ ءِ نماز ، آرام ءُ بے جنجال ات .
گوستگیں آدینگ ءِ نماز زاناں پدّر نہ کت کہ بلوچ استمان ءُ راج مردم ، ملک ءِ امن ءُ امان ءِ پڑ ءَ وپادار تریں مردمان انت ءُ اے راہ ءِ تہ ءَ چہ وتی سوگ ءِ دارگ ءَ ھم سر گوست انت ؟ گُڑا جُست اِش انت کہ چوشیں راج ءِ مردمانے ءَ " گروھکی " ءُ نا امن کنوکیں مردم زانگ ، ٹانی سر ءَ جور ءُ زیادھی نہ بوتگ ءُ نہ انت ؟ 
دومی گپ گپ ھم اش انت کہ آدینگ ءِ پیش نماز ، وتی منتواری ءَ چہ اے دگہ کوم ءُ راجاں کہ وت ءَ را بلوچ راج ءِ گمانی شریدار زانتگ ، جار جتگ ءُ چدو گیش ، ھما تیر جنوک ءُ تیر شنزوکیں مردمان ءَ ھم وتی ھم ملکی ءُ " ھموطن " گوشت .
آدینگ ءِ اے یات مانگی ایں نماز ءِ تہ ءَ ٹِکّ ءُ پَدَّر گوشگ بوت کہ بلوچ راج وت ءَ را گوں ایران ءِ درھیں راجاں یکّے زانت .
نوں چہ لھتے داوا کنوکاں اے جُست کنگی انت کہ بلوچستان ءِ زانوگر ءُ زانتکاران ءُ نیکراھی سروکاں ، کدیں وت ءَ را چہ ماتیں وتن ءَ ( اسلامی ایران ) جتا ءُ گِستا زانتگ ؟ گُڑا بلوچ راج ءِ سر ءَ وتن سِندگی ءُ گِستا کنوکی ءِ الزام ءِ جنگ ، آھانی سر ءَ  زلم ءُ زیادھی نہ انت ؟ رجانک : میرجلال