تیس ءِ سمٹ ءِ کارجاہ ءِ کار ءُ بار بند کنگ بنت / ۳۵۰ مزدور ءِ چلوپگاں چہ نپت ءِ مزن کارگس ءِ کولہ روی ا
چہ میارجل ءِ بنجاھی ھالرسانی ءِ ھالانی رد ءَ ; تیس ءِ سمٹ ءِ کارجاہ ماں راسک ءِ دمگ ءَ ، بلوچستان ءِ یکّے چہ لھتے کارجاہ انت کہ اود ءَ ۳۵۰ مزدور تچکی ءِ ھساب ءُ ۱۵۰ دگہ ، کش ءُ گُوَری کار ءُ چلوپگانی گلائیش انت . اے کارجاہ گیش چہ وتی کار ءُ چلوپگی بستار اں پہ اینچوک مردم ءُ مزدور ءَ کہ بلوچستان ءِ یک زبھریں دمگے ءِ تہ ءَ اڈ کنگ بوتگ ، چہ اے ھاتر ءَ کہ چھبار ءِ شھمیر بھشتی بندن ءِ نَزّیک ءُ پیشن ءُ ریمدانی سیمسرانی ھمساھگ انت ، بوت کنت کہ وتی ساچاریں سمٹ ان ءَ دیم پہ پاکستان ءُ ھندوستان ءَ مُلکاں راہ بہ دنت ءُ آھان ءَ بھا بہ کنت .
اے کارجاہ ءِ اداری ءُ پلامرزی جھگیر ءَ گُوَشت کہ چہ امبری سال ءِ "فروردین" ماہ ءِ ۱۷ می روچ ءَ ، اناگتی ءَ ما را سھیگ کنگ بوت کہ اے کارجاہ ءِ کارکنگ ءِ "مازوت" ءِ ونڈ ءُ بھر ، چہ ایران ءِ نپتی پالگجاہ ءِ نیمگ ءَ بند کنگ بیت ، اے ھال ءِ مالوم داری ءَ پد ، ما را گوشگ بوت کہ چد ءُ رند شما وتی سمٹ کارجاہ ءِ "مازوت" ءِ مونڈ ءُ مھتاجی ءَ چہ اسپھان ءِ نپتی پالگجاہ ءَ شوھاز بہ کن ات ، واجہ امداد داد ور ءَ گوشت کہ پیسر ءَ ما وتی "مازوت" ءَ چہ ایران ءِ نپتی پالگجاھانی بنجاہ ءُ پھرہ ءِ جھگیری ءِ سر ءَ گپتگ بلے ما راگران کپتگ .
ائی ءَ گیش کت کہ چہ اے ھاتر ءَ کہ مازوت ءِ شوھازگی چہ نپتی پالگجاھاں ما را گران کپ ایت پمیشکا اے کارجاہ ءِ بند کنگ ءِ لاچارین ءُ چہ دیمی اردیبھشت ءِ ماہ ءَ ، وتی مزدوران ءَ نالوٹگیں موکلانی روگ ءَ ، کَڈّن کن ایں .
سمٹ ءِ اے کارجاہ چہ سال ۹۹ ءَ وتی کار ءَ گوں "کلینکر" ءِ اڈّ کنگ ءَ بندات ءُ سال ۱۴۰۰ ءِ آبان ماہ ءَ آئی ساچاریں سمٹ ءِ اولی بھراں ماں ھند ءُ دمگ ءِ بازار اں راہ دیگ بوت .
رجانک: میرجلال
کارمرز کنوکانی هیال